text│Sakura
將軍澳海濱開了一間點心館，原來它是 60 多年粵菜老字號——米芝蓮推介的益新美食館副線，取「得閒飲茶」的諧音：DHYC 為店名，裝修走似 cafe，加上日光充足，及 180° 靚海景，中檔收費，開業不久已口碑不俗。
有益新監製，點心有相當嚴格要求，請來陳雲峰師傅主理，入行 20 多年，曾做過多間高級粵菜和酒店，亦特意到益新總店跟老師傅學藝 2 個月，務求呈現出最傳統點心風味。
益新的灌湯餃很馳名，餃皮包着鮮味的湯，而非變成「湯浸餃」的版本。灌湯餃外形完美，有細緻的摺紋，吃時咬穿餃皮，一啖湯一啖餡，非常鮮香。製作上一點也不容易，餃皮薄得來要煙韌包得住熬 4 至 5 小時的自家製上湯，再包裹蟹肉、豬肉、蝦肉、冬菇、瑤柱、大菜糕等豐富材料，少點工藝都搞唔掂，即叫即蒸，這款必試！
牛肉球也很出色。「牛肉球 100% 用純牛肉製，是新鮮針扒牛肉，比起牛冧肉仲貴三至四倍，人手切碎製成免治牛肉，手切的鬆化度與機攪的，完全是兩回事。」陳師傅說。真‧牛肉做，自然牛味濃，口感爽彈，好耐無吃過咁高水平的牛肉球。唔使過海都吃到粵菜老字號招牌手工點心。
牛肉球 $38、蝦餃 $42
牛肉球揼本選用針扒牛肉製，牛味香濃，質地爽嫩；蝦餃選用新鮮海蝦，細心挑走蝦腸，餃皮薄而軟糯，爆汁鮮味。
窩貼蝦多士 $68
看樣子已相當吸引，顏色金黃均勻，沒有滲多餘油 份，蝦多士爽脆，蝦味牛油味都出色。
鮮蝦脆米網腸粉 $48
腸粉滑溜， 夾着鮮蝦脆米網，口感紮實，似食超脆口的炸兩。
蘿蔔絲酥餅 $42
酥皮鬆化，咬落爆餡，有好濃蘿蔔甜味。
懷舊灌湯餃 $68 兩件
做回傳統大大隻的版本，外形美觀，摺紋夠細夠密，餃皮偏黃又有韌度，湯和餡比例一比一，內有蟹肉、豬肉、蝦肉、冬菇、瑤柱、大菜糕等，上湯熬了 4 至 5 小時非常鮮甜，一咬爆出湯汁，吃時要小心失儀態。
竹炭奶皇包 $42
包身鬆軟，奶皇香滑流心。
蛋散 $38
賀年必食小吃，口感酥脆，味道懷舊，蛋味香甜。
招牌炒飯 $120
將傳統星洲炒米變成炒飯，飯香微辣，惹味十足。
【info】
DHYC Dimsum Restaurant
地址：將軍澳唐俊街 23 號 Monterey Place 1 樓 2A 號舖
電話：3105 8114
營業時間：11am - 9:30pm
備註：因應防疫政策，營業時間或有更改
