就咁一塊牛扒，唔會變潮物，但將佢變成星期五出嚟「we we wet wet」嘅主題，成件事即刻型晒，以靚扒私房菜及為客人自家熟成靚扒出位的 The Butcher Club，最近逢 happy Friday 搞了個以肉眼扒為主題的 steak frites night，雖然在黃竹坑舉行，但一樣有大把潮人放棄蒲老蘭專登來鋸扒。
超班風乾肉眼
The Butcher's Club 本身係專業的風乾牛扒專門店，在田灣有自家的 dry-aging 工場，熟成專家做牛扒當然超班，拿出來做 steak frites night 的 ribeye 當然靚到唔係人咁品，行政總廚兼老闆 Eric 說他們與澳洲供應商關係密切，所以供應商在昆士蘭及新南威爾斯都有指定的農場飼養 The Butcher's Club 的牛隻，而且只取整頭牛回港，幾乎是直接從源頭取貨，跟隔了供應商、只能買到已分割牛肉的肉商，牛扒質素更加穩定。
Steak frites night 專用澳洲安格斯牛肉眼，Eric 說澳洲種比美國種更優勝的地方，是牛隻小時候吃草兼在農場內四處走動，到長大一點才轉餵 300 日以上穀物，牛肉既有草飼牛的濃郁肉味，也有穀飼牛的漂亮雪花紋；當然熟成工夫也應記一功，牛肉均在專業的風櫃裏風乾 50 日以上，大廚 Daniel 說經這樣長時間的處理，牛味會超濃郁，用行內人的術語講有如 Blue cheese 般濃郁，肉的纖維也完全鬆開，牛扒腍到輕輕一切就開 ，水準超高，敢說你在酒店吃，肯定近千元。
此 steak frites 跟之前介紹的法式 steak frites 不同，二人來吃，連骨達 700g 重的巨型肉眼烤至 medium 或 medium rare 原件上枱，連旁邊的薯條都講究，手切兼用鴨油分 3 次炸，又脆又有澱粉感，最重要係有陣普通薯條無的甘香、配埋前菜蟹餅、沙律及甜品，一個價錢 3 道菜享受，辛苦工作一周，你值得擁有。
Dry-aged Angus Ribeye Steak
Steak frites by The Butchers Club $650 位（包括前菜、牛扒、甜品）
這是二人份的肉眼扒，約700g，牛扒約1吋厚，二人前會一件過上枱，皆因愈厚身愈有助保留牛肉中的肉汁；經50日以上長時間熟成，烤好後牛味頗有爆炸力，難得近1吋厚，肉質也軟淜。一人份的肉眼約350g。要讚讚旁邊的鴨油薯條，條條夠脆又有油香味，芥末及其他醬汁也是自家製的。
Aussie organic mixed leaf salad with balsamic dressing
每份牛扒都會配沙律，沙律配料簡單，但那道陳醋汁卻酸香醒胃，跟牛扒頗夾。
Sustainably harvested Aussie blue swimmer crab cakes
蟹餅炸得香口，甚有蟹肉的鹹香及鮮味，旁邊以有機紅蘿蔔、芫荽及是拉差辣椒醬做的醬汁，酸酸辣辣，起開胃作用。
Homemade dark chocolate cheesecake
黑朱古力加上 75% 的忌廉芝士，朱古力甘香又有芝士餅的軟滑，配呍呢嗱雪糕。
The Butchers Club Deli
地址：黃竹坑道 18 號瑞琪工業大廈 16 樓 A 及 B 室
電話：2884 0768
營業時間︰輕食午餐 12nn-5pm，私房晚餐 7pm-深夜
收費：現金及信用卡，不設加一
交通：於銅鑼灣乘 72 巴士於黃竹坑道下車
備註：兩位起，須早預訂
(原文摘自《U Magazine》)
