2025年首個大推自助餐不得不提香港康得思酒店The Place革新級「Seafood Feastopia海鮮饌嚐」自助晚餐，除咗為大家帶嚟升級奢華海鮮，仲增設多個即席烹調美食專區及創意菜式；晚餐時段每位成人或長者可獲贈新鮮龍蝦烹調嘅籠仔蒜香蒸鮮龍蝦（半邊）；免費登記朗廷卓逸會（Brilliant by Langham）會員仲可獲「味蕾昇華通行卡」，獨家尊享額外限定隱藏美食，享受更多美食及嶄新嘅互動美食體驗。即睇內文，睇定必吃推介及優惠詳情。
重量級海鮮陣容＋日式刺身
海鮮陣容一向都係自助餐嘅焦點所在。The Place嘅「Seafood Feastopia海鮮饌嚐」自助晚餐再度升級，全新嘅前菜及冷海鮮區，每日輪流供應5款冰鎮時令海鮮，包括新鮮生蠔、加拿大鱈蟹腳、麵包蟹、海蝦及新西蘭青口等。而刺身及壽司區每晚都會供應3款高級刺身及6款特色壽司及卷物，每晚更會有師傅即場切割新鮮時令魚生環節，一定唔好錯過。
除咗海鮮及日式刺身及壽司，The Place每晚都會輪流供應精緻矜貴美食，包括搭配酸奶油的魚子醬吐司及無花果鵝肝慕斯撻等，為呢趟美食之旅做好熱身。
冰鎮環球海鮮有必食生蠔，麵包蟹仲好多膏！
即場切割空運時令魚生，當日就係吞拿魚！
奉送蒸半邊龍蝦＋會員解鎖額外限定隱藏美食
晚市時段，每位成人及長者客人可獲贈以新鮮龍蝦烹調的蒜香蒸鮮龍蝦（半邊）一份。另外，免費登記朗廷卓逸會（Brilliant by Langham）會員凡惠顧自助晚餐亦可獲「味蕾昇華通行卡」一張，獨家尊享額外限定隱藏美食一客，包括鮑魚燉雞湯及火炙日本鹿兒島 A4 和牛壽司等，並享有85折優惠，禮遇非凡。
每位成人及長者客人獲贈蒜香蒸鮮龍蝦（半邊）
朗廷卓逸會會員尊享額外限定隱藏美食
即場烹調美食專區＋創意菜式
除此之外，自助餐特設多個即席烹調美食專區，包括每晚輪流供應、大受歡迎嘅香煎鵝肝及鐵板澳洲安格斯牛舌、即叫即製馬賽魚湯等。另外亦首度加入驚喜菜式，提供大廚私藏創意菜式，如小朋友最愛嘅飛碟脆餅、麵豉豬腩串、日式咖喱可樂餅等，啱晒一家大細！
即切熱葷*份量十足
雖然海鮮及前菜好豐富，但都要記得留肚享用其他精彩美食。自助餐提供一系列熱葷*份量十足 - 即切三文魚酥皮批、烤美國頂級肉眼、威靈頓牛柳及豬腩卷等；而喜好中式口味嘅亦有籠仔清蒸海蝦、果皮蒸原隻鮑魚、蒜蓉粉絲蒸扇貝，以及輪流供應的珍寶鮮蝦餃、珍寶燒賣及松露香菇餃畀大家選擇，大飽口福。
清蒸海鮮
港式大排檔風味
想喺乾淨企理嘅環境下都歎到地道嘅港式風味大排檔美食，The Place亦精心炮製咗各式各樣地道鑊氣小炒，包括避風塘炒蟹、甘香彈牙嘅鹹蛋黃炒蝦球及融合香脆韭菜花和鮮嫩魷魚嘅XO小炒王等。而四川辣子雞煲、大澳蝦醬脆腩片和香爆黑椒牛柳則各有各冶味，加埋任飲生啤，通通讓人食指大動，極度回本！
港式大排檔鑊氣小炒
大熱杜拜開心果麻糬撻及即焗芝士疏乎厘滿足甜品胃
有人話甜品係自助餐嘅第二主角，一點都不誇張。酒店糕點總廚Roy Ma匠心準備咗超過20款甜品，包括熱情果香蕉白朱古力蛋糕、榛子焦糖巴黎布雷斯特泡芙、開心果紅桑莓朱古力蛋糕等原個蛋糕，如果大家正準備親朋好友慶祝生日，The Place亦幫大家準備咗生日慶祝裝飾，為生日派對增添更多樂趣與驚喜。
甜品區不時新鮮出爐嘅大熱杜拜開心果麻糬撻、維也納蘋果卷、芝士梳乎厘等，仲有精緻嘅杯裝甜點香梨白朱古力布甸、咖啡焦糖燉蛋；誘人嘅烘焙品蝴蝶酥、黑芝麻瑪德蓮、鹹蛋黃費南雪、抹茶馬卡龍等，以及10款MÖVENPICK®口味雪糕；大家亦可到隔壁自調雞尾酒體驗區，自製獨特雞尾酒或品嚐清新嘅柑桔青檸梳打和冰凍鮮果茶，另外亦有生啤酒及紅白佳釀供應。
健康冷盤、本地農場直送沙律菜及歐陸芝士
The Place為一眾追求平衡飲食人士，仲特別預備咗一系列健康沙律、歐陸芝士及精緻冷盤。廚藝團隊從本地農場直送新鮮蔬菜，實現減碳生活，包括韓式辣蜆沙律、泰式木瓜沙律和意大利番茄芝士沙律，讓你嘅味蕾隨著每一口探索不同地方嘅風情。而芝士和冷盤嘅選擇繁多，從瑞士艾曼塔芝士（Emmental）、意大利芳多娜芝士（Fontina），再到法國金文不芝士（Camembert）等，發酵嘅乳香定必令芝士迷吃得津津有味；精緻冷盤則包括風乾火腿、辣肉腸、黑血布甸及刁草三文魚等，引領你味遊歐陸市集嘅日常滋味！
香港康得思酒店The Place - 「Seafood Feastopia海鮮饌嚐」
地址：旺角上海街555號香港康得思酒店L層
供應日期：即日起至另行通知
時間：6:30pm – 9:45pm
價錢^：成人$688、60歲或以上長者$618、小童$548（星期一至四晚餐）｜成人$738、60歲或以上長者$668、小童$598（星期五至星期日、公眾假期及前夕晚餐）
查詢或訂座：3552 3200 / cdhkg.theplacegso@cordishotels.com / 9717 4727只限WhatsApp）
^所有價錢以港幣結算並另收取加一服務費。食物或會因應季節變化及供應而改變。
*中西熱葷將每晚輪流供應
(資料由香港康得思酒店提供)
飲食熱話
內容標籤
-
香港攻略
The Place - 康得思酒店自助餐
旺角康得思高質海鮮自助餐
今次到旺角香港康得思酒店 The Place 食｢味遊東西饗樂宴｣自助晚餐,整體感受十分滿意,無論食物種類､海鮮質素､環境氣氛都很好,有相當水準｡ 最吸引的一定是海鮮區,種類非常多,而且擺盤整齊,有蟹､龍蝦､生蠔､青口等冷盤海鮮,口感鮮甜,海水味道明顯,對海鮮愛好者來講很有誠意｡ 今次最驚喜係可以配合品嚐魚子醬,鹹香濃郁,也有很多配料選擇,很有儀式感,感覺再提升｡ 除了海鮮,冷盤和熱葷選擇亦很豐富,有大量沙律､芝士､壽司､刺身和各式前菜,種類繁多｡熱葷方面亦有即席切割烤肉和即煮專區,選擇很多而且精緻高質｡ 甜品區同樣值得一讚,款式多,賣相精緻,無論係慕絲､杯裝甜品或其他蛋糕甜點也做得細膩,推介濃darkchocolate tart｡雪糕有Movenpick 多款不同口味,也有即製芒果pancake,十分吸引! 環境方面,餐廳空間感唔錯,燈光柔和,坐得舒適,服務亦十分好,The Place 絕對是性價比高的自助餐餐廳｡ #UCreatorHK#BESTFOODwithUCreator#ULifestyleApp#UCreatorBuffetFeast#康得思酒店#ThePlace#自助餐#海鮮放題#魚子醬
閱讀更多
-
著數報料
The Place
海鮮饌嚐自助晚餐| 會員有85折
最近去到香港康得思酒店的 The Place,體驗了他們全新自助晚餐｢Seafood Feastopia 海鮮饌嚐｣,食物款式同種類好多,而且Refill得好快,食得好盡興💕 晚市時段,每位成人或長者客人更可獲贈以新鮮龍蝦烹調嘅蒜香蒸鮮龍蝦 (半邊) 一份｡而朗廷卓逸會(Brilliant by Langham)會員凡惠顧自助晚餐亦可獲｢味蕾昇華通行卡｣一張,玩刮刮卡贏額外限定隱藏美食,包括一份鮑魚燉雞湯及火炙日本鹿兒島 A4 和牛壽司 🦪 冰鎮環球海鮮 一進去就被眼前的海鮮區吸引,當晚有新鮮生蠔､加拿大鱈蟹腳､麵包蟹､海蝦及新西蘭青口等,啖啖肉質鮮甜,口感滑嫩,鍾意食海鮮既朋友唔好錯過,特別是生蠔,鮮美的海水味道,我食咗好多,真係回晒本 🍣 刺身與壽司區 新鮮的吞拿魚被大廚現切,色澤鮮豔,口感滑順,搭配一點醬油,味道鮮美無比｡各式特色壽司都好吸引 🍜 即席烹調美食 我特別喜歡他們的即席烹調區!視覺及味覺的享受｡當中包括即叫即製地道泰式船麵､法式馬賽魚湯､每晚輪流供應的鐵板香煎鵝肝及鐵板澳洲安格斯牛舌等 🥩 必吃矜貴熱葷 當然,不能錯過這裡的熱葷!意大利巴馬臣芝士意粉､三文魚酥皮 批､烤美國頂級肉眼､威靈頓牛柳､西班牙海鮮炒飯等｡喜好中式口味的可選擇籠仔清蒸海蝦､果皮蒸原隻鮑魚､蒜蓉粉絲蒸扇貝,以及輪流供應的珍寶鮮蝦餃､珍寶燒賣及松露香菇餃,滋味四溢 🍰 精緻甜品區 最後,甜品區更是讓我心動!由酒店糕點總廚 Roy Ma 及其團隊匠心準備,不時新鮮出爐的熱暖開心果 麻糬蛋撻､維也納蘋果卷､芝士梳乎厘等 ,有10款口味的MÖVENPICK雪糕,我就每個味都食晒,作為一個完美的收尾! ==================================== 在康得思酒店的Seafood Feastopia 海鮮饌嚐自助晚餐,價錢如下: 朗廷卓逸會經網上商店訂會有85折! 星期一至星期四: * 成人:每位 $688 * 長者(60歲或以上):每位$618 * 小童(4-12歲):每位$548 星期五至星期日､公眾假期及前夕: * 成人:每位$738 * 長者(60歲或以上):每位港$668 * 小童(4-12歲):每位$598 ==================================== #foodiesindy ❤ 喜歡的話 記得Share ❤ ❤ 記得Like & Follow 我IG: 🌟@foodie.sindy 🌟 ❤ ❤ 齊齊去搵食😎 ❤ ◦ ---------------------------------- ◦ 🍽餐廳:The Place @cordishk 📍地址:香港九龍旺角上海街 555號香港康得思酒店L層 ◦ ---------------------------------- ◦
閱讀更多
-
打卡熱點
逸東酒店嘅自助餐真係超抵食，撞正買一送一優惠，仲抵到飛起，生蠔即叫即開好新鮮，飲品選擇極多，仲有職員企喺吧枱隨時整唔多飲品，粗略估計有成廿款，圖為楊枝甘露飲品超高質，唔會因為狂食自助餐野食得杯水或可樂或冰檸茶可揀 #品嚐濃郁朱古力滋味
閱讀更多
