日本人氣飲品 Qoo 果汁近日在網絡掀起瘋狂洗版,有網民發帖指出,包裝上的經典藍色公仔表情絕非隨機設計,而是暗藏代表果汁「甜度與酸度」的玄機!更有網民以自身經歷力證買過「酸到揦埋口面」的批次,瞬間引爆熱議!
網傳Qoo公仔藏秘密!?
近日有網民於社交平台Threads發文,分享了一個關於Qoo果汁包裝的「隱藏冷知識」,隨即引發網絡熱議。帖文發布後迅速吸引大批網民留言,不少人對此說法感到十分驚訝,亦有部分人對其真實性持懷疑態度,相繼發表不同看法。
樓主指:眼睛愈細 酸度愈高
樓主表示,Qoo果汁樽蓋上的公仔表情其實別有深意。她指出公仔的眼睛大小與果汁的口味酸甜度息息相關,並聲稱「眼睛愈細,酸度愈高」,認為消費者可以透過觀察公仔的表情來辨識果汁的酸甜程度。
網民意見兩極:飲咗二十幾年依家先知
針對此網絡傳聞,網民反應兩極。有網民驚呼「咁大件事無人講嘅」、「飲咗二十幾年依家先知」,甚至有網民回憶起過去的都市傳說,笑言「咁似以前相傳麥當勞茄汁睇數字分酸度」。部分網民驚訝「廿幾年前讀小學都有特登儲Qoo樽蓋」、「原來有分,我飲左支酸到拿埋口面」,亦有網民猜測「可能姪女睇個公仔咪埋眼似好酸?」。不過事主其後回應指「小朋友佢地有飲開, 話係真既…佢地媽咪個下都有質疑真定假,都開咗佢地樽野試下,都有講甜度係唔一樣既… 確實細眼d 個個酸d 」。
然而,有不少理性網民對此傳言提出質疑,認為「流㗎,佢冇分程度全部一樣」,並分析指出「以生產商嚟講冇可能咁樣分」、「製造商靜雞雞做呢樣嘢咪變相搏人投訴枝枝唔一樣味」,更有網民坦言「雖然但是,我信樽身嘅成份表,主要睇糖份比例。」
資料及圖片來源:Threads@mavishaha415、小紅書@骆驼的生活记
<< 提醒大家,上述內容僅綜合部份網民討論與意見,購買前請留意清楚產品成份,有需要可詢問專業人士,產品細則及優惠以官方公布為準,U Lifestyle 概不負責。>>
飲食熱話
-
可愛 y2k 風童年回憶 Qoo 盲盒
經典果汁品牌酷兒(Qoo)近期強勢進攻盲盒市場,最熱門的是與潮玩品牌 X11 聯名的毛絨掛件系列。 前排去深圳行KKV 見到呢一個盲盒,忍唔住抽左,真係太可愛了!每一款都好趣搞,冇伏,而且HKD $70內,真係太抵買了,我即刻扣左喺牛仔裙上🥰 大家不妨抽番個! 試試手氣 熱門系列:好 Qoo 的一天 (Good Qoo's Day) 這是目前市場上最火紅的系列,由 X11 SPACE 推出,將 Qoo 擬人化並還原其搞笑的日常生活。 產品類型:毛絨公仔掛件(吊飾),附有鑰匙圈功能。 造型款式:共有 6 款常規款 + 1 款隱藏款。造型包括: 🎧 聽歌:陶醉戴著耳機。 🧖 敷面膜:精緻男孩風格。 💃 練舞:揮汗運動造型。 😴 發呆:慵懶日常。 😴 睡覺:可愛睡姿。 ✨ 隱藏款:通常為趴著造型的經典 Qoo,具備磁吸功能可吸附在肩上。#Qoo 盲盒#毛絨掛件#潮玩聯名
閱讀更多
-
#號召Qoo迷 📢超市有野送
#號召Qoo迷📢📢📢 #日本超市又有正野送 買4件指定產品 送Qoo精品一份 GOGOGO 天氣開始熱啦 又係時候搜尋有咩雪糕好食 嚟日本食 #蜜瓜 一定要食 #赤肉 好味好多㗎 #yorkmart
閱讀更多
-
童年回憶返嚟喇!🤩 懷舊飲品重現!🥤
細個已經好鍾意飲 Capri-Sun。 記得放學去士多買零食,成排銀色包裝掛喺雪櫃門口,橙味、雜果味,每次都要拎住支細細條吸管,插到個膠孔度先覺得嗰日完整晒。嗰陣覺得自己好有異國風情,好似飲緊外國先有嘅高級果汁咁,明明只係幾蚊一包。 後來大個咗,發覺喺香港街市同超市,Capri-Sun 慢慢消失咗一排。以前成日見到嘅包裝,突然間好似集體失蹤,想買嚟回味吓童年都唔係咁容易。每次行過零食貨架,都會不自覺留意下有冇佢個藍藍銀銀嘅樣,結果都係失望而回,只好同自己講:「可能香港唔再入口啦。」 直到最近,竟然士多見返佢!仲要係韓國版包裝,有蘋果同橙芒果口味,熟悉嘅銀色包裝加埋韓文,感覺好新奇又好親切。 嗰一刻真係有種「失散多年的老朋友終於見返」嘅感覺,二話不說即刻每款各拎一包,心入面不停重播住細個飲 Capri-Sun 嘅畫面。 而家再見到 Capri-Sun,對我嚟講已經唔只係童年飲品,而係一個提示:有啲以為再見唔到嘅嘢,其實只係暫時消失;當你冇特別期待嘅時候,佢又會靜靜雞出現喺你生活入面。所以下次行超市,不妨都抬高少少頭,望吓雪櫃入面,可能你自己童年嘅味道,已經悄悄回歸咗。
閱讀更多