節日 Buffet，少不免想食勻矜貴食材，呢個有齊百多款 items 的自助餐，無論以中西日的角度都食得夠晒豪！先講萬人迷龍蝦，用的是新鮮加拿大龍蝦，質素已經好過急凍龍蝦，仲有齊三式食法任揀，西式香蒜牛油烤龍蝦、中式豉椒炒龍蝦，又或者乾脆凍食，都無問題。
走一轉不同的自助餐桌，海鮮款式尤其多，凍食離不開加拿大長腳蟹腳、黑青口、翡翠螺、小龍蝦、大蝦；中式熱食主角有黃金蝦、豉椒炒蟶子、清蒸鮮海斑；西式熱食就有燒大蝦、燒蟹腳、西班牙海鮮飯……講到貴氣焦點，自然係 5 款魚子醬，對，自助餐都可任食魚子醬！款式包括法國鱒魚子、西班牙希靈魚子和北海道三文魚子。日式刺身壽司亦唔行貨，除帶子、海膽及紅蝦刺身外，連拖羅壽司都有！鐵板燒更有即煎法國鵝肝，梗係「獵物」之一啦！食到喉乾，飲盅花膠響螺燉湯滋潤，無味精，燉足 4 小時，美顏滋潤之選。
甜品款式逾 30 款，為聖誕特製的應節甜品也有 10 款，英式聖誕果餡批、忌廉鬆糕、薑餅焦糖布甸、意大利杯子蛋糕……充滿歐洲聖誕氣氛。
香港尖沙咀凱悅酒店咖啡廳
地址：尖沙咀河內道 18 號香港尖沙咀凱悅酒店大堂樓層
電話：3721 7700
聖誕 buffet︰12 月 24 及 25 日 5:30pm-8pm 成人$858、小童$429，8:30pm-10:30pm 成人$858 小童$429
交通︰港鐵尖沙咀站K11出口
泊車︰酒店B3樓層 $50/hr (最少2小時)
