WFH不少人午餐都會選擇即食懶人包，夠方便快捷。最近李錦記就聯乘金象牌推出鮑魚撈飯即食包，內含鮑魚、醬汁及即食飯，只需加熱就食得！即食鮑魚撈飯於超市及便利店有售，午餐或宵夜想食豪少少的朋友可以買來試試～
李錦記最近聯乘金象牌推出一人份蠔皇元貝鮑魚撈飯，醬汁包內含即食鮑魚，另外配上一盒金象牌即食茉莉香米飯。
只需將即食飯放入微波爐加熱兩分鐘，再澆上醬汁包即可食用。如果想品嚐更熱辣辣的滋味，亦可將醬汁包放入滾水加熱5分鐘，再和米飯撈勻。
即食包於4月11日起在指定超級市場、便利店及網店陸續上市。
李錦記x金象牌蠔皇元貝鮑魚撈飯
價錢：$49
銷售點：指定超級市場、便利店及網店陸續上架
