Pici 手工意粉餐廳新出蘑菇主題Menu　意大利香腸牛肝菌手工寬帶麵／三式芝士羊肚菌意大利雲吞／香梨意式奶凍

elizabeth0206

西式美食

Pici (尖沙咀店)

人氣手工意粉餐廳Festive Menu😋

🎄Pici嘅Festive Menu都唔錯~ 🦐紅蝦芝士鈕扣意大利麵 粒粒鈕扣包住水牛芝士同馬斯卡邦尼芝士,食落雙重芝味,好香滑｡紅蝦肉質爽甜｡忌廉汁加咗少少檸檬,食落清新唔膩 ,整體配搭得好平衡 🍝慢煮紅酒牛腩寬帶麵 手作寬帶麵夠煙韌,掛汁力一流｡上面嘅慢煮牛腩用紅酒煮到超軟淋,幾乎入口即化 🥄開心果Tiramisu 開心果味忌廉好滑,帶微微果仁鹹香,令成個甜品無咁甜膩,口感同味道都好豐富 #尖沙咀#尖沙咀美食#pici#tiramisu#pasta#意大利麵#開心果甜品

Puipui

西式美食

Pici (尖沙咀店)

尖沙咀 Pici~

今次去左Pici 食,佢嘅水準同服務態度一直都keep 到｡黑松露意粉好食👍🏻,好香松露味,亦都有咬口, 冇overcook｡ 最後甜品當然要食我最愛嘅tiramisu😍 好creamy 好味 #每日新鮮果昔 #pici

思羽

西式美食

Cannubi Enoteca Cucina (K11 MUSEA)

避開招牌菜都有驚喜！🤩 意粉控必睇！🍝大推甜品🍨！

今次冇揀set menu,自己喺main menu散叫咗幾樣,仲特登避開咗啲｢招牌菜｣,點知反而有驚喜! 🍞 一開始嘅麵包已經唔錯,外面脆脆哋,入面鬆軟,配埋橄欖油同黑醋,好開胃,令我即刻期待之後嗰幾道菜｡ 🥩 SEARED SCALLOP(香煎帶子) 前菜點咗帶子,有3粒,每粒煎得啱啱好,外面金黃色､裡面仍然嫩滑,加埋fennel沙律一齊食,好清新｡ 🍝 黑松露幼身手工意粉(FETTUCCINE) 呢碟上枱前,店員會即場幫你喺面頭刨落一大堆黑松露,超豪氣!勁香!!啲麵彈牙唔淋,配埋牛油醬汁,好掛味,食完好滿足｡ 🍝 羊肚菌手工意粉(TAGLIOLINI) 呢碟我大推!菌香超濃,但完全唔霸道,奶油醬汁剛剛好包住晒所有味道｡羊肚菌咬落去有彈性,麵又滑,食落有層次感,好耐冇試過一碟咁有驚喜嘅素意粉!👍🏽👍🏽👍🏽 🐑 小羔羊架(Rack of Lamb) 成件羊架煎到外脆內嫩,中心仲有啲粉嫩,好juicy!最開心係完全冇羊羶味,香草醬微酸,啱啱好中和咗油脂感｡店員仲推介咗伴碟嘅小番茄,酸酸甜甜,好fresh,成碟平衡得好靚｡🤤🤤 🍰 開心果千層酥配雪糕 酥皮焗到好鬆脆,中間開心果奶餡濃郁得嚟唔會漏,好香｡配埋啲雪糕,凍熱交錯,完美收尾,唔會膩｡ 🍓 野莓奶凍配雪糕 呢個甜品都超有驚喜!好食到想Encore!底下係香草味panna cotta,上面鋪晒啲小野莓,啖啖果香｡再加個清新gelato,成件事好清爽又精緻,好有層次,大愛👍🏽👍🏽👍🏽🖤是日mvp!!🤤 . 開咗一枝酒,自帶咗一枝酒｡ 埋單大概$3100 . 總結:整餐水準超高,雖然避開咗招牌菜,但每樣都做到好有誠意｡食物靚,環境又靜,擺盤都好有心思｡如果你唔只係想食飽,而係想認真感受一餐高質嘅餐飲體驗,呢度一定值得一試｡ #Cannubi Enoteca Cucina#K11 Musea#尖沙咀意大利菜#西餐廳#打卡美食#UCreator#Foodie#假期推介