雖然正值冬天，但亦無減韓國雪花冰的熱潮。海港城最近新開的韓冰店，在韓國當地有 20 間分店，來到香港，雖然店名改成韓冰（Hanbing），但餐牌依然跟足韓國店。
雪花冰口感與普通刨冰不同，其實是因為用了攝氏零下 20 度低溫將牛奶快速打成冰，再加入煉奶和一些秘製材料，所以雪花冰食落如雪般輕盈，兼帶濃濃奶香，不似刨冰般硬身無味。雪花冰另一吸引之處就是頂層的 toppings，店內的傳統口味如紅豆豆粉雪花冰，就會加紅豆、年糕、豆粉，三種材料連冰一齊食，口感豐富得多。賣相最吸引的藍莓芝士雪花冰，就鋪了 cheese cake、藍莓同雪糕，食落 cheese 味超濃，芝士 fans 一定 buy。
Menu 好全面，除了雪花冰，仲有埋韓國小食如炒年糕、南瓜粥、甜餡餅、年糕 waffle 等，一次過可以試晒咁多款人氣韓食。其中一款叫「脆脆波」（Ball）的小食，在香港更是前所未見，外層有點像法式麵包，香脆硬身，但裡面其實藏了年糕，口感外脆內煙韌，好特別。Toppings 通常會先放層年糕，再加一些鹹食配料，像芝士、火腿、蒜蓉醬，食落有點似多士，但就多層年糕的煙韌口感，韓國人果然好鍾意食年糕！
Hanbing
地址：尖沙咀海港城港威中心 4201K-4202K
電話：從缺
營業時間：星期一至日 10am-10pm
