灣仔美食｜火鍋推介｜新店關注組｜「珍姐」舊班底另起爐灶！「珍姐海鮮火鍋飯店」曾被一眾網民封為「香港最難訂位火鍋店」。近日「珍姐」舊班底於灣仔重新開業，名叫「豪牛」既是海鮮火鍋、也是飯店。餐廳採用高品質的食材，不少刁鑽部位都有得食，有齊封門柳、牛胸爽、五花趾和牛小排等，超值價格享受頂級牛火鍋。新張開業期間，完成指定條件會免費送封門牛柳，火鍋迷必試呀，即睇以下介紹。
*按圖查看豪牛火鍋Menu
位於灣仔的港式火鍋店「豪牛」於2025年5月2日正式開業。裝潢方面，餐廳以工業風設計為主，大部分以木為主的簡約設計，位置闊落，多張圓枱及卡位，環境舒適。
「豪牛」既是海鮮火鍋、也是飯店，它是「珍姐」舊班底另起爐灶！
火鍋推介｜豪牛醬料
火鍋推介｜花膠濃雞湯
打邊爐時，湯底是最重要的部分。這家店的湯底非常用心，提供5款選擇：花膠濃雞湯、招牌豬骨蜆湯、潮州沙茶湯、皮蛋芫荽豆腐湯，以及蕃茄薯仔粟米湯。其中，花膠濃雞湯是必試之選。店主會提前一天熬製清雞湯，並用花膠、牛猴菇、雞肉、杞子和瑤柱等多種材料慢火熬煮，保證真材實料。在享用火鍋之前，建議先大大啖嘆幾啖雞湯。入口順滑鮮甜，卻不會感到油膩，花膠的膠質清甜，品質優良且濃郁。而且，即使是添加湯底，店家也會用新鮮雞湯，而非用水。
火鍋推介｜豪牛拼盤
牛魔王注意！店舖必食推介豪牛拼盤，有齊4款牛的不同部分，最頂層是牛小排、第2層是牛匙柄、第3層是牛頸脊、第4層是封門柳。打邊爐最重要是牛肉，食落肉味香濃而有嚼勁，無需靠醬料都非常入味。
值得一提，一隻牛只有 2-3 斤頸脊肉，價錢最貴。而店舖提供的牛肉拼盤包括牛頸脊，輕灼 5-8 秒即可送入口，肉質彈牙但不韌，油花多得來不會太油膩，軟滑柔順，隨油花融化而愈食愈鮮甜。
火鍋推介｜五花趾
店舖更有五花趾，這部位是後腿大腿內側的兩小條牛腿肌腱，後腿對應三花趾的部位，更加稀少。因為一頭牛隻有後腿上兩條肉筋互相包裹在一起的腱肉才稱得上是五花趾。這個部位的牛肉最富有彈性，口感爽脆，筋肉感十足。
除了牛之外，另一個小編推介是花雕雞翼，未食已閒到花雕香，食落含濃郁酒味，比起一般的花雕雞翼濃味，肉質夠爽彈，唔會浸到霉，必試！
火鍋推介｜火鍋小食
餐前小食有炸午餐肉、炸雲吞，炸韭菜餃、炸芝士腸、炸魚皮餃等。至於小編愛的小食就有炸魚皮，即叫即炸，非常香口。
澱粉質控！粉麵有寬粉、洞庭烏冬、刀削麵、出前一丁。必食推介刀削麵，店主由台灣入貨，麵質口感煙韌。
*按圖查看豪牛其他火鍋配料
免費送封門牛柳
除了火鍋外，午市同樣受附近的返工作歡迎！店舖未正式開業之前，午市已經爆場。現新張開業期間，凡惠顧午市套餐都會免費送一張優惠券，優惠適用於晚市免費送封門牛柳。
鮮茄免治牛肉煎蛋飯
椰香咖喱羊架飯
豪牛火鍋
電話：63134499
營業時間：星期一至五11:00 - 15:00 / 18:00 - 00:00
人氣餐廳排名
-
港式美食
豪牛 Rich Cow
🇭🇰灣仔港式火鍋 豬骨蜆湯底濃郁🍲😋
|招牌豬骨蜆湯 每日朝早八九點就開始煲 夜晚賣嘅時候就已經超濃郁!豬骨骨膠原滿滿 肉質嫩滑😆 啲蜆都好鮮甜 唔會有沙🤤 做湯底一流~ |豪牛拼盤 (中) 拼盤一次過試到四個唔同部位:封門柳肉味濃郁又有嚼勁🥰 牛頸脊油花分佈平均 入口軟嫩😋 牛匙炳肉質結實但唔韌 愈嚼愈香🙂↕️ 牛小排油脂最豐富 煮完依然保持嫩滑多汁🤓 整體牛味突出 層次感豐富 啱晒鍾意牛肉嘅人慢慢品嚐 🥩 |豪牛招牌三寶 (墨魚､豬肉､魚滑) 三寶各有特色!墨魚彈牙爽口 鮮味十足🦑 豬肉滑嫩 肉味自然 仲有啲蝦醬味🫣 魚滑係鯪魚肉+魚肉 每一啖都充滿魚香🤣 |鮮蝦韭菜餃 餃皮薄身有彈性 入面鮮蝦大隻爽口 配上韭菜嘅清香 味道平衡又唔搶🥟 #UCreatorHK#BESTFOODwithUCreator#香港美食#港島美食#香港隱世美食#招牌三寶#豬骨蜆湯#豪牛拼盤
閱讀更多
-
擦餐勁
豪牛 Rich Cow
必食牛肉拼盤打邊爐
呢間餐廳主打打邊爐同食牛肉，呢度招牌鍋底係豬骨蜆湯鍋底，湯底勁濃郁豬骨湯味，滿滿骨膠原口感，湯底大煲又足料用左大大舊豬骨熬制而成，蜆肉鮮味。 新餐廳呢度仲拎左openrice金牛獎，炸物小食我地叫左炸魚皮同炸午餐肉，厚切既午餐肉好香口，炸魚皮全部都係即叫即炸好新鮮，職員服務友善。 杞子花雕醉雞翼：雞翼滿滿花雕香好入味，推介必食。 牛肉拼盤都係呢度必食推介牛魔王既小編好鐘意呢度既牛肉拼盤，可以食到封門柳煙韌肉味較濃，牛頸脊比較瘦同平均，匙柄牛切牛肉有口感，牛小排最嫩滑肉味濃既肉，每個部位每片淥6-8秒就食得。 牛心椗爽口彈牙，牛胸爽稀有部分食落都好爽口。 黑毛豬片好食，服務好好既餐廳。 豪牛 地址：灣仔謝菲道303號地鋪 #豪牛#牛肉火鍋#會展#灣仔美食#香港美食 #火鍋 #香港美食 #ucreator #打卡美食 #全新景點 #相機食先
閱讀更多
-
中式料理
豪牛 Rich Cow
📝灣仔 。豪牛
#20250428📝 📍 #豪牛@richcowrich 灣仔謝斐道303號地下2號舖 ➖➖➖➖➖➖➖➖➖➖➖➖➖➖➖➖ #花膠濃雞湯$268 💭 個湯底本身就係一味餃,入面有半隻雞,啲雞肉係煲到就尼要化開咁淋､仲有猴頭菇､杞子､瑤柱等等十分豐富既材料,未打邊爐之前要把握機會飲多幾啖湯,好濃郁🍲 . #豪牛拼盤#M$338 💭 間野個名叫得豪牛,牛當然係主打😎一兜有晒封門柳､牛頸脊､牛匙柄､牛小排4款牛,重牛味既有,重油香既都有,岩晒啲有選擇困難既朋友仔🐮 . #牛胸爽$88 💭 好多人見到佢咁樣白雪雪都以為佢係肥膏,其實佢係牛胸前肋骨上既筋膜,食落一啲都唔係肥油質地,而係爽爽脆脆咁,口感好得意所以每次見到有都會叫尼食下😏 . #牛心頂$88 💭 今次學到個新野食,牛心頂原來係牛心臟最頂頂連住血脈同心臟既果條喉管,每隻牛得一條所以係好珍貴,就咁食唔太估到係牛,因為佢食落係好似啲豬肚咁爽口彈牙,幾得意🫀 . #五花趾$88 💭 成日聽三花趾同五花趾,終於搞清楚三花趾係指牛既前腳,五花趾係後腿,比起前腳會再結實啲,食落更加彈牙,淥8-10秒見到粉紅色就好拎起,過龍就浪費左喇🦶🏼 . #灣仔美食#🐷在灣仔 #🐷_食
閱讀更多
