日清出即食麵味薯片，唔係新事，品牌早前就出咗紅色包裝嘅麻油味薯片，反應大好；最近支持黑色版即食麵嘅我，就發現呢款黑蒜油味薯片！包裝同即食麵有 99% 相似，都係有日清仔嘜頭，真係隔住個袋都聞到陣黑蒜味！
黑蒜油味薯片 $10.5
喺左下角有句 warning，提醒唔洗你唔洗煮同等 3 分鐘先食，呢個 gag 唔知你受唔受落嘞，哈哈！
出前一丁嘅薯片比較厚身，呈波浪紋，食落脆口，有淡淡生蒜味但略鹹，蒜味勁得嚟仲苦苦哋，似沖完杯麵未 mix 均啲湯粉嘅濃味。
雖然味道略鹹，但又會食唔停口。當你食晒成包之後，aftertaste 竟然同食完個黑蒜油味即食麵一樣，神奇！
【小編評分】：7/10
售賣點：惠康
文︰Louise、攝︰Ray
歡迎你 like 我哋 U Food Facebook Page / U Food Instagram ，取得我哋更新更快嘅資訊！
