天氣轉涼，又到邊爐季節！銅鑼灣地庫原來有間特色火鍋店「樓下火鍋飯店」，以復古香港為主題，佈滿霓虹燈、手寫招牌、懷舊海報等，超有Feel！食物方面推薦花膠黃金雞湯、牛肉刺身、鬼馬蝦膠、即炸魚皮、手切牛肉拼盤等，即睇詳情：
快速查看「樓下火鍋飯店」招牌菜式+Menu：
「樓下火鍋飯店」以70年代香港為設計靈感，沿著樓梯走到下層仿佛一秒時光倒流！餐廳佈滿霓虹燈裝飾及復古手寫招牌、老式圓枱鐵凳、老舊鐵閘等充滿懷舊感。
湯底推薦黃金雞湯，用上半隻雞熬至金黃濃郁，更有不少花膠，飲落味道清甜自然，膠質滿滿。另外醉雞鍋亦值得一試，酒味適中，帶有藥膳香氣，飲落暖胃補身。
打邊爐手切牛肉見得多，牛肉刺身見過未？這款牛肉刺身切成薄片，搭配生洋葱及柚子醋享用，食落非常清新開胃，而且沒有生肉腥味，生洋葱的微微辛辣更是加分。想烚下烚下一樣有大紅袍牛王拼盤，有齊三款部位牛肉，肉味香濃。
配料必試即炸魚皮，香脆可口；鬼馬蝦膠則是將蝦滑釀到油炸鬼中再撒上蟹子，口感豐富。手打丸拼盤共有五款口味：牛筋丸、墨魚丸、梅菜豬肉丸、蝦丸、鯪魚丸，其中梅菜豬肉丸好有特色！
樓下火鍋飯店
地址：銅鑼灣駱克道441號駱克大廈A座地下A號舖及地庫
電話：2214 9388 / 5986 6999 (WhatsApp)
營業時間：18:00 – 02:00
同場加映：【簡易廚房】最新影片
人氣餐廳排名
-
香港攻略
十下火鍋 SUPPA HOT POT by ATUM
銅鑼灣懷舊打卡🥳💯
今晚同朋友嚟到銅鑼灣十下 Suppa,一入門就即刻穿越返舊香港!懷舊格仔磚､舊式雪櫃､霓虹燈牌加埋經典廣東歌,成個環境超有feel,彷彿回到80年代屋邨圍爐食飯嘅溫暖時光,氣氛一流,打卡一流! 今次湯底選咗白玉菊花,菊花香氣淡淡滲入湯底,喝落好舒服,解膩一流｡ 大刀手切本地牛頸脊(小):牛味濃郁,肉質軟嫩帶嚼勁,手切厚薄適中,涮幾秒就熟,入口即化,脂肪分佈均勻 蟹肉蟹粉餃:自家製,啖啖蟹肉蟹粉,鮮甜爆餡,皮薄餡靚,咬落蟹香四溢 肥美大沙白:新鮮肥美,入口爽滑,湯汁一浸更鮮甜 十下三寶滑:彈牙有咬口,牛筋滑辣辣地､鹹蛋黃蝦滑香濃､鯪魚滑軟綿,每款都手工打,質感一流｡ 頂級野生竹笙､醬爆潮州牛丸､懷舊果皮魚蛋､紫菜響鈴､蔬菜拼盤:每樣都新鮮,蔬菜脆甜,竹笙吸湯超入味,果皮魚蛋懷舊陳皮香突出,響鈴一浸即脆,拼盤份量足,多款菇菜平衡口感｡飲品有清涼爽同菊花茶,清熱解渴,好啱配火鍋｡ 上菜有次序,仲會提醒涮肉時間,專業又親切｡環境雖然熱鬧,但枱與枱之間有空間,唔覺迫｡ 總結:食材新鮮靚､湯底滋潤､份量十足､懷舊氛圍加分｡銅鑼灣想食正宗港式打邊爐,又有情懷 #懷舊火鍋#港式打邊爐#銅鑼灣美食
閱讀更多
-
擦餐勁
火鍋隨意門 Hotspot
銅鑼灣火鍋探險記🍲📸足料花膠雞湯底🤤🤤
#frostie銅鑼灣之旅#frostie火鍋之旅 ✅ #火鍋隨意門 📍美食探險👉 @frostiewithfood - 🔥銅鑼灣旅行主題火鍋店🔥 火鍋隨意門 最近去咗銅鑼灣嘅火鍋隨意門,第一次踏入已經覺得好有驚喜｡店舖位於港島銅鑼灣,地方就腳,行街食飯都超方便｡店內設計特別,設有好多唔同主題區:日系､土耳其､法式同中式宮廷風,每個區域氣氛都好舒服又放鬆,影相打卡一流,食飯都覺得心情放鬆咗👍🏻 自家製竹蔗茅根 $78 一開始點咗自家製竹蔗茅根,清甜解渴,甜度剛好,真材實料,降火一流,飲完即刻覺得喉嚨舒服咗好多,食火鍋前必飲😆 招牌花膠雞湯鍋(半隻雞)$328 主打當然係招牌花膠雞湯鍋(半隻雞)｡湯底金黃色,香濃雞湯味好正,店員即場剪開大件花膠放入湯底,視覺同嗅覺都好滿足｡打邊爐前可以先飲湯,濃郁滋潤,原汁原味,飲完已經覺得好補｡半隻雞份量十足,花膠又大件又軟腍,絕對係全場焦點🥰 手切本地牛頸脊(細)$328 牛肉方面試咗手切本地牛頸脊(細),質素新鮮,每一塊都切得略為厚身,脂肪分布均勻,淥幾秒就熟,入口嫩滑,質感可媲美一啲著名牛肉品種,食完即刻想再點多一份吖🥳 日本蟹柳 $42 蟹黃豚肉餃 $78 瑤柱乾貝滑 $128 蔬菜拼盤 $128 配料都好有水準,蟹柳新鮮彈牙,蟹黃豚肉餃共有4粒,皮薄餡靚,每粒都有好足料嘅蟹黃,咬落去鮮甜爆汁,蟹味好濃,超滿足🥳 瑤柱乾貝滑就有兩支,但爽口彈牙,質感一流,食得出用料認真🤪 另外仲點咗蔬菜拼盤,蔬菜拼盤好誇張,放到好似個花束咁靚,蔬菜夠新鮮爽脆,同個花膠雞湯底一齊食特別夾🤣 - 分數:4/5 - 🏠 @hotspot.cwb - #銅鑼灣#銅鑼灣美食#火鍋#hotpot#UCreator#自助餐#火鍋#香港美食#九龍美食#火鍋隨意門#花膠雞湯鍋#社群生日快樂
閱讀更多
-
香港攻略
火鍋隨意門 Hotspot
復古風🏮高質👍堅料🍲火鍋
呢間「火鍋隨意門」🍲，已經開咗幾年，口碑都唔錯👍。入邊裝修帶點宮廷中式👑加歐陸同土耳其風🇹🇷，配合少少復古港味元素🇭🇰，成個 vibe 幾有驚喜。 招牌花膠雞湯鍋湯底🥣用足料鬍鬚雞長時間慢火熬，湯色金黃✨，未舀起已經聞到濃郁雞香，未落料之前已經飲咗幾碗😋。湯底連厚身花膠同雞件，花膠炆到腍滑之後好好食😍，啜落去滿口膠質；雞件又香又滑又有雞味🐔，十分高質。 打邊爐點可以無炸物，鹹蛋黃炒響鈴超級甘香👏。即炸上枱、賣相金黃色，外層鹹蛋黃黏得好平均，入口咸香十足帶沙沙顆粒感🤤，響鈴本身又薄又脆，好適合就咁當小食咁食🥢，邪惡指數爆燈😈。 蘋果木煙燻手切牛頸脊🐮帶點果木煙香🔥但又唔搶牛味。牛頸脊切得厚薄適中🔪，下鍋輕輕灼幾秒已經可以入口，🥩油花平均、口感軟腍帶嚼感😋，配花膠雞湯🍲，牛味同雞香疊埋一齊幾有層次✨。 伊比利亞橡果豬肉片🐷帶適量油脂，咬落油脂香溶喺口腔，帶少少堅果甘香🌰，同偏濃郁嘅雞湯好夾🥣，唔會有豬腥羶味，對豬肉要求高嘅人都應該收貨👍。 丸類我哋揀咗手打櫻花蝦豬肉丸🐖，每粒都有大量櫻花蝦🦐，咬開有蝦香同豬肉甜味滲出💖，掛湯力又強，吸埋花膠雞湯精華🍲食落去唔同層次嘅鮮味都幾突出。 最後用羽衣甘藍🥬清清地收尾，菜葉保持到爽脆口感🌿，唔會一滾就淋晒，帶少少甘香十分鮮嫩，用嚟中和前面炸物同肥牛豬嘅油膩感幾啱👏。 總結嚟講，呢度勝在環境有🏮主題、有復古味又唔失格調，打卡效果好📸；食材方面用料實在，特別係花膠雞湯鍋🍲同牛頸脊🐮表現出色。價錢屬中上💰，但論體驗感同質素✨，值得一試，適合一班朋友慶祝🎉、情侶紀念日💑想食好少少。 火鍋隨意門 地址：銅鑼灣堅拿道西10號冠景樓1樓A室 #火鍋隨意門 #手工丸 #火鍋 #銅鑼灣 #香港餐廳推介 #靚牛拼盤 #銅鑼灣美食 #銅鑼灣火鍋 #香港打邊爐 #香港美食 #花膠雞湯鍋 #鬍鬚雞 #牛頸脊 #蘋果木煙燻 #手打櫻花蝦丸 #鹹蛋黃響鈴 #高質火鍋 #堅料火鍋 #復古風火鍋 #港式火鍋
閱讀更多
