text│TY
秦石街市裝修後正式開幕，裝潢以鄰近的車公廟為靈感，場內滿布金風車、廟宇籤文，更掛有祝福語句，仲設有小食街，有超過 10 間食店進駐，部分食店營業至凌晨 12 時，絕對是宵夜之選！
小食街集合了中西日泰菜式，包括主打日式丼飯手卷的瀛風、賣港式街頭小吃的傳承麵館、泰國人主理的泰屋等小店。首推老字號德國熱狗，餐單跟本店差不多，供應 10 多款不同口味德國腸，像脆皮煙肉火腿腸、墨西哥辣腸、香葱豬柳腸等，佐以自製酸瓜醬、茄醬、芥末醬等。最新推出廚師發辦熱狗，由廚師隨意落料，加入薯餅、炒蛋等不在熱狗餐單內的配料，有新嘢可試！
專攻麻辣涼拌的琪味小食也吸引，其中麻辣涼皮可自選配料，像皮蛋、青瓜、燻蹄等，整體分量勁多，cp 值高！糖水坊的甜品，台式有台灣直送的芋圓、地瓜圓，配仙草、小丸子、紅豆、爆珠等，港式有椰香喳咋等懷舊選擇，仲有超受街坊歡迎的糯米糍，用新鮮水果做餡，啖啖果肉。
【info】
秦石街市
地址：新界沙田大圍盛田街 1 號秦石街市
電話：從缺
營業時間：9am - 12mn
同場加映：
【搵食熱話】銅鑼灣三層高精品超市旗艦店
