text│sieg photo│Kuen
這包包是炸冬甩嘛？抑或以為是日本炸麵包？其實它是一種叫 Berliner 的德式炸麵包。它是新蒲崗名物！是一間街坊格局的小店出品，製作這包包的師傅是酒店級的歐包達人，這個包包非常有料到。
這德式炸麵包之所以是新蒲崗名物，全因做得好有誠意。個個即叫即炸，想吃要有耐性等 10-15 分鐘。拎上手熱辣燙嘴，最令人驚訝是非常重秤，比冬甩包或日式炸麵包重得多，記者試吃！好狠狽，一咬下去，朱古力醬咇晒出來，弄得嘴角滿手都是，包包熱辣、餡料卻冰涼，冰火二重天。
街坊店推出這款冷門即製歐包，因為店主兼麵包師 Hazel 為研究歐洲包點而遠走德國深造，這款包充滿她當日學做麵包的回憶。3 位師傅對出品都奄尖，用料達正宗歐包店的水平，選用德國麵粉，或許你會問為何不用人人追捧的法國貨？Hazel 解釋因為鍾情德國麵粉的麥香及粗獷煙韌的口感，「德國麵粉的「灰粉度」略比法國麵粉高，代表它連着部分的小麥麩皮與胚芽研磨，麵粉麥含量較高，顏色也較深，無漂白，做出來密度高、絕不是空氣包。」
德國麵粉加上糖、雞蛋、法國鐵塔牛油及原枝馬達加斯加呍呢嗱籽，製出的麵糰一下油鍋，即時脹大一倍。跟德國小檔傳統一樣，炸好即時蘸上自家混合的肉桂糖並唧入餡料。想師傅唧餡不留手，務求客人一咬，餡料漏到滿嘴滿手都是。餡料款式也很誇張，單是常設都有 19 款口味，原味德國忌廉、即磨咖啡醬、比利時朱古力醬、自家煮焦糖醬、自製的的軟糯麻糬，也有自製果醬如肉桂青蘋果、榴槤等，還不時有快閃口味，好似最近新出的金沙鹹蛋黃及奶醬口味，雪到凍冰冰，唧入熱辣炸包裏。Samantha 說，這包包最好炸好即吃，外脆裏面煙韌、又熱又冷、餡料咇到四圍都是，好過癮！
德國炸包 $18 個、$100 六個
望落似冬甩的德式炸包 Berliner，是德國街頭小吃。麵包部分相當有密度，十分重秤，外層微脆，咬落軟熟帶少許煙韌，麵粉味突出又帶少少牛油味，風格少少似有咬口的 Brioche（法國牛油包）。
特別為炸包設計的紙盒，3 個起已有盒子。
切開可見餡料甚為豐滿，幾乎每一咬就咇出餡料，吃時難免滿嘴滿手沾滿餡料。
最有誠意係每個炸包都是即叫即製，個個炸到金黃脹卜卜，軟熟度最完美。
炸包的麵糰用上德國麵粉製，做出來的麵包比用法國或日本麵粉做的粗獷實在，麥味也濃郁一點。
炸包餡常設口味有原味、吉士、特濃咖啡、肉桂蘋果等 19 種，還不時有奶醬及金沙等 pop up 口味。
麵包炸好會蘸上砂糖，有呍呢嗱、檸檬皮、肉桂 3 款口味揀。
師傅會唧入冰凍的餡料，每個包包約有 50g 餡。
街坊格局，卻卧虎藏龍，3 位店主在歐包名店 La Rose Noire 及 Mira 餅房出身。
【info】
理想餅店
地址：新蒲崗康強街 32-34 號康強洋樓 A 座地下 7 號舖
電話：2772 1328
營業時間：9am - 9pm
同場加映：
【搵食熱話】IG爆紅！長洲露營風Cafe 流心髒髒布丁撻+巴斯克芝士蛋糕
