荔枝角美食推薦｜荔枝角雖然是一個工業區，但聚集了不少隱世美食，尤其D2 Place附近更開設了不少特色食店，在荔枝角附近上班或者假日去覓食都有很多選擇。小編精選10間必試荔枝角餐廳，不論是港式美食，還是台式輕食、休閒Cafe、日韓料理、熱門烘焙店，即睇有甚麼高質荔枝角美食推介啦！
荔枝角美食2025｜10間荔枝角餐廳推介！
- 荔枝角美食推介：港式／中式
- 荔枝角美食推介｜2.「好好運快餐店」世一沙嗲牛肉麵
- 荔枝角美食推介｜1.「友利冰室 x 勿當奴」創意港式冰室（已結業）
- 荔枝角美食推介：西餐廳
- 荔枝角美食推介｜3.「The Pizza Pig」30吋超巨型薄餅
- 荔枝角美食推介：日式美食
- 荔枝角美食推介｜4.「金酒屋」高人氣日式居酒屋
- 荔枝角美食推介｜5.「小念頭」簡約清新和食屋
- 荔枝角美食推介：韓國料理
- 荔枝角美食推介｜6.「Bingle Bingle 空中列車烤肉 」空中列車送餐主題燒肉店
- 荔枝角美食推介：台式料理
- 荔枝角美食推介｜7.「黑布小巷」隱世台式吐司店
- 荔枝角美食推介｜8.「阿木台灣麵」正宗台灣口味牛肉麵
- 荔枝角美食推介：打卡Café
- 荔枝角美食推介｜9.「Coffee Question」招牌邪惡熱香餅漢堡
- 荔枝角美食推介｜10.「URBAN Cafe」全港最大最多貓貓Café
- 荔枝角美食推介：烘焙／麵包
- 荔枝角美食推介｜11.「Doughman」前酒店麵包師傅主理烘焙店
荔枝角美食推介：港式／中式
荔枝角美食推介｜2.「好好運快餐店」世一沙嗲牛肉麵
「好好運快餐店」的招牌沙嗲牛肉麵在Facebook「沙嗲牛肉麵關注組」廣受一眾會員的大力支持，全因沙嗲牛麵做得香濃，既有潮式沙茶鹹香，又帶花生醬微甜濃滑的質地，而且夾雜洋蔥同炒，重口味人士必定鍾意，最重要是牛肉大塊而且份量多。店中沙嗲牛麵選用人氣港產頂好大光麵，亦推介坊間少見的米通。食客還可以同時任選兩款配料，例如煎蛋、腸仔、雪菜肉絲等。
好好運快餐店地址、電話及營業時間
地址：荔枝角永康街79號創匯國際中心地下B號舖
電話：3691 9962
營業時間︰星期一至六07:00 - 17:00
荔枝角美食推介｜1.「友利冰室 x 勿當奴」創意港式冰室（已結業）
「友利冰室 x 勿當奴」是一間主打中西合璧創意Fusion菜的茶餐廳。餐廳自設工場炮製古法明火燒味，其中乳豬卡邦尼意粉是餐廳的招牌菜，乳豬皮香脆帶陣陣油香，與濃滑彈牙的意粉形成強烈對比。而叉燒煎蛋飯的叉燒用上美國穀飼豬製作，外表燶邊內裡多汁，配搭流心蛋黃，非常邪惡！此外，餐廳還加入了快餐元素，妨似麥當勞般售賣「巨無罅」、「密落雞」、脆香雞翼等，玩味十足。
友利冰室 x 勿當奴地址、電話及營業時間
地址：荔枝角長順街15號D2 Place TWO 1樓109號舖
電話：2338 6788
營業時間︰星期一至日12:00 - 22:00
荔枝角美食推介：西餐廳
荔枝角美食推介｜3.「The Pizza Pig」30吋超巨型薄餅
「The Pizza Pig」主打以石爐即叫即烤的方形脆邊薄餅，其中更提供30吋長的巨型薄餅Size，最適合與朋友一同分享品嘗。招牌鬼馬「豬」意薄餅選用手撕豬手肉、脆豬皮、車打芝士和大蒜薯仔醬為配料；另有放上豐富魷魚、鮮蝦、蟹肉、青口、帶子的海鮮薄餅。餐廳更提供無麩質薄餅底和純素芝士，以照顧特殊飲食需要及素食人士。店內更擅長以豬肉入饌的菜式，包括重達1公斤的香脆德國鹹豬手和烤斧頭豬扒。
The Pizza Pig地址、電話及營業時間
地址：荔枝角長順街15號D2 Place TWO地下G02號舖
電話：2806 1681
營業時間︰星期一至日12:00 - 22:00
荔枝角美食推介：日式美食
荔枝角美食推介｜4.「金酒屋」高人氣日式居酒屋
「金酒屋」提供優質商務日式居酒屋體驗，主廚擁有十多年廚師發辦的經驗，有齊壽司、刺身、天婦羅、手工串燒等各種日式料理。其中海膽三文魚籽拖羅蓉丼飯是招牌菜，選用時令海膽，口感綿密、味道鮮甜，配上自家醬汁醃製的北海道三文魚籽，份量「多到滿瀉」，而拖羅蓉令每粒赤醋飯裹滿油香。若想享受雙倍奢華感覺，必試宮崎和牛海膽刺身。串燒亦是出色之作，私心推薦師傅發明的雞皮蝦串燒。
金酒屋地址、電話及營業時間
地址：荔枝角長沙灣道909號地舖
電話：2633 2552/5980 8909 (WhatsApp)
營業時間︰星期一至日12:00 - 15:00、18:00 - 22:30
荔枝角美食推介｜5.「小念頭」簡約清新和食屋
「小念頭」主打各款日式料理、輕食西餐等，當中「一汁三菜」定食套餐為熱門之選，主食方面有明太子吉列豬扒、西京燒鮭魚、照燒汁牛舌丼、日式柚子雞扒等多款選擇，還附送日本米飯、湯品及茶飲，價錢由$68起，，可另加冷盤前菜及溫熱小食，非常豐富。店內的自家製甜品更是大受歡迎，特別推介坊間較少有的紅茶金莎巴斯克芝士蛋糕及招牌焙茶粟子戚風蛋糕，前者幼滑細膩，後者鬆軟綿密。
小念頭地址、電話及營業時間
地址：荔枝角長沙灣道883號億利工業中心9樓903號舖
電話：9296 2130
營業時間︰星期一至日11:30 - 21:00
荔枝角美食推介：韓國料理
荔枝角美食推介｜6.「Bingle Bingle 空中列車烤肉 」空中列車送餐主題燒肉店
「Bingle Bingle 空中列車烤肉 」以宇宙科幻Cyber元素為主，由點餐至送餐均全自動化系統操作，並用上空中列車作送餐，帶來沉浸式烤肉體驗。餐廳主打多款抵食一人燒肉套餐，最平$68起就可以試到車輪泡菜五花豬肉卷燒肉套餐，配白飯、韓式牛肉雜菜湯及韓式涼菜，Cp值極高！另。想食豪一點更可以選擇宫崎和牛及1++ 級別韓牛。餐廳提供7款醬汁蘸料，包括Bingle自家秘製燒肉醬汁、香草蒜蓉燒肉汁、芝麻沙律醬等，可以按自己喜好調配自己的專屬食法。
Bingle Bingle 空中列車烤肉地址、電話及營業時間
地址：荔枝角深盛路8號碧海藍天AEON超級巿場地下L002號舖
電話：2382 8890
營業時間︰星期一至日11:00 - 22:00
荔枝角美食推介：台式料理
荔枝角美食推介｜7.「黑布小巷」隱世台式吐司店
「黑布小巷」以台式吐司及自製芋圓打響名堂，當中最受歡迎的必定是台式肉蛋吐司。吐司餡料相當充足，夾著兩層香煎豬排、半熟流心蛋、鹹香濃厚芝士和秘製醬汁，咬落爆汁啖啖肉。芋頭控斷不能錯過芋頭椰汁西米露三色圓糖水，有齊芋圓、地瓜圓、紫薯圓，大大粒又煙韌，將芋頭壓成蓉加入椰汁內，食落有濃郁的芋香味。店內還提供不同台式小食，如台式香腸、芋泥球、甜不辣、蝦捲等。
黑布小巷地址、電話及營業時間
地址：荔枝角長沙灣道883號億利工業中心4樓405室
電話：9228 7113
營業時間︰星期一至日11:30 - 21:30
荔枝角美食推介｜8.「阿木台灣麵」正宗台灣口味牛肉麵
「阿木台灣麵」由台灣人主理，提供各式各樣的台灣菜。餐廳主打的眷村風牛肉麵是沿用家傳60年配方，湯底用上牛骨、牛肉、蔬菜及藥材燉煮，牛味濃郁。牛肉採用金錢腱，每一片都超厚，份量十足，連同牛筋燉得軟嫩鬆化。另一大受歡迎就是即叫即做的蛋餅，餅皮每天新鮮製作，煙韌富蛋香，筋道十足。餡料足不在話下，每一啖都是也是肉鬆和拉絲芝士，非常滿足。店內還有提供不同配料的肉燥便當及台式炸物小食。
阿木台灣麵地址、電話及營業時間
地址：荔枝角長順街15號D2 Place TWO 1樓102號舖
電話：5598 5351
營業時間︰星期一至日11:30 - 22:00
荔枝角美食推介：打卡Café
荔枝角美食推介｜9.「Coffee Question」招牌邪惡熱香餅漢堡
「Coffee Question」充滿木系文青風格，設有高腳吧檯以及榻榻米等座位，環境舒適。Cafe大熱門為邪惡三層熱香餅漢堡，三層熱香餅分別夾上豬柳扒、煙肉及炒蛋，再淋上楓糖漿，鹹鹹甜甜意外地好Match。早午餐方面也有多款選擇，包括豐盛All Day Breakfast、慢煮雞沙律碗、牛油果蛋沙律吐司、卡邦尼意粉等。甜品一樣吸引，流心巴斯克芝士蛋糕、紅絲絨士多啤梨卷蛋、戚風蛋糕、Scone搭配自家製果醬等都值得一試！
Coffee Question地址、電話及營業時間
地址：荔枝角長沙灣道680號麗新商業中心地下G61號舖
電話：4692 3309
營業時間︰星期一至五08:00 - 18:00；星期六至日09:00 - 18:00
荔枝角美食推介｜10.「URBAN Cafe」全港最大最多貓貓Café
「URBAN Cafe」佔地有7,000呎，是全港面積最大的貓Cafe，店內貓貓更高達60隻。餐廳堅持不收入場費和每小時收費，只希望食客進餐時順道探望貓貓。店內的貓貓都十分友善親人，更會陪伴客人用餐。餐飲方面，主打西式食品，包括各種意粉、手工漢堡、薄餅及沙律。甜品方面亦有雪糕窩夫、法式焦糖燉蛋、日式忌廉蛋糕配雪糕等。餐廳另一邊是寵物友善空間，可以讓有養毛孩的主人帶上寵物一同進餐。
URBAN Cafe地址、電話及營業時間
地址：荔枝角長沙灣道680號麗新商業中心1樓
電話：9049 9929
營業時間︰星期一至日12:00 - 22:00
荔枝角美食推介：烘焙／麵包
荔枝角美食推介｜11.「Doughman」前酒店麵包師傅主理烘焙店
「Doughman」以西式麵包作主打，其中一位店主曾於港島香格里拉酒店內任職麵包師傅，堅持選用日本麵粉、法國牛油等優質原材料製作麵包。最拿手是多款口味的牛角包，切開見到蜂巢層次，牛油味重而且外層焦脆，最近推出的流心開心果醬牛角包更吸引排隊等出爐的情況。Bagel也是店內的人氣款式，入面均包裹滿滿的餡料。店內還有英式鬆餅Scone、法式長棍麵包、鬆餅、水果千層酥等。小店亦有提供多種咖啡飲品，配搭新鮮出爐的麵包，做早餐和下午茶一流啊~
Doughman地址、電話及營業時間
地址：荔枝角長義街10號昌隆工業大廈地舖
電話：37410111
營業時間︰星期一至五07:30 - 20:00；星期六08:30 - 20:30；星期日及公眾假期09:00 - 20:30
圖片來源：IG＠ahkittt.yan、IG＠big_eat_monster、IG@joeie_foodie、小紅書＠小资女潮游世界、FB@The Pizza Pig、FB＠小念頭、FB@黑布小巷、IG＠coffeequestion、FB@URBAN Cafe、FB@Doughman Bakery & Coffee
-
打卡熱點
荔枝角
全城必食沙嗲牛肉炒蛋熱香餅
冰室和茶記基本上每個星期都會食幾次,最近就到訪位於荔枝角｢老荔冰室｣,冰室運用咗好多懷舊嘅港式戲棚元素,例如紅撞黃顏色嘅運用和龍鳳牆,形成視覺強烈嘅對比｡ 沙嗲牛肉麵 基本上每次去親冰室都必叫嘅沙嗲牛肉麵｡可以見到沙嗲牛肉份量都幾多,肉質軟腍偏甜,又帶少許辣味｡ 沙嗲牛肉炒蛋熱香餅漢堡 最近熱香餅漢堡深受港人愛戴,原來發現配搭沙嗲牛肉都好特別｡因為本身熱香餅係甜嘅,配搭甜中大辣嘅牛肉就會更加突出｡ 滑蛋叉燒飯 幼滑嘅炒蛋配搭叉燒都係最佳嘅組合｡ 金沙朱古力流心西多士 傳統嘅西多士都食得多,配搭金莎朱古力就第一次｡切開原來仲係流心嘅添｡ 飲品方面就試咗阿華田脆脆火山,感覺上層次都幾豐富｡ 老荔冰室 📍荔枝角青山道495號誠信中心地下1號舖 #女生好物體驗包#chill賞遊世界#chill歎旅遊#chill歎旅遊#秋妝上陣#缺水肌必備#透亮抗敏#ucreator
閱讀更多
-
打卡熱點
打卡懷舊X創意冰室
荔枝角｢老荔冰室｣裝潢好靚,門口有霓虹燈招牌,離遠睇已非常吸睛,一望就望到 而店內更有一對舊式酒店常見的龍鳳裝置,更會一邊播住香港既歌,充滿舊香港情懷念 1️⃣沙嗲牛肉麵 沙嗲牛好入味,份量好多,味道偏甜､更有少少麻辣味 加埋雙蛋,蛋黃撈公仔麵 好正 2️⃣金沙朱古力流心西多士 西多士外脆內軟,搭配流心的朱古力醬,口感極為豐富 濃郁的朱古力甜而不膩,令人心情愉悅 3️⃣沙嗲牛肉熱香餅漢堡 大家心心念念既熱香餅,都有得食啦 熱香餅即叫即做,保證新鮮 沙嗲牛肉搭配糖漿更是讓整體味道提升了不少 4️⃣滑蛋叉燒飯 叉燒肉質嫩滑,搭配香濃的滑蛋,充滿香氣,令人一口接一口 5️⃣阿華田脆脆火山/椰汁紅豆冰 阿華田脆脆真係好脆! 鍾意飲阿華田必試! 超重椰汁味,粒粒紅豆,好滿足 食到底,仲發現有驚喜｡杯同碟上有唔同既金句!好特別既設計! 冰室又懷舊又有創意,值得一試! -老荔冰室 (荔枝角)- 荔枝角青山道495號誠信中心地下1號舖 #我想去aia嘉年華#遠離敏感肌#步步糕升#聖誕都要做運動 #老荔冰室#LoLaiCafe#沙嗲牛肉#熱香餅漢堡#茘枝角#hkfood#hkfoodie#hkfoodies#hkfoodblogger#hkfoodieblogger #UCreator#打卡美食#好去處#全新景點#chill#隱世打卡點#打卡
閱讀更多
-
港式美食
老荔冰室 Lo Lai Cafe
荔枝角懷舊茶餐廳 🥢
📍荔枝角［老荔冰室］ 同屋企人喺荔枝角一間茶餐廳食飯，呢間茶餐廳好有懷舊氣氛，門口有戲棚元素，餐廳內嘅牆上有仿九龍皇帝字體嘅字同埋龍鳳牆，餐牌以戲院海報形式呈現，而且仲播住一首首流行經典嘅懷舊粵語歌~ 🍳滑蛋叉燒飯 $68 色香味俱全，飯上面有一大塊炒蛋，裡面仲有唔少肥瘦適中嘅叉燒，配埋餐飲，非常飽肚！ 🥤凍兒童鴛鴦 （少甜）（加$3） 餐飲揀咗凍兒童鴛鴦，鴛鴦係奶茶加咖啡，兒童鴛鴦係阿華田加好立克，好特別，而且味道都好好飲！ 呢間餐廳嘅餐杯上面好特別，上面會有不同嘅金句/ 迷語！ 🍜沙嗲牛肉麵 $55 香氣四溢嘅沙嗲牛肉配上彈牙嘅公仔麵，係茶餐廳經典美食，沙嗲牛份量多，味道偏甜，有少少麻辣味，我地仲加$8跟餐要咗一杯特飲。 🍹阿華田脆脆火山特飲 （加$8） 好濃郁嘅阿華田味道，阿華田脆脆堆疊得好高，為飲品增添了豐富嘅口感層次！ 🧇金沙朱古力流心西多士 $45 好厚身嘅西多士外脆內軟，切開中間會有融咗嘅朱古力流出嚟，上面仲有朱古力脆脆，令人垂涎欲滴~ 🥞餐肉炒蛋熱香餅漢堡 $36 之前錯過咗熱香餅漢堡，竟然呢間茶餐廳有得食！而且佢仲係三層，上層係鬆軟嘅熱香餅，中間一層炒蛋、一層熱香餅、一層餐肉，最後底層再熱香餅。熱香餅蛋味濃，即叫即做，上層再自行淋上少許糖漿，令整體口感更加豐富~ 📍老荔冰室 荔枝角青山道495號誠信中心地下1號舖 #老荔冰室#LoLaiCafe#沙嗲牛肉#熱香餅漢堡#UCreatorHK #BESTFOODwithUCreator #香港美食 #九龍美食 #香港隱世美食 #香港地道美食 #打卡美食 #相機食先 #foodie #港玩港食 #foodiehk #hkfood #香港地道美食 #幾飽都要食埋甜品#甜甜蜜蜜過新年
閱讀更多
