text│Yan Chung photo│May
到樓上舖星小館飲茶，接待位置旁的酒櫃放了干邑佳釀，店中央有秀氣優雅的巨型乾花擺設，6 間包廂以及多個設有獨立電視機，加上黑色家具，是高級會所格局。點心店級數似會所，但點心價位很親民，30 來元一籠點心，價位只比連鎖酒樓高些少。新張期間每日 11am - 4pm 更有 8 折優惠。
星小館的大廚秋哥五星酒店出身，從事高級飲食業近 20 年，用料堅持不降班。點心做得精緻美觀外，亦用上黑松露、金箔、姬松茸和花膠等高檔食材。秋哥創意滿滿，設計了多款精緻靚點心，最吸晴必定是像真度高的雪茄鮮蝦春卷，坐在包廂擔番口大雪茄，襯晒成個格調。還有貓山王榴槤包、養顏核桃包、黑松露百花春卷、金網鮮肉窩貼和藜麥脆炸兩腸，全部賣相漂亮、手工度高。小館貼心地把它們以拼盤方式供應，「五福臨門」和「五代同堂」拼盤分別有齊 5 款創意蒸點和炸點，一個人嚟飲茶都可以試勻招牌美點。
小館全天供應點心，不妨試埋晚市的工夫菜和火鍋。推介有齊四頭鮑、竹絲雞、元貝皇、花斑和乳鴿等八道菜的「奇珍餐」，每位只是 $238，食品樣樣名貴，抵食到笑呀！
【info】
星小館
地址：佐敦吳松街 182 號榮國中心 1 樓
電話：2638 8763
營業時間：11am - 4pm、6pm - 2am
平均消費：$80 - $250
