尖沙咀越式CAFÉ推薦 越南夫婦主理NÓN CAFÉ 正宗牛肉河粉+全港首創下龍灣瀨尿蝦紅粉皮

koalayip

香港攻略

賞味香港 － 覓食土瓜灣 來自1986的越南菜

熊生到過越南4次，覆蓋範圍以越南南部和中部為主(蜆港、會安、下龍灣、胡志明市和美奈等)，可惜還未到過越南首都河內和越北地區。據說在越南食Pho的餐廳，很多都是以數字命名，這些數字通常是方便食客記憶而使用，如街道號碼、年份(創辦/移民年份、越戰等)、或是與商業有關(24小時營業、售價和Lucky Number等)。 近日在Bookmark多時的餐廳List尋回一家越南餐廳，多得這些年的Flexible工作日程，孤獨的覓食家樹熊（哈！），又可以襯平日返Office前既空檔，走到土瓜灣享用水準不錯的1986地道越南餐廳，由於多數是一人(熊)前，每次試食食物有限，所以要食多幾次先可以出到呢篇Blog。 如果餐廳名未中的「1986」是指年份 這年應該是一個不錯的年份(哈~) 這些年有水準的越南餐廳在香港越開越多，一碗Pho既價錢可以賣到過百亦很平常，日前收工跟同事從尖東乘屯馬線來到土瓜灣覓食，二人前點了3款美食和飲品，無論是食物、服務和體驗都令Koala一試難忘！ Menu上共有4款沙律，是日揀選了這個比較少見的海蜇扎肉沙律，除了有正宗海防海蜇外，還有大量芽菜、木耳絲、紅蘿蔔絲和芝麻等，食落感覺好清新 這陣子在Instagram上看到很多的米紙料理製作，同事亦點上這個鮮蝦米紙卷，用料十分豐富，有很多的蔬菜，米紙卷包得札實 呢個海防蟹膏濃湯飯(蟹膏、蟹湯、墨魚、家鄉肉丸、肉碎、豆腐)聽講係必點，蟹膏好邪惡但美味，香濃的蟹湯相當滋味，到訪當晚天氣有點涼，吃後十分曖身，記得要襯熱食 二度到訪揀選了這裡的招牌生牛肉湯河粉，牛肉很嫩很滑，而且好大塊，份量亦不少，牛骨湯味濃有肉香，更勝坊間好多標榜係安格斯牛肉，如果有埋油米炸鬼就Perfect啦，主食跟上一碗高湯半熟蛋，在上菜時店員會提醒這是單獨的湯(Menu上寫上正宗食法：湯和蛋撈勻飲用） 日前發現原來屋企同Office都分別有巴士直達餐廳一帶(港鐵屯馬線土瓜灣/宋皇臺站步行10分鐘)，二話不說收拾Backpack Office向土瓜灣出發，犧牲同同事Lunch既快樂時光，繼續做孤獨的覓食家，是日點選了河內奧巴馬拌檬粉(烤豬肉拌檬粉，事源在2016年，美國前總統奧巴馬(Barack Obama)在河內一家餐廳享用過一道烤豬肉粉後而出名，所以有關「烤豬肉」的越南美食，自此都會冠上這位前美國總統的名字 自十多年前出走胡志明市，得到在地友人帶Koala嘗試各種地道美食，自此愛上越式牛丸，這次追加既越式牛丸，個湯係之前食招牌生牛肉湯河粉個牛骨湯，味道十分香濃，賣相仍然清澈 好吃的越式牛丸，咬開佈滿大大小小的氣孔，每一口都充滿肉汁，絕對同潮式牛丸有得揮！ 日前四度到訪，在越式家鄉粉卷和越式烤豬肉法包之間揀選了前者，還記得N年前跟阿Sir出走胡志明市，多得有當地友人招待，首次嘗試越式粉卷(可參考《2013越南南部假期 (3.2) – 越南”私食竇”》)，時至十多年後的今日，終於係呢度搵番呢款地道美食 這一道在香港甚少見到的越式家鄉粉卷真的不得了！粉卷皮薄餡靚，外層香滑軟糯，中間以肉碎和木耳碎作餡，配上香甜的露蕉汁十分滋味，相比起濃烈的海防蟹膏濃湯飯，在下更喜歡這個相對清淡粉卷 追加的越式香茅雞翼炸得香脆亦夠乾身，睇得出廚師處理炸物的功架 越南菜一向是Koala的至愛，尤其是法包Banh Mi，回顧昔日在Koalascities (^O^)!出現過的越南餐廳有好幾家，當中位於油麻地的越發十分出色，多年來仍然保持水準，是在下於電影中心看戲後的飯堂，可是小店位子不多，每次到來的等候時間都要比用餐時間長，難度實在太高了！連鎖餐廳代表有芽莊越式料理Nha Trang和囍越What the Pho，家陣Koala又多個選擇啦！ 食物款式眾多，法包、春卷和墨魚餅得小食都好想試，由於這些食品無得追加關係，睇黎係時候要約下朋友飯局啦~ 從單據上附上的QR Code等細節，看得出是由年輕人的管理，整體幾次用餐體驗都很不錯，就算只得Koala一個人前來用餐，都會保留鄰座或對面座位的空間，而在繁忙時間，都會先行詢問食客是否願意搭檯才安排入座，上菜時都會向食客講解食用方法 在下Koala一向鍾情小店，所以間中都會過黎土瓜灣覓食，可惜部份光顧的老店和食店已經相繼結業，呢個Area雖然唔多就腳，好處就係無旺區咁多人，而且外來食客不多，價格中規中矩，而好味永遠是加分位(全日外賣自取八折好吸引！) 1986地道越南餐廳  地址：土瓜灣北帝街60號東寶大樓地下A號舖 伸延閱讀 賞味香港 - 維港180度全景的點心午餐 賞味香港 - 活化歷史建築上的西餐廳 賞味香港 - 覓食土瓜灣 #越南菜 #土瓜灣 #賞味香港 #生牛肉湯河 #海防蟹膏濃湯飯 #覓食土瓜灣 #越式家鄉粉卷 #1986 (此文章由U Blog 同步發佈至社群)

P.

旅遊攻略

越發正宗河內料理 招牌牛柳牛丸河粉 牛肉十分簿，肉量算多，鮮嫩度剛剛好！ 湯底十分清甜，唔係重味精湯，食完唔會口渴！ 越式脆春卷 十分香口，脆，外皮十分簿！ 配搭舖頭特製醬汁，十分正！ #EstherBunny

mayannetravellife

香港攻略

Cóm Bánh Mì

在灣仔尋找越南味道🇻🇳

Lunch同朋友係灣仔搵食,行過小巷揀左呢間越南菜! Lunch set 都幾抵,最平$85有3course, main+side+drink! 慢煮燒牛肉法包 set $98 份量好大!特別用左竹炭包,同燒牛肉好夾! 配料嘅醃青瓜蘿蔔好fresh, 夏天食好岩~ 至尊牛寶湯河 set $105 牛嘅份量好多!湯頭清甜,推薦一定要記得吱青檸汁!好更fresh! Side 木瓜絲沙律 牛油雞翼 兩款小食都好唔錯,我個人比較鍾意香口啲嘅牛油雞翼🤣 嘢飲同朋友都係叫左越式咖啡!熱同凍都好飲💗 📍越.男 灣仔大王東街28號地舖 {{hket:campaign display="tea1tea"}}{{/hket:campaign}}#打卡美食#灣仔美食