韓燒熱沒完沒了，最新有這家在韓國屹立了廿六載、共10家分店的「平昌」，一星期前在佐敦插旗。白磚牆掛上韓國店舖黑白照，mono tone 充滿現代感。一般韓燒店對象都是大班來的食客，難得這裏細心地為情侶而設大量2人卡位，啱晒情侶撐枱腳。
電視長播韓國電視台推介總店最hit的「芝士豬肋骨」，美少女主持不斷將芝士汁翻騰，拉高拉低再捲着豬肋骨，令在座客人無不留口水。同樣燒法的「芝士烤豬腸」，本地較少見，煙煙韌韌，沾滿濃郁邪惡的芝士，連本地韓燒店少見的「烤牛肚」都有，一大塊韓國入口的牛肚，燒時再剪成細件，勁爽口！最誇一定係辣醬、醬油，還有咖喱、香草、人參、紅酒及蒜香，成 set 足有 2枱人咁長，上枱那刻超震撼！
除了BBQ外，餐牌亦有多款一口料理、火鍋、飯麵湯，勁多選擇，兩位以上客人仲送10吋芝士pizza，好親民！面上掛着親切笑容的韓籍老闆娘郭宣勳，在深圳已有家開了十年的「名家苑韓國料理」，她曾跟韓國大師研習大長今宮廷料理，難怪餐前小食賣相很精緻。她更邀得具40年豐富經驗的前阿里朗珠媽大廚坐鎮，食物甚有水準，韓菜迷必朝聖！
平昌韓國餐廳
地址：佐敦彌敦道219號莊士倫敦廣場5樓
電話：2252-3899
營業時間：星期一至日12nn-2:30pm、6pm-12mn
收費：現金及信用卡，設加一
交通：港鐵佐敦站D出口
泊車：榮國中心 $20/hr
平均消費：午市$60、晚市$200
