全港唯一坐擁360度無敵維港美景、主打自助餐的旋轉餐廳「自助山」，一向大受老饕、家庭客及情侶歡迎，客人在餐廳任何位置都可透過偌大玻璃盡覽無死角的繁華鬧巿及維港美景，而五光十色的璀璨夜景更令人難忘。此外，客人可在此品嘗到環球優質美食及時令海鮮，滿足口腹之慾。
「自助山」備受食客青睞主要是食物種類多，超過11檔即煮攤檔，每日提供11款時令冷盤海鮮，包括新鮮海蝦、波士頓龍蝦、挪威麵包蟹、加拿大鱈場蟹腳、澳洲青口及帶子等（款式不定時轉換），讓客人入口盡是鮮味。還有自助餐大熱的日本刺身、手握壽司，以及熱葷首選廣東燒味、燒乳豬、烤鴨；現場更供應即蒸廣東點心、明火燒烤、天婦羅、鐵板燒及印度咖喱，應有盡有。
「即席烹調」新鮮熱焫
這裏以「即席烹調」的概念，為客人送上新鮮且賣相精美的國際特色美食，其中匈牙利鵝肝配無花果，外脆內軟並以脆多士墊底，無花果中和了鵝肝的油分，令甘香的鵝肝更添一點清新味道；日本宮崎或鹿兒島A5和牛，肉質細嫩多汁、口感豐富；北海道焗蠔的濃郁蠔味令人回味。現場更有點心師傅即製即蒸點心，熱焫焫又滋味，最後多款精緻甜品輪流供應，記住留肚吃。此外，餐廳擁有區內品種最齊全的美酒餐單，提供各種不同的烈酒、啤酒及無酒精飲料，讓客人在美景下盡情享受美酒佳餚。而美食會不定時轉換。
菜苗蝦餃、蟹籽燒賣
鮮蝦肉餡配以菜苗的清甜，令菜苗蝦餃的味道更豐富；用料足又講究的蟹籽燒賣，入口彈牙，肉汁豐富。
泰式冬蔭功
泰國師傅秘製鮮甜濃郁的湯底，以新鮮大頭蝦熬煮而成，用料十足味道醇厚，呈現正宗泰國風味。
無限量供應的匈牙利鵝肝、日本宮崎或鹿兒島A5和牛、北海道焗蠔，絕對是回本必食之選。
芒果糯米飯、特色榴槤焦糖燉蛋
芒果糯米飯滿滿的新鮮香甜芒果肉，糯米飯軟糯又香甜；焦糖燉蛋入口有香濃的榴槤香，猶如吃榴槤一樣。
堆積如山的各種時令海鮮，新鮮度百分百，海鮮迷可大快朵頤。
每日新鮮空運到港的刺身，鮮甜味十足。
落地玻璃設計加上360 度自轉，讓每位客人均可飽覽醉人的維港美景。
Wine Bar設有6部自助餐酒機，只需購買儲值卡即可品嚐多款紅、白酒及日本清酒。
自助山
地址：灣仔皇后大道東183號合和中心62樓
電話：2506 0888
自助午餐：
星期一至五 12noon–2:30pm
成人$598、小童$488、長者$448
星期六、日及公眾假期：
第一節：12noon–2:30pm；第二節3:30pm–5:30pm
成人$598、小童$488
自助晚餐：
6:30pm–10pm
星期一至四：成人$828、小童$528
星期五至日、公眾假期及前夕：成人$848、小童$528
網址：www.thegrandbuffethk
訂座：https://inline.app/booking/thegrandbuffet/hopewellcentre
備註：設加一服務費；自助餐價錢及時間請參考網址
Facebook：thegrandbuffet.hk
Instagram：thegrand_hk
人氣餐廳排名
-
香港攻略
The Grand buffet自助山 - 維港美景自助餐
😍 Skyline 盛宴！合和自助山嘆盡美食與靚景！🍽️
上個禮拜終於同班friends去咗灣仔合和中心嘅自助山食lunch buffet，真係好興奮！😍 一上到去62樓，俾個360度環迴靚景震懾住，仲要係旋轉嘅，一路食一路望住維港同山景，未食都贏晒。🌊🏙️ 食物方面，真係多到眼花繚亂。海鮮區嘅長腳蟹、凍蝦好鮮甜，係回本位！🦀🍣 刺身都幾厚切，三文魚同帶子都唔錯。熱食最驚喜係有片皮鴨，師傅即場片，香口唔油膩。仲有燉湯，飲完成個人暖笠笠。🍲 最尾一定要留肚食甜品，佢哋個即製梳乎厘係名物，空氣感十足，仲有超多款雪糕任攞。🍨🍰 整體嚟講，環境、服務同食物質素都對得住個價錢，係一餐視覺同味覺嘅雙重享受！💯 未去過嘅朋友真係值得一試，記得早啲book位呀！📅 {{hket:campaign display="浪漫星空約會"}}{{/hket:campaign}}
閱讀更多
-
西式美食
Harlan's
高空晚餐！維港夜景🥂美食之旅！
Harlan’s 新季晚餐盛宴|高空維港夜景下的味覺藝術再升級 📍Harlan’s|The ONE 19樓|尖沙咀高空西餐廳 全新 Dinner Tasting Menu|3道 $898|4道 $988|6道 $1188(另收加一) Harlan’s 今季推出全新 tasting menu,將亞洲元素與歐陸技法融合,打造出一場視覺與味覺並重的高空盛宴｡餐廳坐擁維港夜景,環境優雅 ✨新菜式亮點逐道睇: • 前菜三重奏 🦐 香茅煙燻水晶藍蝦配手指檸檬及魚子醬:煙燻香氣撲鼻,魚子醬鹹香提升層次｡ 🌿 配甜酸汁解花果沙律:無花果與酸甜汁交織,清新開胃｡ 🦀 日本紅帝王蟹配24個月康帝芝士脆片及海膽:芝士鹹香､海膽鮮甜,口感豐富｡ • 主菜四選一 🐓 珠雞胸配龍蝦湯,海南雞飯:中西合璧,湯底鮮濃,米飯香滑｡ 🐂 燴牛膝配血橙鵝肝薯蓉:牛膝軟腍入味,血橙果香平衡油脂｡ 🐑 慢煮小羊架配北海道白粟米:肉質嫩滑,粟米甜度高｡ 🥩 A5和牛臀腰肉配菊芋松露蓉:油花分佈均勻,松露香氣濃郁｡ • 甜品壓軸 🍮 火麻籽焦糖煉奶奶凍,配法式甜麵包及夏威夷果仁碎:奶凍滑溜,果仁脆口,甜而不膩｡ 📌餐廳資料 • 地址:香港尖沙咀彌敦道100號 The ONE 19樓 #西餐廳#HarlansHK#打卡美食#Foodie#尖沙咀美食#尖沙咀高空餐廳#維港夜景#DinnerTastingMenu#香港美食#浪漫晚餐#A5和牛#高質食記
閱讀更多
-
打卡熱點
KABOOM
超靚😍維港景🇹🇭泰式酒吧🍹餐廳
尖沙咀嘅 Kaboom🌴係區內著名嘅泰式酒吧餐廳，餐廳分為兩層🏢，室內同室外都設有用餐區，最吸引嘅係無論坐邊度都可以飽覽到超靚嘅維港景色🌃，夜晚望住維港夜景真係浪漫到不得了💕！ 室內區域全落地玻璃窗，🤩視野開揚，而頂樓室外花園好似置身🏝️峇里島咁，最啱同朋友傾偈把酒暢談🍻！餐廳仲設有酒吧區域🍸，可以近距離欣賞調酒師即席表演，氛圍感十足👍，啱哂收工後過嚟 chill 一吓🥂！ 🍹Mandalay 呢杯 mocktail 以芒果蓉🥭、菠蘿汁🍍、青檸汁🍋配椰子味調製而成，清新果香濃郁😋，酸酸甜甜帶有熱帶風情🌴，好易入口，味道好開胃👍！Padang 係用百香果蓉💛、菊花糖漿🌼、檸檬汁同荔枝糖漿調配，除咗有檸檬嘅清香🍋，仲有荔枝嘅清甜💕，果香濃郁又清爽🍹，飲完成個人都精神晒✨！ Thai Style Beef Tartare with Bone Marrow 呢道前菜🤤幾有驚喜，牛肉他他肉質嫩滑新鮮😍，配埋泰式調味汁，酸酸地好開胃，再加入牛骨髓🍖，軟腍香濃，入口即溶💫，配上芥末同埋法式酸瓜，口感層次超豐富🤩！ Red Prawn and Scallop Carpaccio 係非常精緻美味嘅前菜😋，紅蝦同北海道帶子刺身新鮮到不得了🦐，紅蝦嘅鮮甜搭配帶子嘅口感✨，再配上泰式冬陰功辣椒醬汁🌶️，酸酸辣辣好清新，賣相精緻又好味🥰！ 主菜🍽️Baked Sambal Sous Vide Black Cod Fish 呢道阿拉斯加🐟黑鱈魚係用低溫慢煮技術烹調，魚肉鮮嫩到爆💕，皮脆肉嫩😋，脂肪含量高所以入口即溶😍！配上香辣濃郁嘅參巴醬🌶️，再加埋乳酪、檸檬草🌿、甜椒同幼苗胡蘿蔔🥕，酸酸辣辣，味道層次豐富🤤，令人回味無窮，絕對係必點菜式之一🔥！ Thai Lobster Sauce Spaghetti with Canada Lobster Tail 呢個龍蝦意粉真係無得輸🦞！加拿大龍蝦尾大大隻😍，龍蝦肉爽口彈牙又新鮮，啖啖都係肉💪！意粉配上泰式龍蝦醬汁，帶有濃厚鮮味同微酸惹味嘅口感，掛汁一流 🍝，再加埋蒜蓉、洋蔥同西蘭花🥦，足料又美味，食完好滿足😊！ 💖Kaboom 提供高質素嘅東南亞 Fusion 菜式🍴，環境充滿渡假風情🌴，配上無敵維港景色🌃，無論係同朋友聚會👯、情侶拍拖💑定係慶祝節日🎉都好啱！ Kaboom 地址： 尖沙咀北京道12A號太子集團中心20樓 #尖沙咀美食#Kaboom#泰式fusion菜#維港景餐廳#尖沙咀打卡#泰國菜#酒吧餐廳#香港美食#尖沙咀餐廳推介#海景餐廳#渡假風#天台餐廳#香港打卡#香港旅游攻略#香港特色酒吧餐廳#渡假餐廳#香港生活#香港探店#宝藏餐厅分享#香港生活
閱讀更多
