「如」中菜廳 集38年廚藝經驗的鮮味饗宴

A美食焚化爐

中式料理

飽覽藍巴峽 X 新廚新創意 @ 如 ( 荃灣 Nina Hotel Tsuen Wan West )

 疫情期間，有餐廳捱不了而倒下，亦有人覺得「有危便有機」，而荃灣的如心酒店正是趁住空檔日子，將中菜廳重新打造。 餐廳以大地色係為主調，配以簡潔利落的線條，原先靠玻璃的小廂房已拆去，令整個大廳空間感更強，感覺寬敞，仲可以飽覽藍巴勒海峽，遠眺大帽山的大廳名為「如山」另有「如水」。 加上增添了五間廂房及可以存放800支酒的酒窖，餐廳的硬件是更上層樓。 軟件方面，先是請茶藝師吳志泉，帶來不少別樹一幟的茶葉。 今次主要係試下中菜總廚葉振文師傅的名物，tasting menu不單精緻，而且看得出用心。 餐前小食 先係以「話梅蕃茄」（$88）來清清味蕾，選用荷蘭車厘茄配以日本話梅粉醃製，甜酸夾雜的感覺我鍾意，咬落更有豐富的汁液，冰鎮過確實有心曠神怡之感。 再來是手功菜「松露蜜糖燕窩釀雞翼」（請於24小時前預訂）（每隻/$138），雞鎚部位去掉，中翼位褪骨，其實好花功夫，再釀入經蜜糖水泡浸過的燕窩，皮位焗至香脆，加上少許松露的香氣，口感美妙，單是前菜已令人心動。 最開心係食到葉師傅名物「至尊蜜汁叉燒」（$288），雖然欠缺炭火的加持，但脢頭肉靚，帶點冰肉位多了油香，邊位的焦香亦恰到好處，真係好想加碗白飯。 點心 就算係晚宴，「焗南非鮑魚酥」（$98）又絕不能錯過，無他，選料好、口感佳、造型靚，包上了千層酥皮的南非鮑魚，賣相神似，就連邊位都鉅細無遺，中間的鮑魚亦煙韌有嚼口，好味。 湯 湯品又係我其中一樣喜歡的食物，有時出街食快飯，我寧願要例水都好過求其無靈魂既一杯即沖飲品，更何況「椰皇錦繡球」（$168）燉足4個鐘，真係用時間換來的美味！ 原個椰皇上，一揭開便傳來陣陣椰香，以豆腐𐝹成繡球，刀功立見，松茸雞湯水清潤鮮甜，舌底生津，看似簡單，實際是極費心思。 是晚另一亮點，相信係「港式薑蔥花膠煲」（$388），花膠泡浸得大大塊，以蔥段、薑片、唐芹、蒜子及荽茜爆炒，再加入紹酒焗香，花膠充滿了膠質，入口軟滑，大人細路都啱食，真係要用刀叉享用，以$400可供4位，每人有兩塊，抵食。 或者近年多了在傳統菜色中注入新意，令中菜可以行得更遠，「遠年陳皮意大利黑醋骨」（$288）就是以意大利黑醋替代陳醋，加入25年陳皮，陣陣香氣令腩排的油膩感減低，不錯的選擇。 除了話無雞不成宴外，總係覺得要有碟菜蔬平衡一下，「松露野菌炒蘆筍」（$188）以鮮冬菇、雞脾菇同雞縱菌配蘆筍，加入幽香的黑松露醬，又幾惹味喎。 單尾係「砂鍋安格斯牛肉鵝肝飯」（$298），真係好邪惡，尤其是將鵝肝拌和了珍珠米飯，加上牛肉的油香，熱辣辣砂鍋上，又係好吸引。 甜品 高潮過後，來份平實的甜品，傳統的「蛋白杏仁茶」（$58）及「懷舊芝麻卷」（$58），黑與白、熱與凍的夾雜，甜度亦恰好，再也沒有激情，反而有種由璀璨歸於平淡的感覺。   Facebook 專頁 : Nina Hotel Tsuen Wan West   地址 : 荃灣楊屋道8號荃灣西如心酒店7樓   電話 : 22802923   味道 : 5  環境 : 5  服務 : 5  衛生 : 5  抵食 : 4  位置 : 4   希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝!   http://www.facebook.com/foodiephilip #酒店 #中菜 #荃灣 #酒店餐廳 #美食焚化爐 #如 #荃灣西如心酒店 (此文章由U Blog 同步發佈至社群)

xjeminix

香港攻略

富豪香港酒店

銅鑼灣富豪金殿粵菜盛宴🤩 ✨

富豪金殿位於銅鑼灣富豪香港酒店內,餐廳環境優雅時尚,由得獎名廚主理🧑🏻‍🍳主打精緻嘅手工粵菜及巧手嘅點心 中菜設有5個貴賓廳,以供私人宴會之用~ 晚市套餐由$338-$888,仲有素食套餐揀架~ 晚市魚翅套餐 每位💲888(兩位起) *另收茶芥及加一服務費* 金殿頭盤:🐟🐖🪸結合咗｢酥､嫩､爽｣三種口感: 《 金莎脆魚皮 》鹹香酥脆,邪惡又惹味; 《 蜜汁黑豚叉燒 》肥瘦適中嘅黑豚肉,外層微焦帶蜜香,肉質軟腍多汁; 《 清香老醋海蜇花 》爽脆彈牙,酸甜開胃~ 🦀《 紅燒竹笙蟹肉翅 》 湯底金黃色吸引,用上老雞同火腿等食材長時間熬製,味道醇厚~ 鮮蟹肉大大粒､啖啖肉,鮮甜美味,又有吸湯清爽嘅竹笙同軟滑嘅魚翅,口感味道都豐富! 🦞《 砂撈越白胡椒乳龍蝦 》 選用馬來西亞砂撈越嘅白胡椒,香氣比一般嘅清香溫和~ 既提香又能提出龍蝦嘅鮮甜~ 🥠 《 鮑魚汁香扣原隻鮑魚伴海參 》 廚師用老雞､火腿等食材熬出色澤金黃､膠質濃郁嘅鮑魚汁,再將整隻鮑魚與海參慢火扣至入味｡鮑魚口感軟糯帶有溏心,海參則爽滑彈牙,完美詮釋了傳統粵菜嘅精髓~ 🥬《 魚湯玉麵浸菜苗 》 以鮮甜濃郁嘅魚湯作底,時令菜苗翠綠又爽脆~仲有兩舊魚腐~ 🍚《 葱香花膠燜飯 》 切條嘅花膠､紅蔥頭､乾蔥等一同爆香後加入,每粒米飯都吸滿了蔥油嘅芳香與花膠嘅膠質｡入口既有蔥香撲鼻,又有花膠軟糯黏嘴嘅豐腴口感~ 甜品拼盤:🍮生磨蛋白杏仁茶 & 椰香紫米凍糕 細膩嘅沙沙感加上滑溜嘅蛋白,滿口杏仁醇香~ 椰香紫米凍糕陣陣椰香,清甜爽滑~ . . 📍#富豪金殿 銅鑼灣怡和街88號富豪香港酒店3樓 電話: 28371773 #銅鑼灣美食#香港美食#香港中菜#香港酒店

Carol Tsang

打卡熱點

最近去咗帝都酒店新開嘅中菜國穗軒食晚餐.本身自己好鍾意食中菜.而且見到佢哋推出咗晚飯孖寶套餐.勁抵食所以專登過嚟試吓.有我最鍾意嘅龍蝦同埋脆皮雞.第一次食上湯龍蝦唔係配伊麵係配稻庭烏冬.但估唔到超級好食超夾.仲食埋滋補養顏嘅花膠燉湯.最後仲送咗紅豆沙.大滿足推介！下次叫埋屋企人食多幾款唔同嘅嘢.而且價錢大眾化性價比高.屋企人一定鍾意 #享受清涼夏日