尖沙咀打卡海景餐廳Vesu Pizza Bar 薄餅最平$118！　花雕酒蒸蟹肉／叉燒Pizza＋除夕倒數派對

Eatwithbobo

西式美食

Fiata Pizza

被譽為全港最好食Pizza🍕‼️

♡ HK Top 1 Fiata Pizza ♡ . 終於朝聖被譽為全港最好食嘅Pizza‼️主打正宗手工拿坡里薄餅🍕榮獲2025年50 Top Pizza亞太區第三位🥉唔少人嚟慶生 提供生日板同蠟燭 店員仲會唱歌添🎂 . 📌BRONTE 5.0 $255 Pizza即叫即焗 批邊帶豹紋斑 啖啖炭火麥香🔥入口Q軟有咬口 中心薄身濕潤💯鋪滿超柔嫩mortadella🥓配以Fior di latte同ricotta 軟滑帶奶香🧀再加埋乾蕃茄, 開心果碎, 檸檬皮 味道層次更豐富🍅🍋 . 📌BUFALA DOP $190 唔少得最經典嘅口味🔆酸甜開胃San Marzano DOP🥫配埋軟綿拉絲mozzarella 絕對係不死組合🧀再加埋basil同橄欖油 簡簡單單 清新香口💚 . 📌TIRAMISU $95 呢個價錢 份量偏細😭但真係好正 值得試💯Mascarpone超軟滑creamy 奶香甜味濃郁🤍兩層手指餅 鬆軟濕潤 同時食到甘醇咖啡同酒香☕️🥃最特別係加咗朱古力碎粒 增添口感同可可香甜味🍫 . 📌CAFFÈ ANY BLACKS $35 意大利咖啡唔多講 一定好飲☕️🇮🇹 . 📍Fiata Pizza, 中環蘇豪士丹頓街2號地舖 🏷️ @fiatapizza #寶寶食盡中環

frostiewithfood

擦餐勁

Spasso Italian Bar & Restaurant

尖沙咀意式Sunday Brunch😋任食手工pizza🍕

#frostie尖沙咀之旅#frostie意式之旅 ✅ #spassoitalianbarrestaurant 📍美食探險👉 @frostiewithfood - 🔥尖沙咀意式餐廳星期日半自助餐🔥 朋友話尖東有一間意大利餐廳,位置於尖東海旁,環境優好chill｡星期日去到原來餐廳做緊semi lunch buffet,一於試下先~ Sunday semi lunch buffet $398 餐廳出面有自助吧,提供各式各樣嘅餐湯､沙律､意式肉腸､芝士､蔬菜､水果等食物｡ 是日餐湯係南瓜湯,味道濃稠,暖暖地幾好飲｡個人非常推介餐廳提供嘅鮮蝦,味道清甜,齋食咩醬汁都唔使落已經好夠味｡ 來到意大利餐廳點可以唔食 pizza,今日最主要提供三款pizza分別係蘑菇pizza､瑪格麗特pizza同埋辣肉腸pizza,蘑菇pizza口感豐富,加入大量蔬菜,pizza本體口感濕潤,質地煙韌,值得一試! 主食可以揀自家製嘅意大利麵配搭自選醬汁或者肉類主菜, 最後揀選咗自家製手工蛋麵配蒜香羅勒松子仁芝士汁,另一個就揀咗香焗脆麵包糠三文魚 伴蘆筍配搭沙當妮白葡萄酒汁｡ 自家製手工蛋麵配蒜香羅勒松子仁芝士汁 自家製嘅手工蛋麵比較闊身,入口彈牙,蒜香羅勒松子仁芝士汁質地比較稀身,但仍然可以均勻包裹喺蛋麵上｡呢款醬汁係素食,所以相對清淡,但反而更加能夠食到手工蛋麵嘅麵粉香,配上醬汁入面嘅松子仁和薯粒,增添口感 香焗脆麵包糠三文魚伴蘆筍配搭沙當妮白葡萄酒汁 另一款主菜就叫咗麵包糠三文魚配蘆筍,三文魚表面鋪滿咗麵包糠,魚皮整得脆香,入口香脆,魚肉相對比較結實,加埋爽脆嘅蘆筍,以及清爽既沙當妮白葡萄酒汁,食落都幾滋味 意大利芝士餅配馬斯卡彭奶油及濃縮咖啡浸泡意大利餅 呢款提拉米蘇用上咗浸泡濃縮咖啡嘅手指餅,並且加入馬斯卡彭奶油,表面再加上咖啡粉,旁邊並且加入雜莓點綴｡ 入口食到濃厚嘅 espresso香氣,馬斯卡彭奶油creamy 既口感正好中和咖啡既苦味,加埋側邊嘅水果更清新 意式藍莓奶凍 另一份甜品就叫咗意式藍莓奶凍,奶凍放喺碟嘅中間側邊就用咗藍莓醬同埋新鮮藍莓點綴,奶凍口感滑漏,入口充滿奶香,亦明顯食到雲呢拿嘅香味,配搭上酸甜嘅藍莓醬更為和諧,增添口感層次 - 分數:4/5 - 🏠 @spasso_hk - #Spasso Italian Bar & Restaurant#尖沙咀意大利餐廳#香港美食#食評#yummy #尖沙咀#尖沙咀美食#tsimshatsui#tsimshatsuifood#buffet#pizza#西餐廳#UCreator#旅行美食#打卡美食#CAFE#Foodie#假期推介

U Lifestyle

西式美食

港島區8大pizza餐廳推介 純素/大閘蟹主題/正宗拿坡里/羅馬手切薄餅

香港Pizza店選擇多，單單係港島區就已經有近200間薄餅店，其中不乏連鎖品牌及人氣小店。小編今日就精選社群U Creator及眾多網民力推港島區8大高質薄餅店，當中包括「亞太區50大最佳Pizza」、「米芝蓮推介」餐廳，各位心郁郁嘅Pizza控要睇落去啦！ ----------------- 【Foodie必睇】港人必收藏搵食指南！ 每日都煩食咩好，食嚟食去都係差唔同餐廳！《社群》收錄超過100,000+篇由各U Creator分享嘅貼地食評及多個美食主題，涵蓋本地至全球打卡美食🍢、高級餐廳🍽️、隱世小店、日本餐廳等等，告別選擇困難，吃貨千祈唔好錯過啦！ {{hket:url-hyperlink display="美食指南傳送門"}}https://ulapp.hk/8nxy9{{/hket:url-hyperlink}} ----------------- 🍕港島區8大pizza店推介｜1️⃣ Fiata Pizza 冇食過中環呢間Fiata Pizza，各位Pizza控就走寶啦！佢榮獲2025年「亞太區50大最佳Pizza店」第三名，係香港區排名第一，因此亦都被稱為「全香港最好食Pizza」！餐廳主打正宗手工拿坡里薄餅，所有食材都係由意大利進口，麵團經過長時間發酵，因此口感煙韌又自帶空氣感！當中招牌Provola e Pepe更榮獲年度最佳Pizza，Pizza控一定要試下！ 地址：香港中環士丹頓街2號 {{hket:url-hyperlink display="> 'Eatwithbobo' 帶您打卡全香港最好食pizza<"}}https://ulapp.hk/pgfvn{{/hket:url-hyperlink}} ----------------- 🍕港島區8大pizza店推介｜2️⃣ Baci Trattoria & Bar 想食到正宗香港區最佳Pizza店第二名就係呢間位於中環蘭桂坊嘅「Baci Trattoria & Bar」，由拿坡里人主理，由2022年起連續四年都入選「亞太區50大最佳Pizza店」！食物種類多元化，除咗薄餅之外仲有意粉、海鮮、和牛等美食選項。其中最標誌性嘅即叫即整六角星星pizza，放滿黑松露忌廉芝士，加入火腿、芝士、磨菇等經典配料，味道高質又打卡able！ 地址：中環蘭桂坊德己立街30-32號加州大廈地舖 {{hket:url-hyperlink display="> 'Tako124' 拍片詳細介紹香港第二名Pizza店環境<"}}https://ulapp.hk/75o05{{/hket:url-hyperlink}} ----------------- 🍕港島區8大pizza店推介｜3️⃣ Little Napoli pizzeria 想食到最正宗嘅拿坡里薄餅，「Little Napoli pizzeria」絕對滿足到您嘅願望！作為由拿坡里主廚Gavino Pilo親自主理餐廳，更獲得「米芝蓮必比登推介」及「亞太區50大最佳薄餅餐廳」等多個殊榮！餐廳今年由跑馬地遷至灣仔，增設更多座位。餐廳食材來自拿坡里，主打即叫即整石爐烤pizza，以攝氏400度高溫烤烘，令餅皮更加香脆，務求將最地道拿坡里口味薄餅呈現俾大家！  地址：灣仔大王東街6-16號 {{hket:url-hyperlink display="> 'maggie mok' 分享最正宗嘅拿坡里薄餅店<"}}https://ulapp.hk/8hpey{{/hket:url-hyperlink}} ----------------- 🍕港島區8大pizza店推介｜4️⃣ Alice Pizza 「Alice Pizza」為來自意大利羅馬嘅手切薄餅連鎖店，使用意大利進口食材，更獲意大利餐飲權威評鑑指南Gambero Rosso評為「Top Pizzerias in Italy 2023」之一，全球有近200間分店，主打羅馬式長方形手切薄餅，餅底薄而鬆脆再帶點炭香。價錢以重量計算，選擇多而且有彈性，啱晒想同時試多款口味嘅您！ 地址：中環閣麟街18號地舖； 灣仔皇后大道東92號地舖 {{hket:url-hyperlink display=">由 'likkolifelog' 分享羅馬人氣手切薄餅店食評<"}}https://ulapp.hk/ce5s4{{/hket:url-hyperlink}} ----------------- 🍕港島區8大pizza店推介｜5️⃣ Motorino Motorino為Black Sheep 旗下嘅拿坡里薄餅店，堅持進口來自拿坡里嘅頂級食材，用傳統有磚窯爐炮製出外脆內軟嘅拿坡里薄餅，仲可以打卡星星型Pizza！Motorino嘅Pizza係出名份量大，而且都係熱門慶祝生日嘅餐廳。因為店員會用意大利文為壽星唱生日歌，如果壽星咁啱係I人就可以令佢尷尬啦！ 地址：中環蘇豪些利街14號地舖 {{hket:url-hyperlink display="> 'Eatwithyannes' 打卡中環Motorino並分享食評<"}}https://ulapp.hk/ruwss{{/hket:url-hyperlink}} ----------------- 🍕港島區8大pizza店推介｜6️⃣ Falcone 同樣係Blacksheep旗下嘅意大利餐廳「Falcone」位於中環IFC，由2025年全球100大薄餅師Roberta主理。比起正宗拿坡里薄餅，「Falcone」主打新派拿坡里薄餅，雖然仍然採用拿坡里薄餅協會規定Pavesi特製紅磚焗製手法，不過係用低溫長時間烤焗，令口感更香脆！ 地址：中環金融街8號IFC商場1樓1082號舖 {{hket:url-hyperlink display="> 'aaa111' 帶您去中環IFC食人氣意式pizza<"}}https://ulapp.hk/flslh{{/hket:url-hyperlink}} ----------------- 🍕港島區8大pizza店推介｜7️⃣ The Pizza Project 位於中環SOHO呢間人氣Pizza店，同時係手工意粉店Pici的姊妹店，最特別唔單止係高CP值嘅薄餅，而係佢特設每月限定Menu！11月適逢大閘蟹季，The Pizza Project推出限定大閘蟹粉薄餅，中間鋪滿金黃色香濃大閘蟹粉同蟹黃，同時滿足蟹控同Pizza控！而且午市最平只需HK$158/位就食到午市套餐，無論係放飯定係收工聚餐去食都好適合！ 地址：中環蘇豪卑利街26號地舖 {{hket:url-hyperlink display="> '90sfatfatgirl' 同您分享The Pizza Project邊個位夠出色<"}}https://ulapp.hk/8i313{{/hket:url-hyperlink}} ----------------- 🍕港島區8大pizza店推介｜8️⃣ Mother Of Pizzas 銅鑼灣「Mother Of Pizzas」亦都係港島其中一間人氣排隊薄餅店。餐廳主打正宗即整手工意式薄餅，門口有個黑色玻璃窗展示Pizza製作過程！您仲可以挑選雙拼薄餅，食到兩種口味之餘，都唔驚份量太多！最小尺寸嘅pizza都要13吋，而且十分足料，銅鑼灣聚餐可以考慮呢間pizza店啊！ 地址：銅鑼灣禮頓道13-19號地舖 {{hket:url-hyperlink display="> 'Sunshine' 分享銅鑼灣人氣pizza真實食評<"}}https://ulapp.hk/nld5x{{/hket:url-hyperlink}} 🍽️招募Foodie | 分享食評賺額外收入📸！ 立即登記➡️{{hket:url-hyperlink display="https://ulapp.hk/mp25i"}}https://ulapp.hk/mp25i{{/hket:url-hyperlink}} 🔔 Follow《U Community社群》{{hket:url-hyperlink display="Instagram "}}https://www.instagram.com/ucommunity.hk/{{/hket:url-hyperlink}}同讚好 {{hket:url-hyperlink display="Facebook "}}https://www.facebook.com/UCommunity.hk/{{/hket:url-hyperlink}}專頁 ，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。 ----------------- 圖片來源：IG帳戶@thepizzaproject.hk、社群U Creator {{hket:tag-user display="Eatwithbobo"}}286726{{/hket:tag-user}} 、 {{hket:tag-user display="Tako124"}}921266{{/hket:tag-user}} 、 {{hket:tag-user display="bitesinhk"}}981945{{/hket:tag-user}} 、 {{hket:tag-user display="maggie mok"}}120268{{/hket:tag-user}} 、 {{hket:tag-user display="likkolifelog"}}628751{{/hket:tag-user}} 、 {{hket:tag-user display="Eatwithyannes "}}682035{{/hket:tag-user}} 、 {{hket:tag-user display="aaa111"}}661814{{/hket:tag-user}} 、 {{hket:tag-user display="90sfatfatgirl"}}592517{{/hket:tag-user}} 、 {{hket:tag-user display="Sunshine"}}921158{{/hket:tag-user}} 、 {{hket:tag-user display="Gloria Lee"}}903625{{/hket:tag-user}}  #ULifestyle應用程式 #ULifestyleApp #社群 #UCreatorHK  #MOMENTSwithUCreator #pizza #我的打卡地圖 #美食攻略 #中環 #港島好去處 #香港好去處 #薄餅店 #薄餅 #意式薄餅店 #披薩 #港島美食指南 #西式美食 #意式美食 #拿坡里薄餅 #米芝蓮推介