text│TY photo│Kuen
紅遍社交平台的慈雲山榮記殺入旺角，主打的沙嗲煲仔麵更推出加強版，以後想一試濃郁沙嗲湯底就更方便！新店裝修大玩懷舊本土情懷，除了牆身貼有紙皮石，用上大排檔摺枱摺凳，最架勢店內仲有到天花咁高的傳統花牌，利用香港獨有的搭棚技術架起，超吸引眼球！
沙嗲煲仔麵沿用與老字號醬廠綿香合作秘製的沙嗲醬，加重了大地魚、蝦米和花生的比例，濃郁程度完勝大部分茶記。這次更推出升級版本，沙嗲湯可自選雞湯或加倍香濃的龍蝦湯。食法也參考了日本，創出港式沙嗲沾麵，沙嗲沾麵汁比湯麵加入 3 倍醬料炮製，濃厚度十足，勁掛汁。
新店的煲仔美食像窩蛋牛肉煲仔飯改用了生食級蘭王蛋、美國 prime grade 牛小排，黑松露雜菌煲仔飯更有廚師在席前刨上原片黑松露，將港式美食大升呢！餐廳仲自家製蒜油、豉油、蠔汁等，淋在煲仔飯上更惹味。開業一星期，門口日日現人龍。
【info】
煲仔榮記
地址：旺角花園街 1 號鴻禧大廈地下 K 號舖
電話：從缺
營業時間：12nn - 10pm
