text：Sakura photo：Jay edit：winnie
元朗這屋苑新開一間隱蔽日本料理，主打江户前Omakase，食材每日由東京和京都兩大漁市場空運到港，全店選用赤醋米，傳統地道。價錢方面午市最抵，由$350至$650，晚市以千元起計，用料更矜貴，創意度更高。
餐廳以木色及水泥色為主調，帶出禪意意境。站於中央壽司吧台埋頭苦幹的就是主廚龍師傅，他擁有16年豐富日本料理經驗，曾任職中環高級日本料理，擅長製作以醃漬海鮮做成的江户前壽司，及以日本最古佬的「熟成」烹調技術，每一道料理都盡顯功架。午市壽司Omakase一樣絕不馬虎，其中最有驚喜就是昆布漬牡丹蝦壽司，選用日本頂級昆布把牡丹蝦醃製2小時，使昆布香甜味滲入蝦肉中，食落鮮嫩，入口融化，醃製後完全突顯蝦肉鮮味。另外晶瑩剔透的筋子壽司都十分吸引，用麵豉醃製3天，粒粒三文魚籽散發麵豉濃香，一咬香味瞬間在口腔爆發，令人一試難忘。海膽是大眾至愛，一般餐廳的手握壽司都只會選用一款海膽，龍師傅反而選用北海道馬糞海膽作底，而紫海膽鋪面，鮮味level up。
晚市焦點就是鰹魚配酸汁洋葱，鰹魚經稻草煙燻製成，香味獨特，旁邊配上自家製酸汁洋葱絲，更添香味，層次豐富。另一道是以澳洲鮑魚製成的料理，將鮑魚蒸燉至爽彈柔軟，再用鮑魚肝製成醬汁混成米飯，口感細膩，味道甘濃。由於菜式會因應當天時令食材而有所改變，等食客親身來感受不一樣的味覺的體驗，更添驚喜。
環境設計簡約，以木色及水泥素色為主調，充滿日式和風味。
天上鰤（晚市）
魚肉質感爽嫩，上層放上俄羅斯魚子醬，再配上洋葱柚子汁，味道酸甜。
鰹魚配酸汁洋葱（晚市）
鰹魚帶陣陣煙燻香味，配上自家酸汁洋葱，口感細膩。
鮑魚料理（晚市）
選用澳洲鮑魚，口感爽彈，飯粒用鮑魚肝醬製成，綿密甘香。
水貝料理（晚市）
用粒貝、大螺、水雲等製成，配上鯖魚湯，魚香味濃，很爽滑。
昆布漬牡丹蝦壽司
牡丹蝦柔軟嫩滑，香甜十足。
長崎拖羅壽司
肉質肥嫩，充滿油脂香。
北海道海膽壽司
選用北海道馬糞海膽和紫海膽，入口即融，鮮甜甘香。
筋子壽司
筋子用麵豉醃製 3 天，味道更加香濃，咬落爆汁。
醬油漬赤身壽司
經醃製後魚肉濃郁，有油香而不膩。
池魚壽司
口感清爽帶脆，肉質爽滑。
鰤魚壽司
味道鮮甜，肉質豐腴。
蒸蛋（前菜）
質地滑溜，香甜十足。
麵豉湯（前菜）
清香濃郁，暖胃至啱。
舍利鮨
地址：元朗安寧路38號世宙商場6號地舖
電話：6811 6689
營業時間：12nn-3pm，7pm-11pm
收費︰現金及信用卡，設加一
交通︰ 港鐵朗屏站 E 出口
泊車︰多利來停車場 $18/hr 起
平均消費︰$400
