text│Vera photo│Kee
原來大圍沒有馬拉菜館，開業不久的捌哥‧馬拉籽茶啡廳就成為了區內唯一一間馬拉食店。此店是深水埗人氣餐廳捌哥‧捌哥的分店，由兩位前資深傳媒人以特許經營方式開設。找來本地著名藝術家 Man 僧手繪巨型壁畫，將昔日大圍的地標街景以及店主心愛的貓貓繪在牆上；又邀得本地字畫家陳笑洛手寫書法字畫搞笑金句，令小店增添活潑的風格。
為了貫徹馬拉總店風味，材料如咖央多士的麵包、茶葉、咖啡豆，以至醬料，包括喇沙湯底、肉骨茶湯膽、白咖喱醬、沙嗲醬、咖央醬、豉油、胡椒粉等，全部都用馬來西亞空運貨。大圍店更推出了一款獨家限定出品——生炸雞髀辣死你嗎椰漿飯，客人可改配藍花飯。招牌肉骨茶另有 combo 分量，夠 3、4 人分享，更正係凡點肉骨茶都可以無限添飲。記者大推咖央多，選用的馬來西亞麵包多氣孔，烘焗後比本地麵包鬆脆得多，即使放了半小時依然不失鬆脆，咖央醬帶班蘭清香又不死甜。不少馬來西亞華僑力讚味道正宗，特意跨區走過來幫襯。
【info】
捌哥．馬拉籽茶啡廳
地址：大圍積存街 14 號地下
電話：2884 0886
營業時間：11am - 10pm
備註：6pm 後未能堂食，仍提供外賣服務
----------------------------------
生炸全雞髀辣死你嗎椰漿飯 $86
大圍店限定，雞髀即叫即炸，雞皮脆卜卜，雞肉嫩滑鎖住肉汁。配料有咖喱薯仔、脆魚仔、雞蛋、青瓜、花生，參巴醬愈食愈覺辣勁。
鮮牛油咖央多士 $35
麵包及咖央醬由馬來西亞空運到港，麵包充滿氣孔，經烘焗後特別鬆脆；咖央醬帶班蘭清香不過甜。
肉骨茶大滲 $158
藥材有當歸、北芪、紅棗、杞子、淮山、龍眼肉及黑蒜，湯底至少熬足 4.5 小時，藥材味頗突出，可無限添飲肉骨茶湯。配料有一字骨、三層豬腩肉、豬手仔、豬腳彎、豬肚、雞腳、豆卜、金菇及響鈴。
咖喱喇沙 $78
咖喱香料香味豐富又帶椰奶的香滑，加入桔仔汁有減膩作用，雞肉都零舍入味。
乾炒辣米暹配娘惹咖喱雞 $88
米粉幼爽，以馬來西亞辣醬、蝦米、炸蒜、乾蒜及芽菜同炒，吸晒辣香，辣勁十足。
馬來西亞拉茶 $16
每杯由人手來回拉足 6 次，拉到起泡幼滑，茶味鮮明，甜度跟足馬來西亞口味。
