text│Vera photo│張志孟
人流長旺的小食街登打士街又有新小食店進駐，要數最出位的小食，一定係這間串串雞蛋仔！雞蛋仔好似魚蛋咁、一串七粒用竹籤串起，每粒 size 也比一般雞蛋仔略大，較圓渾、較堅挺、脹卜卜，表面仲好光滑。包括原味、Oreo、黑炭朱古力、肉鬆芝麻、雙重芝士、綠茶紅豆等共 15 款口味，有甜有鹹。
90 後店主 Frankie 說：「呢款雞蛋仔近幾個月在台灣網絡上爆紅，因為疫情，當地店家想避免客人在街頭用手搣雞蛋仔食，於是改用竹籤串起。我見幾得意，一於引入。」烤雞蛋仔的工具也不同，他從台灣訂購長方形的雞蛋仔機，放上竹籤倒上蛋漿就可烤出串串雞蛋仔。
自家研發的雞蛋仔漿用料講究，挑選成本較高、蛋味較香的荷蘭蛋打蛋漿，雞蛋仔也加上奶粉、吉士粉及少許芥花籽油，烘出來的雞蛋仔帶奶香，烘完呈均勻金黃色澤，表層似曲奇般脆，裏面就煙韌 QQ，不像一般的空心。
【info】
醉香美食
地址︰旺角登打士街 43H 號地下 1 號舖
電話︰4625 6879
營業時間︰7am - 11pm
