入冊食皇家飯，無人like，但如果在尖沙咀歷史地標海利公館的 Mariners' Rest 內歎升級版皇家飯，呢個 post 一定輕鬆詭 Like！Mariners' Rest 內依然保留香港最耐歷史的水警囚室，鐵欄、鐵窗、幾十呎的囚室就只有貼牆的石凳和頭頂一盞燈。柯打食皇家飯，仲有一系列的入冊程序同「入獄」規則，首先去揀返套岩自己的囚衣，再自選 no. 寫上囚犯編號貼在囚衫上，餐廳內的職員還可幫你拍照留念，都咪話唔搞鬼。
根據大廚的名查暗訪，選出兩款最經典的皇家飯供應，包括皇家焗黑豚豬扒飯及皇家咖喱牛肉飯。食材上當然大升級，普通的豬扒變成日本黑豚豬扒，牛肉用上美國頂級牛坑腩，加埋個印、港 style 的咖喱，好香！為保「皇家飯」的風味，這兩個 set 都以不秀鋼鐵盤上，用漱口盅盛清茶，再加埋少少蔬菜同埋一個橙。雖然真可以在囚室開飯，但開餐來說，始終唔算舒服，影完相還是拿著個皇家飯在餐廳享用罷！
皇家焗黑豚豬扒飯 $198
一個 set 有飯、茶 (可添飲)、西蘭花和一個橙。黑豚豬扒炸得酥化軟腍，番茄醬酸香岩岩好。
皇家咖喱牛肉飯 $198
咖喱是印度加港式style，加入薯仔、紅蘿蔔、洋蔥去煮，濃稠惹味，牛腩軟腍，另配香料印度飯也是升級配搭。
備註︰皇家飯建議預訂
Mariners' Rest 水警吧
地址︰尖沙咀廣東道 2A 號「1881 海利公館」花園樓層
查詢及預訂︰3988 0103 / mariersrest@hulletthouse.com
供應時間︰12nn-2:30pm，6pm-10:30pm
