text│Sakura photo│May
老字號雪山冰廳近日成立了副綫蘇山雞飯，將冰廳裏的人氣雞飯變做主角，餐牌上還有不少東南亞美食。老闆將招牌雞飯配迷你叻沙或肉骨茶二合一做套餐，下午茶只係 $58，價位真的無得輸！
招牌海南雞飯配方同本店一樣，選用 2 斤半以上三黃雞，肥美啖啖肉，雞肉也滿嫩滑的，油份高，食落有雞油香味，用來做海南雞就最適合。以雞湯浸雞甚為了得，浸完95-100℃ 上湯再浸凍水，鎖着肉汁又保持雞肉嫩滑，難怪保留一層滑嘟嘟的啫喱膏。關鍵仲要浸 20 分鐘秘製滷水汁，滷水以日本花菇、瑤柱、大地魚等製作，啖啖鮮香入味。
油飯也好多人讚。油飯用泰國米，除了用香茅、斑斕葉、南薑、爆炒過的紅葱頭和蒜蓉同煮，尾聲還加入椰汁烹調，用西施煲來取代傳統大飯煲煲飯，可令飯粒均勻吸收香料精華，每口飯都軟熟入味，唔配海南雞都可獨立做主角！
店內亦有坊間少見的獅城芽菜走地雞飯，改用成本比三黃雞貴 1 倍的海南島進口文昌雞，牠們以海南島椰子肉餵飼，雞皮有爽脆感、肉質紮實有彈性，也比較瘦，但雞味更濃！舖頭還供應龍蝦叻沙、勁厚牛油咖央多士、巴東牛肉配江魚仔椰漿飯等，吃雞飯外，還有其他加餸選擇！
【info】
蘇山雞飯
地址：長沙灣元州街 411 號義華大廈地下
電話：5648 8622
營業時間：11am - 10pm
