就算係水果都要睇品種同產地，先至保證係咪高質！踏入士多啤梨當造季節，K-Orchard引入產自韓國當地果園嘅4大Premium Strawberry，阿爾塔王 (Altaking)、金實 (Kuemsil)、雪香 (Sulhyang)及梅香 (Maehyang)各具特色，甜度比一般士多啤梨更高，體型更大，粒粒飽滿豐碩，禮盒包裝精緻矜貴，適逢年尾派對特別多，送禮一流！
K-Orchard係專門推廣優質韓國蔬果嘅零售點，並獲得韓國農水產食品流通公社全力支持，佢引入嘅Tina Berry士多啤梨亦都大有來頭，Tina Berry係由韓國士多啤梨出口綜合組織K-berry所建立，代表對品質嘅堅持同肯定，將最美好嘅呈現給大眾。喺得天獨厚嘅智異山山脈培植士多啤梨，挑選出又甜又大粒飽滿嘅優等生，以保鮮技術由農場直送世界各地，特別以「冷鏈系統」提高士多啤梨嘅硬度，延長保鮮，確保每粒士多啤梨送到客人手上都咁新鮮好味！
到底4款士多啤梨有乜分別？邊款最啱你口味？即刻睇睇試食報告啦！
阿爾塔王 (Altaking)試後感：
｢聞落有陣淡桃香，食落甜酸比例恰到好處，果型碩大，堪稱係士多啤梨中嘅巨人族，果肉結實有咬口，唔會太軟腍，絕對係士多啤梨界王者，話佢係LV級數當之無愧，係呢期必試嘅水果！｣
雪香 (Sulhyang) 試後感：
味道香甜感十足，最特別係入口融化的口感好似白雪般，居然帶嚟一份幸福感，啱晒戀愛中嘅情侶品嚐呀~唔怪得呢款雪香品種長期高踞韓國內銷No. 1啦！由於雪香果肉嬌嫩，保存難度極高，所以有機會就一定要試吓喇！
梅香 (Maehyang) 試後感：
至於韓國出口No.1嘅就有呢款梅香喇！食落口感爽實、帶有清新香氣，而且價格親民，所以深得韓粉歡心。由12月到4月係梅香嘅當造期，所以趁宜家梅香品質處於顛峰期品嚐，你會發現佢嘅CP值的確係超高。
金實 (Kuemsil) 試後感：
呢款係由梅香和雪香混合種植而成，所以集合咗梅香嘅爽實口感，亦有雪香嘅體型，聞落仲有濃濃的士多啤梨香氣。味道濃郁且糖度極高，絕對唔會令你失望！
Tina Berry Korea Premium Strawberry包裝亦貫徹韓系風格，設計精緻優雅，送畀朋友或者自用都一樣得體。
鐘意食甜品嘅朋友就唔可以錯過K-Orchard X Cake of Stardust嘅季節限定「韓國士多啤梨忌廉蛋糕」。本地人氣蛋糕店Cake of Stardust，店主Nicky對烘焙充滿熱情，堅持選用最新鮮時令食材，今次就揀咗韓國金實士多啤梨，貪佢香甜味濃，鬆軟海綿蛋糕夾著士多啤梨果肉同淡忌廉，再鋪上一層令人垂涎嘅金實士多啤梨，精緻又甜而不膩！
6吋蛋糕韓國士多啤梨忌廉蛋糕
價錢︰$850 (需5日前預訂)
K-Orchard Tina Berry Premium士多啤梨零售點：
AEON黃埔、AEON康山、TaSTe又一城、TaSTe東薈城、GREAT Food Hall太古廣場、3hreesixty圓方
資料由客戶提供
