銅鑼灣居酒屋「家賀屋」早前於Threads上爆紅，只因為員工Frankie及其他同事們提供的好精緻畫碟服務，無論是Chiikawa、Labubu、水怪、甚至是林家謙及Jer等歌手都可以完美復刻，為客人帶來難忘體驗！今次U Food邀請到Frankie分享更多關於畫碟的故事和心得， 即睇更多詳情：
Click圖睇畫碟作品：
Frankie已在「家賀屋」工作十年，絕對是位資深員工，但最初的畫碟服務其實只是為相熟朋友慶祝而開始，後來漸漸得到同事老闆和朋友鼓勵下於去年十月正式推出畫碟服務。Frankie坦言起初畫碟技術尚未熟練時曾試過晚上十一點畫至凌晨四、五點，時不時全部擦掉重畫，對自己要求高也希望客人得到最好的體驗。但其實畫出精緻畫作的Frankie患有色盲，無法準確分辨顏色，更是自學畫畫，所以第一次接到要畫Jer等真人素描時倍感壓力，但幸好最後客人都好滿意作品。
直到Frankie的畫碟作品在Threads以及Chiikawa群組中爆紅，得到廣大迴響，Threads上更收穫幾篇近萬Like的帖文！Frankie表示受寵若驚，不過並不認為蜂擁而至的畫碟服務會增加自身工作量，反而認為畫碟也算是一種舒壓的方式，也感謝同事們的配合和幫助。被問到如何回應被網友稱為「被甜品耽誤的畫碟師」時，Frankie謙虛表示自己並非畫碟師，只是一位「打雜」，但要感謝每位賞識的客人。
「家賀屋」提供的畫碟服務更是無需多收費用，只要提早預約，並下單甜品就能獲得喜愛圖案！各位更可以提供心水圖片或角色，讓Frankie及畫碟員工們發揮創意。
食物方面，「家賀屋」主打多款特色串燒、壽司及刺身等。推薦招牌月見極丼，有齊足料海膽、三文魚子、吞拿魚蓉以及生蛋黃，一口試到多種滋味！
燒物推薦燒牛舌心，口感爽彈有嚼勁，牛味濃郁；燒雞腎、燒白鱔、燒魚等都值得一試。
家賀屋
地址：銅鑼灣渣甸街66號亨環2樓
營業時間：星期一至五12:00-15:00;18:00-23:00；星期六至日12:00-15:30;18:00-23:00
電話號碼：34602019
×畫碟服務請預先預約。
部分圖片來源：Threads @Wolf Fu
人氣餐廳排名
-
打卡熱點
柳和亭
免費🆓畫碟服務餐廳🍽️🤩❤️🎊
柳和亭🍽️ 要預早幾日book跟住要嗌有甜品🍮送嘅set就可以有免費🆓畫碟服務🫶🏻🎉都幾適合去慶祝食飯🍾 汁燒雞扒湯烏冬🍜 雞扒個皮係脆嘅幾好食😋 火炙鰻魚丼飯🍚 正常嘅鰻魚丼飯味🤣 慢煮牛胸腹丼飯🍚 有啲似普通牛肉飯🤣 串燒🍢 不過不失~但係佢個串燒盤唔係好夠熱🙈 不過個畫碟真係幾靚嘅~🥰可以自己帶個細細哋嘅蛋糕代替佢個甜品~咁就唔使俾切餅費🙈不過要book嘅時候講埋! #UCreator#打卡美食#好去處#全新景點#chill#隱世打卡點#打卡#我想去aia嘉年華#聖誕都要做運動#靚住過聖誕#拍下珍貴時刻#goodhairday#聖誕打卡#聖誕驚喜#幾飽都要食埋甜品#打卡美食#好去處#chill#打卡
閱讀更多
-
香港攻略
香港特色畫碟西餐廳
生日聚餐封神西餐✨特色精緻畫碟😍 終於搵到一間無論環境､食物定服務都無得彈嘅西餐廳,專門為慶生而來,整間店以木系柔和裝修為主,坐滿人都唔會覺得嘈雜擠迫,氛圍溫馨又舒服,好適合一班朋友聚會慶祝｡ 🍄 芝士和牛大啡菇 頭盤一上已經驚艷!大啡菇飽滿多汁,中間釀滿軟嫩和牛｡切開一刻肉汁同菇汁瞬間湧出,加上厚厚新鮮蕃茄同肉香完美融合,口感豐富不膩,開胃又高質😍 🦞 龍蝦尾青口芝士咖喱鍋 配烤油餅 呢個芝士鍋極度推介!肥美龍蝦尾+新鮮青口,浸在濃稠綿滑嘅芝士咖喱入面,咖喱香氣濃郁不辛辣,芝士掛汁超級惹味｡再加上軟松烤油餅,蘸滿湯汁一啖入口,滿足感爆燈,海鮮鮮甜同咖喱奶香平衡得岩岩好👍🏻👍🏻👍🏻 🐷 黑啤蜜糖西班牙黑毛豬仔骨 配焦糖蘋果&白松露炸薯角 豬仔骨燒得金黃焦香,以黑啤同蜜糖調味,肉質軟嫩不柴,旁邊焦糖蘋果酸甜解膩,中和肉膩感;白松露炸薯角外脆內軟,好香口! 🍰 楊枝甘露拿破侖 配焦糖布丁 甜品完全系驚喜之作!中西合璧超有新意,拿破侖酥皮層次分明､香酥化口,中間夾住楊枝甘露果香餡料,西柚同芒果清新酸甜,完全唔膩｡再搭配焦糖布丁,蛋香濃郁､焦糖微苦回甘,完美的甜品🥳🥳🥳 🎂 生日專屬驚喜 呢間真系慶生必試!提早預約可以預先畫碟+主題專屬佈置,碟面畫得超精緻靚仔,擺盤精緻又有心思,打卡出片率100%,朋友見到超開心😍 服務亦都一流,店員態度親切有禮,細心又主動,全程體感超舒適｡無論系情侶慶祝定朋友聚餐都超適合,絕對會再黎👍🏻 Nonsense (土瓜灣) 土瓜灣北帝街143-155號順輝大廈地下4號鋪 #香港美食#西餐推薦#生日餐廳#慶生好去處#美食日記#儀式感晚餐#芝士控#黑毛豬#楊枝甘露拿破侖
閱讀更多
-
日式料理
家賀屋
😋🍣 畫家上菜啦！🎨
有開心事發生,為咗慶祝,我哋決定再嚟食多次,順便睇吓傳聞中｢被｣廚師耽誤嘅畫家們｡碟上畫得咁靚,食物都唔可以輸｡ 🐚 北海道活白象拔蚌刺身:爽脆鮮甜,冇雪味,切得厚薄適中,鮮味到不得了｡最近仲有半價優惠,$680 ➛ $338,預訂就食得｡ 🦪 時令韓國生蠔配日式柚子醋:酸香提鮮,蠔夠大隻,冇腥味｡如果想試更強版本,岩手縣米崎真蠔都有得預訂,蠔味同咸度都係5分滿分,$190 ➛ $145,仲可以揀西式或日式醬汁｡ 🧡 海膽龍珠卷:海膽唔腥,龍珠爆汁,口感豐富,幾邪惡｡ 🐟 北海道秋刀魚壽司:近排時令,油脂香,冇腥味,魚味突出｡ 🎌 特選鮪盛(大本､中本､赤身):三重奏油香層次分明,唔係解凍貨色,赤身有咬口,中本滑,大本入口即化,幸福感拉滿｡ 🐚 特大帆立貝壽司:厚切爽口,天然甜味,唔使加醬油｡ 🔥 火炙左口魚裙邊:炙燒香氣突出,入口即化,油脂豐富｡ 🍥 鮟鰜魚肝軍艦:濃郁得嚟唔膩,加埋蘿蔔蓉同醋啫喱,好balance｡ 🍮 自家焦糖玉子燒:焦糖面微脆,蛋香濃郁,唔係坊間嗰種甜到漏｡ 🍰 開心果巴斯克蛋糕:開心果香氣濃,蛋糕綿密,唔會太甜,畫家出現啦!畫得好靚,happy boy同蠟筆小新塊面係好似嫁｡ 🍻 麒麟一番搾り生啤:500ml只係$34,黑生啤同Half & Half都有半價,飲落冰爽,配刺身一流｡ 整體食材勁新鮮,細節位做得好,畫碟服務又有心思,唔怪得咁多人生日都揀嚟呢度慶祝｡畫得靚,食得好,啤酒又抵,真係開心事加乘｡ 📝 家賀屋 📍 銅鑼灣渣甸街66號亨環2樓 #家賀屋#銅鑼灣日料#畫碟#刺身#壽司#海膽龍珠卷#鮪魚三重奏#岩手縣真蠔#活海產半價#麒麟生啤#被廚師耽誤了的畫家🍣🦪🍥🍮🍰🍻🖌️
閱讀更多
