泰皇殿｜荃灣的泰國菜愛好者注意！一間名為「泰皇殿」的新泰國菜餐廳近日於荃灣鱟地坊開幕，並推出限時新張優惠。顧客只需消費滿指定金額，即可以$1超低價換購冬陰功海鮮湯或咖哩炒青口，讓食客一試泰式風味！
荃灣新開泰皇殿 $1冬陰功海鮮湯/咖哩炒青口＋全日免加一
這家新餐廳位於荃灣鱟地坊，主打正宗泰國菜，所有廚房師傅均為泰國人。為慶祝新張，餐廳推出以下震撼優惠：
優惠內容： 凡全日堂食消費滿 HK$300，即可以 HK$1 換購價享用以下其中一款菜式：
咖哩炒青口（原價HK$98）
冬陰功海鮮湯（原價HK$118）
優惠期： 直至另行通知。
泰皇殿
地址： 香港荃灣鱟地坊48-68號祐建樓地下B號舖
電話： 98851418／23832999
泰皇殿菜單
人氣餐廳排名
-
泰國菜
荃灣泰皇殿！泰菜隱世之選！😋
最近同朋友去咗荃灣泰皇殿食飯｡呢間鋪位於鱟地坊祐建樓地下B號鋪 首先開胃必點木瓜沙律,青木瓜絲脆爽,配蝦米､花生､辣椒同魚露醬,酸辣甜平衡得剛剛好,每一口都醒胃,食完即刻胃口大開!跟住上泰式明爐魚,魚新鮮彈牙,皮脆肉嫩,淋上秘制辣酸醬,炭燒香氣撲鼻,夾埋飯食一流,辣度適中唔會太over 蝦醬通菜炒鮮魷系隱藏王牌,通菜夠爽脆,鮮魷彈牙,蝦醬炒得香濃入味,唔會太咸 原只椰青海鮮焗飯,整個椰青上枱,飯粒吸滿椰汁同海鮮鮮味,裡面有蝦､魷魚､帶子等,椰香濃郁,焗得啱火候,飯粒粒分明又夠juicy,食完覺得超豪華又抵食! 甜品珍多冰清涼解膩,綠粉條軟糯｡最後加$1升級燒大頭蝦/冬陰功湯,大蝦新鮮,燒得外脆內嫩,蝦膏香濃,肉質甜美,$1就多只4大蝦,性價比爆燈! 整體來說,食材新鮮､海鮮夠靚､味道正宗泰式,份量足,服務態度親切,價錢親民,絕對系荃灣區隱世泰菜之選!強烈推介,食完保證想再返嚟!#泰菜#泰式海鮮焗飯#荃灣泰皇殿#蝦醬通菜炒鮮魷#泰國美食#泰國
閱讀更多
-
泰國菜
泰Grill (荃灣)
泰國菜🤤荃灣高CP泰菜抵食！🍤🍜
荃灣高CP泰菜| 蛋包虎蝦炒金邊🌶️.ᐟ.ᐟ 見到好抵Lunch set $75起!套餐有青木瓜沙律/冬陰功湯+飲品 感覺好地道,泰國師傅主理,店員都好親民🤍 ★蛋包虎蝦炒金邊粉套餐 $138 虎蝦超大隻!用蛋液包住再炸,好似食緊天婦羅XD,加分位係蝦頭有蝦肓🥹好鮮!金邊粉炒得有鑊氣,好入味,酸甜惹味! ★原條黃咖哩魚柳飯套餐 $95 泰式甜咖哩撈咗滑蛋🥹好有蛋香,好中意佢撈飯超夾!炸魚柳好大塊好多舊,魚肉滑嫩,好夠蛋白質! ★串燒 (半打) $88 *可自選雞牛豬數量 3款肉都好食🤍啖啖肉,燒得香唔油膩,醃得好入味,陣陣泰國香料味,仲有配沙嗲汁! 📍泰Grill (荃灣) 荃灣享和街53號都城大樓地下E1號舖 #泰grill#荃灣泰國菜#荃灣西美食#荃灣西泰菜#荃灣美食#荃灣廣場#泰菜#泰國美食#泰國#UCreator#打卡美食#美食推介#Foodie
閱讀更多
-
泰國菜
泰Cool
泰Cool😎
💛好多年前食過油麻地嗰間泰Cool嘅lunch, 感覺麻麻，午市套餐嘅食物好似整定咁，唔夠熱，嗰次試咗咖哩牛腩農夫包同炒金邊粉，味道都唔係好啱我口味。 但係有位都幾識食嘅朋友佢就覺得泰Cool好好味, 於是有啲餐飲券就去再試，原來油麻地分店已經結業，全港仲有三間分別喺將軍澳天晉、鰂魚涌同九龍灣陶大花園。 今次我去咗將軍澳分店，lunch時間都爆場，lunch set大約六十幾蚊，仲要免加一。不過我哋今次就散叫。食咗朋友推介嘅咖哩軟殼蟹🦀農夫包，賣相同味道都已經同我n年前喺油麻地店食嘅好唔一樣，成件事進步咗。麵包有切開方便食客食用，麵包焗得香脆（不過有一邊燶咗少少）, 配上加咗蛋🥚嘅泰國黃咖哩，個汁真係好適合送飯送麵包，好惹味。反而軟殼蟹份量就少咗啲。 另外點咗青胡椒炒蜆，份量都算多，似大排檔豉椒炒蜆嘅味道，掛咗個蠔油味醬汁，會越食越辣嘅風味。 炒金邊粉都仲係麻麻地，味道層次唔夠豐富，似中式濕炒河，泰國風味唔夠。 主餐牌寫住要加一，但唔知係咪因為我哋weekdays嘅lunch去食，最終冇收到加一。呢餐總共大約400蚊。 泰COOL 將軍澳唐賢街19號天晉匯2 1樓119B號舖 #泰菜 #泰國美食 #UCreator #打卡美食 #Foodie #女生好物體驗包 #ok即刻有 #chill歎旅遊 #秋妝上陣
閱讀更多
