愈涼就愈想食雪糕，打著冷震「冰鎮」舌頭的感覺又爽又醒神。
7-Eleven 便利店最近新引入兩款雪糕甜品，包括美祿雪糕杯和蕃薯雪米糍，鍾意凍冰冰食雪糕的朋友睇睇新品啱唔啱食！
美祿雪糕在東南亞地區熱賣，綠色招牌包裝在雪櫃中非常搶眼。
雪糕的生產地在泰國，美祿味頗濃，內含朱古力麥芽脆脆，平日喜歡飲美祿的朋友應該感到滿意。
而甜蕃薯雪米糍則由日本引入，一盒兩粒；橙黃色的軟熟糯米皮中，包裝住蕃薯雪糕，味道香甜，嗒落蕃薯味幾重。
價錢：美祿朱古力雪糕杯 $9/ 日本樂天雪見大福甜蕃薯雪米糍 $19
地點:7-Eleven 便利店有售
