這個燒烤場平日供應任飲任食 BBQ，有三十多款食物，包括牛扒豬扒雞翼丸類腸仔多春魚等，選擇大路，但不失心思，像川辣雞中翼，入口頗刺激；更有少見的原條秋刀魚及日本鯖魚，丸類、蔬菜選擇也不少；還附有牛油、青檸汁、孜然粉、辣粉及蒜蓉給大家隨意添味，配套齊全。
乘著大閘蟹季開鑼，加上今年大閘蟹特別當造，隻隻爆膏，老闆便推出燒大閘蟹這新點子，一次過滿足為食鬼的兩個願望！燒大閘蟹毫無難度，新手都搞得掂，店方將蟹用錫紙包好，再放到炭堆燒約十至十五分鐘就食得。打開出晒煙的靚蟹，蟹膏依然滑溜，蟹肉鮮甜不乾，還帶有陣陣燒烤香氣，比蒸煮多添風味。這 gimmick 來自愛吃愛燒烤的老闆們，很久以前已試過好滋味，便趁今個蟹季推出。特別揀選太湖貨色，隻隻都有認證，公均重約四兩半，一蘿 30 隻賣 $2,000。
嫌未夠喉，還可額外柯打燒德國鹹豬手、燒皇帝蟹腳、燒虎蝦等貴價食物。海鮮粉絲湊夠 12 人，甚至可來個海鮮燒烤餐（$3,280），食盡皇帝蟹腳、生蠔、扇貝、藍青口及虎蝦，鮮味滿瀉，加埋其他燒烤美食，大滿足！
大閘蟹 $2,000/ 30 隻（須預訂）
大閘蟹今年豐收，隻隻質素都好，用來 BBQ，別有一番風味。店方選來太湖蟹，每隻約重四兩半。
皇帝蟹腳 $380/ 份
來自日本北海道，每份約重 500 克，蟹腳如前臂般長，蟹肉一梳梳的，鮮味跟海水味完美結合。
半殼生蠔 $120/ 12 隻
只作熟食的蠔，淨燒原汁原味，想惹味點可加蒜蓉牛油燒。
半殼扇貝 $18/隻
頗厚肉，鮮甜彈牙。
德式鹹豬手 $120/ 隻
鹹豬手都有得燒！皮脆啖啖肉，好味。
古法豬仔髀、雞全翼
頗受歡迎的食物，前者少見，有如叉燒的味道，食肉獸必試；食雞全翼最愛翼尖位，記得要燒得香脆！
任飲任食 BBQ 收費：
成人 $208（星期一至四）、$238（星期五至日及假期前夕）
3 歲以下小童免費，11 歲或以下小童半價。
任食 BBQ 有三十多款食物，選擇豐富。牛油、蒜蓉外，近年大熱的孜然粉及辣粉都有，可調出心水口味。
註：任飲任食 BBQ 最少 4 位起，須一日前預訂；如 3 日前預訂，每位成人加送半殼扇貝及虎蝦各一隻。
Open Fire
地址：新蒲崗八達街 3-5 號安達工業大廈 8A 天台
電話：2708 8872 / 2505 1898
營業時間：6:30pm-12:30am
交通：港鐵鑽石山站 A 出口
泊車：七寶街海悅 夜泊 $30 (由6pm-8am)
(原文摘自《U Magazine》)
更多2014 大閘蟹情報：大閘蟹 特集
