香港餐飲業結業潮未平息，今次輪到旺角兆萬中心的網紅放題店！近年憑店員「小龍哥」拍攝搞笑宣傳片而在網上爆紅的日式放題店「極上帝王水產放題」，近日突然流出內部 WhatsApp 截圖，老闆大嘆「上年度錄得嘅虧損史無前例」，宣布將於 3 月 31 日結業。消息傳出後震驚網民，「小龍哥」本人亦已親自現身回應事件，並預告將有官方影片交代去向！
旺角兆萬帝王水產驚傳3.31結業！
近日在 Facebook 群組「香港好食抵食餐廳推介」，有網民上載了一張聲稱是「帝王水產管理群組」的內部 WhatsApp 對話截圖。內容顯示，大老闆向員工宣布了一個「沉重而艱難的決定」，就是決意在本年3月31日關閉極上帝王水產放題。
老闆在訊息中直言餐廳正面對多重打擊，包括老闆個人健康因素、租約期滿、市道低迷及公司財政壓力，當中最關鍵的可能就是「上年度錄得嘅虧損史無前例」了。在多重夾擊下，餐廳最終無奈選擇營運至 2026 年 3 月 31 日後光榮結業，老闆在訊息中亦對令員工失業感到抱歉。
網紅店員小龍哥親證執笠：好震驚
「帝王水產」位於旺角兆萬中心9樓，主打日式放題、燒肉、刺身及火鍋。近年因為店員小龍哥經常親身上陣拍攝搞笑又洗腦的宣傳片，社交帳號一年內吸粉逾十萬，令餐廳人氣急升，被網民形容為成功「起死回生」的奇蹟。
對於今次結業傳聞，傳媒向「小龍哥」本人求證，他 親自確認舖頭「是真的執笠」，並承認流出的群組截圖屬實。他坦言自己也是從家人傳來的截圖中才得悉消息，感到相當震驚，估計是有舊同事從一個包含新舊員工的群組中將消息外洩。被問及具體結業原因，小龍哥低調表示暫不方便透露，呼籲大家 「留待稍後官方出片公布」。
曾爆食物中毒風波
雖然「小龍哥」的宣傳十分努力，但餐廳的歷史也並非一帆風順。去年（2025年）7月，「帝王水產」曾捲入食物中毒事件，衞生防護中心調查指有 8 名食客在進食該店的刺身和生蠔後不適，餐廳一度被勒令暫停供應相關高風險食品，對商譽造成一定打擊。
人氣餐廳排名
-
日式料理
極上帝王水產放題
極上帝王水產放題🤤！旺角！🔥
旺角美食篇 講到係旺角食放題一定就會諗到兆萬中心 有好多餐廳餐選擇🍴 係聚多餐廳中 今次去呢間餐廳食放題 就係極上帝王水產 除左有常見既日式料理之外 仲添加左泰式料理 例如飛天通菜,泰式蝦餅等… 日式料理方面當然唔少得刺身 有大大既刺身船 最重要既主角就係烤肉 烤肉區既食材都算豐富 有肉類､海鮮､蔬菜 個人認為最出色係蒜蓉金菇菜 肉類有雞翼､雞肉串､雞軟骨….. 海鮮有墨魚仔､多春魚､三文魚骨…. 蔬菜有蘑菇､粟米🌽､蘆筍…. 除左燒肉 仲有炸物可選擇 有天婦羅🍤可樂餅… 仲可以打埋火鍋🍲 今次叫左豚骨湯 燙蔬菜🥬係唔錯既選擇 飲品方面還可以😌 可樂､茶類飲品…. 開頭以為冇咩甜品 點知近門口有雪條冰櫃 而佢地雪條既種類都好多選擇 要讚賞下果度既員工態度都不錯 會好主動更換好烤爐上既牛油紙👍🏻 整體來說都還好 可以滿足你數個願望 想打邊爐又得 想食日料又得 想泰料亦得 得咗👏🏻 ｡ ｡ ｡ 極上帝王水產 📍旺角西洋菜街1號兆萬中心9樓 #旺角美食#hkfoodie#hkfoodblogger#放題#2025 @deluxe_king__9f
閱讀更多
-
擦餐勁
極上帝王水產放題
今日又同班女人定期每月聚餐, 朋友仔介紹係兆萬中心一間極上帝王海產放題, 呢間一直係網上都好出名,所以已經提早一星期預訂😂超期待😙 一上到去已經坐滿晒人, 當然急不及待即刻落單叫嘢食, 我哋一開始先叫咗個刺身同埋壽司先, 一上枱我哋都好驚訝,大大份仲要擺盤得好靚, 梗係即刻打卡,刺身同壽司都好新鮮, 種類都有好多👍特別係最鍾意佢火炙三文魚腩壽司､花之戀等等全部都好足料｡ 另外仲要有鰻魚串､厚切煎鵝肝､海膽壽司､ 生蠔同埋仲要有燒榴槤,估唔到有咁多特別的食物,仲要係放題｡ 甚至連佢嗰碟炒菜好惹味, 都即刻再encore🥰 因為我自己好鍾意食辣嘢,我仲叫咗個泰式大辣烏冬,好好食😂 除咗熟食､刺身､壽司,最犀利嘅地方張枱中間仲可以俾大家燒嘢食,出邊仲要有兩個大雪櫃自助食材(多款凍肉､丸､蔬菜､等等), 燒完嘢食悶悶地,仲可以叫個邊爐仔, 放喺隔離烚吓烚吓,滿足大家三個願望,(放題､燒肉､打邊爐) , 最適合一大班朋友去聚餐,滿足晒唔同嘅人🥳🥳下次有聚會一定會再嚟🩷🩷🩷 極上帝王水產 (旺角) 旺角西洋菜南街1N號兆萬中心9樓 @deluxe_king__9f #香港美食#UCreator#放題#極尚
閱讀更多
-
香港攻略
壹火鍋
旺角蒸煮火鍋勁抵食！😍🔥
今日走逛旺角,揀咗壹火鍋試佢哋超人氣嘅壹蒸鍋放題🥢,性價比直接爆燈! 鍾意食肉一定大滿足🥩,鋪頭備齊多款牛肉唔同部位,肉質幼滑彈嫩,油花分布超靚,落鍋灼幾秒就食得,鮮香濃郁超入味｡ 必食重磅壹蒸鍋海鮮盆地🦞,海鮮種類夠晒豐富,新鮮度十足,上層蒸海鮮､底層煲湯,原汁原味超清甜~再加埋極豐富刺身拼盤🍣,魚生厚切彈牙,口感清爽解膩｡ 蒸鍋+火鍋+刺身三合一放題,選擇超多元化,環境舒服,上菜速度夠快💨｡ 一頓食到撐晒,平靚正之選,嚟旺角搵食打邊爐,呢間絕對值得二刷😋 壹火鍋 地址: 旺角西洋菜南街1N號兆萬中心16樓 @the_one_hotpot #旺角美食#壹火鍋#蒸鍋放題#香港火鍋#火鍋放題#旺角火鍋#海鮮放題#蒸氣石鍋
閱讀更多
