聖誕美食懶人包 青衣城4大必食聖誕大餐

踏入12月，諗好點過個不一樣的聖誕節未？小編今年就已經諗好點可以幫各位Deadline fighter推介人氣餐廳嘅聖誕餐單，無論係倆口子、幾個老Best，定係一家大細慶祝，都實搵到啱你嘅口味。即睇內文介紹揀定食邊間，化身「Chill Guy」輕鬆歡度聖誕。喺港鐵積分推廣活動同港鐵商場電子禮券嘅參與餐廳消費，可享優惠及儲MTR分。

人氣長龍Café Beans

以白色及淺木日系風格嘅Beans荳子，空間寬落，環境舒適，最啱情侶或幾個老Best一齊聚餐。除咗勁打卡-able嘅蛋糕，Beans仲特別推出一系列聖誕精選美食，包括濃郁香氣的黑松露醬配搭金黃酥脆軟殼蟹的「黑松露軟殼蟹意大利粉」、早午餐甜蜜之選「法式吐司‧煙肉‧希臘式乳酪鮮果杯」同埋外皮酥脆，內裡肉質鮮嫩多汁的經典主菜款式「德國燒豬手」，多元化又美味嘅應節選擇。

(左起) 法式吐司‧煙肉‧希臘式乳酪鮮果杯（含穀物脆脆），德國燒豬手，黑松露軟殼蟹意大利粉

Beans 荳子
位置：青衣城2期2/F 222號舖
查詢：2690 2222
備註：港鐵商場電子禮券參與商戶、港鐵積分推廣活動參與商戶

性價比高 Mr. Steak半自助餐

Mr. Steak的半自助餐一向以高質又抵食而聞名。今個聖誕及新年嘅半自助餐除咗自助沙律、甜品、精選餐湯及飲品，亦提任8款主菜任你選擇，包括烤節日火雞、日本和牛扒、澳洲JD穀飼肉眼、燒羊架、威靈頓三文魚、老佛爺燉菜等豐富口味，亦可以另外加錢點選時令鮮生蠔和特選餐酒，升級享受節日美滿時光。

半自助餐包括自助沙律、甜品吧、精選餐湯、飲品吧及主菜（一款）（圖片只供參考）

Mr. Steak
位置：青衣城地下G03A號舖
訂座及查詢：2449 9945
備註：港鐵商場電子禮券參與商戶、港鐵積分推廣活動參與商戶

Pick Coffee by Pokka Café

日式家庭式餐廳Pick Coffee by Pokka Café，適合一家大細及倆口子歡聚慶祝佳節。想豐富一點，必食「深海龍蝦牛扒三重奏2人套餐」，有齊深海龍蝦同牛扒，畀你同伴侶啖啖滋味滿足；其他精選主食有美國上級豬扒、澳洲羊架、挪威三文魚等，最後歎埋甜品及指定特飲，或加錢升級粉紅聖誕或精品紅酒，就係溫馨又完美嘅慶祝。

(左起)深海芝士龍蝦牛扒三重奏套餐，香草深海大蝦配農場雞扒，香草烤特級紐西蘭羊架配紅酒燒汁

Pick Coffee by Pokka Cafe
位置：青衣城1期2/F 201號舖
查詢及訂座：2497 2381
備註：港鐵商場電子禮券參與商戶、港鐵積分推廣活動參與商戶

泰式雙享 Twinkle Elephant泰作

唔想淨係食西餐慶祝？由幾位來自泰國嘅曼谷及芭提雅、擁有多年酒店經驗嘅廚師主理嘅Twinkle Elephant泰作，畀你享受不同風味及正宗嘅泰國料理，當中「泰國椰子老雞湯豬扒通粉」嘅湯頭甜味養顏，原來餐廳採用飼養咗400天嘅雞，配上多種藥材及蔬菜配料，每天用18個鐘熬製而成嘅椰子老雞湯，最適合大人細佬係冬日早餐享用，滋潤暖胃。 

另外，「泰式芒果糯米飯」全部採用泰國真材實料泰國糯米及血糯米，煙煙韌韌，椰香味濃郁；仲特別喺聖誕期間推出「聖誕靚扒堂食優惠」，$138就可以歎到美國Prime Grade西冷(9oz)配炭燒牛骨髓同多士。

(左起)泰國椰子老雞湯豬扒通粉，冰糖葫蘆菠蘿炒飯，香芒糯米飯

Twinkle Elephant泰作
位置：青衣城1期3/F 302號舖
備註：港鐵商場電子禮券參與商戶、港鐵積分推廣活動參與商戶

港鐵商場《冬日大激賞》賺高達HK$1,800港鐵商場優惠券

食完聖誕大餐，記得參加港鐵六大商場包括德福廣場、青衣城、PopCorn、The LOHAS康城、圍方及連理街，攜手推出咗《冬日大激賞》獎賞活動。喺指定日期，MTR Mobile登記用戶憑即日喺參與商戶（超級市場及服務類別除外）單一電子消費滿HK$1,000，即可獲得HK$200港鐵商場電子優惠券；活動期間累積電子消費滿HK$4,500，更可額外獲得HK$200港鐵商場電子優惠券，每人可獲得最多合共HK$1,800電子優惠券，畀你隨心購物，為自己或家人朋友送上佳節禮物，齊齊享受最舒心暢快嘅冬日佳節。  

(資訊由青衣城提供)