【Rosewood優惠 】Rosewood香港瑰麗酒店Butterfly Patisserie的千層酥蛋糕突發7折! 7款味道任你揀，其中包括 : 大溪地雲呢拿千層酥（Tahitian Vanilla Mille Feuille），以層層牛油千層香酥皮及香滑雲呢拿忌廉聞名，喜歡甜點的話記得唔好錯過喇～
Rosewood千層酥蛋糕7折
Rosewood千層酥蛋糕以極高質素贏得大量本地甜品粉絲支持，千層酥皮酥脆香濃，奶油餡細膩芳香。近日，Rosewood香港瑰麗酒店Butterfly Patisserie的千層酥蛋糕突發7折，最平$299.6就有得食！7款味道任你揀，按下圖看優惠口味!
Rosewood千層酥蛋糕
Rosewood千層酥蛋糕7折，包括 : 咖啡千層酥蛋糕、鹽味焦糖千層酥蛋糕、大溪地雲呢拿千層酥蛋糕、黑朱古力千層酥蛋糕、士多啤梨千層酥蛋糕、香芋雲呢拿千層酥蛋糕、抹茶千層酥蛋糕～
Rosewood天價北海道奶茶撻登場 下午茶配黑松露湯／打卡鹹甜點
Rosewood餐廳「蝶苑」全新推出「金秋主題下午茶」，包括南瓜批、法式黑松露栗子濃湯、手指三文治等。
下午茶最大賣點就是新鮮烘焙的北海道奶茶撻！Rosewood北海道撻有「全港最貴蛋撻」及「人生必須吃一次」之稱，今次更推出奶茶味，撻皮香脆，奶茶味蛋漿入口即化，令人一試難忘~
其他精美糕點亦包括野莓芝士蛋糕、梨子蕎麥捲蛋糕、碧根果手指朱古力，有興趣的甜品控記得bookmark啦！
Rosewood - 蝶苑The Butterfly Room金秋主題下午茶
地址：香港九龍尖沙咀梳士巴利道 18 號 Victoria Dockside 香港瑰麗酒店2樓
價錢及菜單：
人氣餐廳排名
-
香港攻略
香港瑰麗酒店
吉士撻💯幾好味！💜香芋蛋糕有啲失望🫠
Rosewood出既北海道吉士撻同埋香芋蛋糕一直都好想試!!! 不過個人比較懶,早幾日早收工終於去左買!! . 北海道吉士撻 $98 吉士撻採用北海道牛奶配搭大溪地雲呢拿忌廉同焦糖,酥皮香脆,甜度適中,吉士餡食落細膩軟滑,真係幾好食!! . 香芋蛋糕 $98 我都見好多人話佢既香芋蛋糕好食,本身我都好鐘意食香芋味既食品,我對佢好高期望,蛋糕鬆軟,成個蛋糕都係香芋味,中間夾有真芋泥又唔會好漏,但係食完覺得一般,都係個吉士撻好食好多!!!!! . Butterfly Patisserie 尖沙咀梳士巴利道18號香港瑰麗酒店2樓 38918822 . #北海道吉士撻#香芋蛋糕#Butterfly Patisserie#打卡美食
閱讀更多
-
香港攻略
Butterfly Patisserie
享負盛名！經典焦糖酥皮拿破崙
香港瑰麗酒店位於尖沙咀海旁，行到攰入去歎件cake就啱晒～一到Butterfly Patisserie就好似入咗高級珠寶店咁，黑白雲石地磚加上多面向大鏡，奢華精緻嘅裝修，打卡一流！ 佢地嘅蛋糕非常出色，拿破崙更係非常受歡迎！「士多啤梨拿破崙」- 層層精緻鬆脆嘅焦糖酥皮，配上天鵝絨般幼滑嘅士多啤梨奶油，令人回味無窮。 「茉莉花茶朱古力蛋糕」鬆軟嘅無麵粉朱古力海綿蛋糕，配合茉莉花焦糖布丁餡，入口濃郁又清新！ 大家經過記得要試吓喇～ －－－－－－－－－－－－－－－ 📍Butterfly Patisserie 香港九龍尖沙咀梳士巴利道 18 號 Victoria Dockside 香港瑰麗酒店 2 樓 #香港人氣打卡蛋糕地圖
閱讀更多
-
香港攻略
Undici
樓上樓下🍰放題😍 | $28食勻6款！
今日去咗間樓上cafe,估唔到除咗西餐之外,仲有得食蛋糕放題 蛋糕放題只要套餐加【$28】,有6款蛋糕任食 原味芝士蛋糕 朱古力芝士蛋糕 抹茶 芝士蛋糕 柚子芝士蛋糕 焦糖海棉蛋糕 榛子海綿蛋糕 叫咗兩個套餐 🔗Undici (銅鑼灣) 📍銅鑼灣耀華街3號百樂中心11樓1101A-B號舖 @undici_cwb @gn_gnyt #銅鑼灣美食 #任食 #ucreator #cafe #cheesecake
閱讀更多
