甫入餐廳已見到大大個甜品 corner，放有不同的自製雪糕，統統用足靚料炮製，像日本白桃、菲律賓芒果、京都抹茶等，更有清涼的青檸荔枝雪葩及柚子雪葩，較特別是椰子雪糕，用上法國椰子蓉炮製，味道清甜不假，更夾雜絲絲椰肉，比街外吃過的好！
除了硬雪糕，餐廳也設有軟雪糕機，每日有牛奶及乳酪兩款口味選擇，客人可自行加入不同配料，如朱古力豆、果汁軟糖、鮮果等，拼配出心水雪糕杯。唔想自己動手，Gary 已設計好多款不同 style 的雪糕杯，像芒果雪糕配上熱情果棉花糖、芒果汁、蝴蝶酥，賣相靚到絕，還有和風的紅豆抹茶、柚子白桃，滿足心多多的雪糕控！
此外，更有不少雪糕甜品，如外脆內冷的炸雪糕球、賣相像火焰雪山的拿破崙雪糕蛋糕、紫薯批配雪糕和超吸睛的蜜瓜凍湯，以新鮮蜜瓜起肉後加入檸檬汁和糖打成碎冰沙，每喝一口都冰涼入心，更有濃濃的果香，雖然唔會以蜜瓜做盛器，但 buffet 上有成 16 款的冰品雪糕輪流上場，夠晒煞食。
特別推介：
蜜瓜凍湯
蜜瓜起肉後加入檸檬汁和糖打成碎冰沙，雖然奉客時不會以蜜瓜作盛器，但當糖水食都一流，超級冰涼！
紫薯批配雪糕
沖繩紫薯磨成蓉後做成紫薯撻，粉糯美味，建議每一口都夾點軟雪糕吃，味道更好。
拿破崙雪糕蛋糕
外層像火焰雪山般以蛋白打起再焗成，中心則是三色雪糕，賣相經典，充滿兒時回憶。
炸雪糕球
呍呢拿雪糕以牛酒蛋糕包裹後再炸起，即叫即做，食落熱辣辣，中心呈冰凍口感，蠻好吃。
熱情果芒果綿花糖雪糕杯
混合芒果及呍呢拿雪糕，配上熱情果棉花糖、鮮芒果汁和蝴蝶酥，賣相已經好有睇頭。
紅豆抹茶雪糕杯
用京都宇治抹茶粉自製雪糕，口感 creamy 又帶甘甜，與大大粒粉糯的北海道十勝紅豆是 perfect match！
咖啡廳
地址：尖沙咀河內道 18 號尖沙咀凱悅酒店大堂樓層
電話：3721 7700
供應時間：星期一至日 12nn-2:30pm；星期一至五 6pm-10pm，星期六、日及公眾假期 6:30pm-10pm
價錢：
自助午餐 星期一至五 成人 $298、小童 $149，星期六、日及公眾假期 成人$368、小童$184；
自助晚餐 星期一至四 成人$578、小童$289，星期五至日、公眾假期及前夕 成人$638、小童$319
備註：現金及信用卡，設加一
想睇更多？即上 尖沙咀 / 甜品 特集！
相關報導：
萌爆！夢幻紫薯雪糕
比利時窩夫 x 雪糕三文治
日系粉紅軟雪糕
雪糕都浸泡泡浴！
2015 四大必食雪糕！
歡迎你 like 我哋 U Food Facebook Page / U Food Instagram ，取得我哋更新更快嘅資訊！
