Soho 成日都有新餐廳登場，但近期最爆的，算是 SAAM。雖然是間小店，卻豪花近 20 萬來買高科技廚具，非常揼本！引入呢批廚具的董事總經理 Jeffrey，同時係廚房設備供應商 Catering Depot Inc. 的創辦總監，搜羅 high-tech 設備無難度。其中價值 $125,000 的「冷凍離心機」，能搾出清澈無渣兼無雜質的果汁，盡收果汁內精華，用來做果汁和 cocktail 最啱。而「超聲波均質機」同樣犀利，用聲波能量去 blend 勻材料，用來做醬汁一流。Jeffrey 話：「有了良好廚具設備，便能節省人手和時間，亦可輕易製作出美食。」
有高級廚具，也有具份量的廚師。菜式由合夥人兼行政總廚Patrick 設計，他曾於悉尼、上海、邁阿密多個地方的高級餐廳工作，喜歡將沿途所見所聞作為菜式設計靈感，故餐牌集合了多國風味。像 Cuttllefish "Noodle"，將墨魚切條狀扮麵條，再配以加拿大海膽、海帶、三文魚子，似 pasta 的賣相，和風的味道，配搭好 creative。Patrick 又見近年韓風大熱，菜式亦加入少少韓食元素，賣相似 Tacos 的 Beef Tartare "Gangnam" Style，用米通薄脆盛載?牛肉他他和自家製泡菜i，食落香脆又啖啖肉，好惹味！
食嘢之餘，一定要試試這裏的 cocktail，配搭非常特別，像靈感來自港式奶茶的 Tea time，就用自家製奶茶味 vodka、檸檬、蜂蜜溝成，入口夾雜奶茶香同酒香，味道超特別，包你出面試唔到！
SAAM
地址：中環蘇豪嘉咸街 51 號
電話：2645 9828
營業時間：6pm-12mn
收費：信用卡及現金，設加一
交通：港鐵中環站 D2 出口
泊車：萬宜大廈停車場 $26
平均消費：$300
