元朗新開的老馮茶居，就以舊日屋村環境作藍本，將不足千尺空間，一邊打造成山貨店、糧油雜貨店，另一邊是復刻冰室，卡座、紙皮石地板、懷舊海報，中間則擺放著如大牌檔圓枱摺凳，用的是雞公碗、木筷，旁邊還有舊日茶樓常見的痰罐，充滿港式風味。
裝潢玩懷舊，賣的也是傳統點心，約有 30 多款，像沙嗲豬大腸、黑椒牛仔骨、鵪鶉蛋燒賣、四寶滑雞扎，全是舊日茶樓常見的款式，出品順理成章由出身自點心師傅的爸爸榮師傅負責。
山竹牛肉球依足舊式做法，以行內稱為「大細窿」，即用兩種不同粗幼度攪拌牛肉，既可食到軟滑質感，同時又有粒粒牛肉的嚼感，唔會一味得個「腍」字。坊間少見的古法千層糕，製作繁複，一般酒樓也不願花時間做。他先將肥豬肉汆水，再加糖醃成冰肉，混合鹹蛋黃、糖冬瓜、鮮牛油、椰絲等冷藏，然後跟千層糕包皮相間疊起，再分兩次蒸，入口鬆化甘香，啖啖蛋黃甜香。腸粉也好吃，堅持每碟都是手拉製作，自家用磨米機磨好米漿再連餡蒸熟，腸粉晶瑩剔透，口感軟滑帶米香。必試的還有香噴噴的缽仔蒸飯，米飯粒粒蒸得均勻乾身，食落煙韌有咬口，可配窩蛋牛肉、魷香肉餅、蝦醬蒸腩仔等，蝦醬自家用紹興酒炒香，鹹香惹味，佐飯一流。在這裡歎點心，重拾了一種久違的老香港情懷。
特別推介：
古法牛肉球 $20/ 3 個
牛肉入口軟滑中帶有粒粒的嚼感，牛肉味濃郁。
鵪鶉蛋燒賣 $28/ 3 隻
鵪鶉蛋蒸得內裡軟心，連先打的豬肉及蝦肉餡，味道鮮香。
老馮鮮蝦餃 $28/ 4 隻
蝦餃皮雖只得 9 摺，但搓得透薄又柔韌，蝦肉彈牙多汁，很傳統的味道。
古法千層糕 $18/ 3 件
以冰肉、糖冬瓜、鹹蛋黃、鮮牛油拌成餡，與千層糕包皮相間成 6 層，工夫甚多，食落甘香鬆化，蛋黃味極香。
咖喱蒸魷魚 $18
選用爽口的土魷，加上自家炒製的咖喱醬來蒸，底下墊有齋索汁，香辣入味，非常惹味。
蝦醬蒸腩仔飯 $36
缽仔範圍較扁身闊口，蒸出來的飯粒粒分明又乾身，蝦醬用紹興酒炒香混合腩仔，再連同米飯蒸，鹹香味富層次。
四寶滑雞扎 $25/ 2 件
用腐皮包住蟹柳、魚肚、火腿及雞件來蒸，吸收了雞鮮味，很清香。
蜜汁叉燒腸 $22
腸粉皮薄滑溜，啖啖米香，連帶甜香的叉燒絲，簡單美味。
老馮茶居
地址：元朗大棠路 66 號地舖
電話：2659 8826
營業時間：9am-11pm
收費：只收現金，不設加一
交通：西鐵元朗站 J 出口，步行約 15 分鐘
泊車：合益廣場 $18/hr
備註：1. 茶芥 $3/位 2. 2:30pm-5:30pm 免茶芥，惠顧送凍飲或熱飲一杯。
平均消費：$40
歡迎你 like 我哋 U Food Facebook Page / U Food Instagram ，取得我哋更新更快嘅資訊！
