台灣伴手禮，食得最多應該係鳳梨酥。自從「微熱山丘」土鳳梨酥彈起，先知原來鳳梨酥可以咁好食，酸咪咪味道天然，果肉飽滿，一絲絲的睇到又食到，比摻入冬瓜蓉做的，真係無得輸。
挑好吃的土鳳梨酥，近年又多一個選擇，就是賣相精緻的「旋轉木馬綜合鳳梨酥」。來自台北的「旋轉木馬點心坊」，老闆娘 Francis 曾到美國波士頓劍橋烹飪藝術學校、法國巴黎藍帶學院學藝，出品賣相 fancy，單睇盒子，以為係西式禮盒。唔止咁，鳳梨酥一盒更有 5 款口味，款款都有新意，包括亞麻籽仁原味、葵瓜子夏威夷豆、檸檬起司、咖啡核桃及椰子等。
長方形的鳳梨酥，外層會鋪上亞麻籽、葵瓜子、夏威夷果仁等，又或帶有馥郁的咖啡香、清新的檸檬香，而內餡亦將鳳梨混合果乾、果仁，增添豐富層次。也不獨是搞花臣，Francis 選料亦嚴謹，像外皮用法國牛油、不經漂白的日本麵粉炮製，烤至金黃色，鬆化帶牛油香；而鳳梨本身是在台灣種植的，香氣濃郁，將鮮鳳梨肉慢火熬煮 12 小時，原汁原味，還吃得到絲絲果肉纖維。
花大擔心機，一個鳳梨只能製作一盒鳳梨酥，好足料！還標榜沒防腐劑和人工色素，在講求食物安全的今天，可放心大啖吃。這鳳梨酥目前在高級雜貨店「好東西」獨家發售，要買趁手！
好東西
地址：灣仔皇后大道東 131A 地下
電話：2771 2827
(原文摘自《U Magazine》)
