日本近年很流行 sukiyaki bar 體驗，餐廳縮小規模，只提供十來個吧枱座位，客人選坐吧枱，大廚則在吧內即席烹煮壽喜燒，近距離的睇住、聞住炮製壽喜燒，比傳統會席式吃壽喜燒，體驗無咁拘束，因此大受歡迎。呢幾年香港都出現幾間類似模式的，最新一員落戶尖沙咀一條很寧靜的小街。
text│sieg photo│Jay
連同 4 人廂房，這店只有 16 席，靜靜雞話畀大家知，主廚高橋佳介之前佢喺中環一間頂流壽喜燒店工作，功架一流。舖頭主攻關西風的壽喜燒，會使用微甜的醬汁烹調，煮和牛時更會洒砂糖煮，加熱砂糖能令牛肉焦糖化，吃來香甜味濃，還有一份焦香。
和牛也是好貨，用上京都姬牛，這牛與關西風煮法極為搭調，京都姬牛有牛味、柔軟、霜降細密卻沒有過重的油份。這店另一賣點是堅持手切，據高橋師傅講，因為機器切牛肉時刀片會殘留油脂並黏附下一片和牛肉之上，人手切，因為可以每切一片便抹一抹刀子，就可避免以上情況，膩感大減。
餐廳供應午巿及晚市套餐，午餐 $480 位起、晚巿 $780 位起，晚市另有可預訂的 $1,480 位起的 omakase 套餐。套餐包括前菜、蒸し物、野菜、壽喜燒、米飯及甜品，也有幾款壽喜燒牛肉，如肉眼、西冷、赤身及牛舌可加錢追加，另外亦有炭燒牛柳及日本野菜盛合等。
--------------------------------
和牛海膽壽司
其中一款前菜，生牛肉配上海膽，牛肉軟嫩鮮香，海膽 creamy 甘甜又不會搶去牛肉鮮味。
牛腩煮
前菜之一，一樣用上牛肉，這個跟配了時令的莖根植物作配搭。
蜆茶碗蒸
蒸し物採訪當日供應了這款，加了蜆湯煮的茶碗蒸，雞蛋滑嫩還多了份海產旨味。
晚市壽喜燒套餐 $930 位
套餐包括前菜、蒸物、野菜、牛肉、米飯及甜品等。可以吃到 3 個部位牛肉。圖為 2 人份量。
京都姬牛西冷
肉眼比西冷柔軟度更高，幾乎入口即融，它帶幽幽的牛脂香。
京都姬牛西冷壽喜燒
姬牛口感很細滑，牛味也很出色，用上關西煮法，牛肉面及邊位做帶焦脆，蘸日本蘭王蛋吃，滑溜好味。
日本野菜
用餐次序安排細心，每道牛肉之間會送上野菜，菜和豆腐都是日本產的。以煮牛肉的壽喜燒汁煮，野菜索盡牛味精華。
京都姬牛肉眼壽喜燒
配關西煮甜甜的煮法，食落不會太油膩。
松阪牛或熊本和王牛牛肩（每人兩片）
吃完焦香的西冷、脂香十足入口即融的肉眼後，會換上松阪或熊本的牛肩，有微微的嚼感，牛味適中，這款油膩感少，不會吃得客人太飽滯。
松阪牛或熊本和王牛牛肩
卵とじご飯
米飯也擅用煮牛肉的壽喜燒汁，以和牛肉及蘭王蛋做滑蛋飯，好味到唔停得口。
焦糖雞蛋布甸
甜品會供應布甸或雪糕，布甸焦糖味幾香，與之前吃的甜甜關西壽喜燒，遙遙相應。
【info】
すき焼き樹 Sukiyaki Itsuki
地址：尖沙咀漆咸圍 10-12 號 1 樓
電話：9250 2480（WhatsApp）
營業時間：12nn-3pm，6pm-10pm，星期三休息
備註：每月初開放下月訂位
人氣餐廳排名
-
港式美食
尖沙咀新開一人壽喜燒專門店 A4黑毛和牛$134起/$68午市套餐
「天澗壽喜屋」主打關西風壽喜燒，套餐最平$134起，就可以品嘗到多達6款壽喜燒套餐，包括肩胛、肉眼、西冷及三重和牛組合，亦有與北海道豚五花的特別搭配，套餐包括肉類自家製柚子蘿蔔前菜、日本米飯或讚岐烏冬、蔬菜盛盒與生雞蛋。餐廳選用鹿兒島及北海道A4黑毛和牛，有不同部位可選擇，不過壽喜燒汁味道較淡。 除了招牌壽喜燒，餐廳亦提供逾 25 款壽司及刺身，包括長崎直送藍鰭吞拿魚，每日新鮮空運直送，確保最佳鮮度。另外有每日限量供應的北海道根室馬糞海膽，、火炙 A4 和牛壽司、火炙六點壽司拼盤等。 午市定食有十一款選擇，價錢低至$68，附前菜及味噌湯，有人氣溫泉蛋和牛丼、鮮味魚生丼，更有不定期更新的期間限定丼飯，Lunch放飯又有更多選擇。 期間限定優惠 凡經WhatsApp / 致電訂座，惠顧任何壽喜燒套餐，即可獲贈北海道A4黑毛和牛60g一份（價值$68）。此外，每日3pm至7pm時段(7pm前離座)，更可享9折優惠。 * 換領優惠前，需先讚好 / 追蹤「天澗壽喜屋」官方Facebook 或 Instagram。 *優惠受條款及細則約束，如有任何爭議「天澗壽喜屋」保留最終決定權。 天澗壽喜屋 TENKAN SUKI KANSAI - SHABU SHABU 店舖地址：尖沙咀堪富利士道 6 - 6A 號爵寓 1 樓 營業時間：星期一至日 12:00 - 22:00 聯絡電話：3487 1160
閱讀更多
-
日式料理
Suki Kansai
[勞蘇食]儀式感滿滿既和牛壽喜燒✨
壽喜 · 關西 Suki Kansai🇯🇵 關西風壽喜燒專門店,日式木系裝潢,主打正宗關西風壽喜燒就3 款套餐,精品赤身､特選肩胛､極上肉眼🤩用既係北海道十勝和牛,仲可以係吧枱望住佢一路切和牛一路磅重,步驟做足👍🏻 位於尖沙咀的 Suki Kansai,,包你一試難忘｡餐廳裝潢風格以日式木系為主題,和風十足,更可追加,不論是食物還是環境都讓你仿佛身處日本關西,享盡味覺之旅! 精品赤身壽喜燒套餐,前菜漬物相當唔錯😌日本產黑毛A4和牛,大大塊,專人示範點燒👍🏻儀式感十分,關西食法落少少壽喜燒汁燒幾秒,沾滿日本直送蘭王蛋既蛋漿食🤤牛味爆發,肉質嫩得黎又香又好味🫶🏻日本米飯都必須配埋,好正既享受🩵 配杯Sapporo生啤,佢既啤酒杯係係零下-30度雪櫃冷藏,會有啲啤酒冰雹,口感超爽,食住壽喜燒熱下凍下好特別🤣 牛板腱壽喜燒套餐🍱一上枱啲油花靚到呢😘一隻牛只有兩公斤既板腱位,一燒就好香牛油味,食落非常肥美非常濃郁,肉質好嫩🤤一個套餐已經有齊晒前菜､野菜盛合､主角和牛､蘭王蛋､米飯或烏冬同甜品👏🏻加湯煮埋啲野菜同烏冬,因為個壽喜燒汁好味,所以配菜都正🤗甜品係蕨餅,唔太甜口感幾好🫶🏻 相當完美既關西風壽喜燒餐,高質#和牛,性價比極高,好似去左日本咁😻儀式感滿滿,仲有好多優惠,放相上Social media Tag餐廳就有一份和牛或生啤,憑收據可於一個月內7折買外賣和牛🫣依家唔想出街仲可以Foodpanda買佢嘅和牛送到上屋企✨貼心,必須一試既和牛專門店! #勞蘇食#香港美食#香港食評#香港餐廳#香港餐廳推介#尖沙咀#尖沙咀美食#尖沙咀餐廳#尖沙咀日本菜#日本菜#北海道十勝和牛#日本和牛#壽喜鍋#關西壽喜燒#壽喜關西#lotsoeat
閱讀更多
-
香港攻略
喰樂
觀塘和牛壽喜燒晚餐🐮
喰楽 📍觀塘開源道60號駱駝漆大廈第三座9樓H室 今次我地放假去左觀塘駱駝漆呢邊行下outlet順便食飯,駱駝漆工廈呢邊都好多野食,我地揀左間壽喜燒餐廳,佢地係關西風既壽喜燒,上網見到d肉好靚想黎試下😍 晚市套餐($499) 前菜 磯煮鮑魚配大根 蘿蔔清甜又夠淋,鮑魚彈牙入味☺️ 魷魚海膽卷配三文魚籽 好精緻既一道前菜,海膽新鮮冇腥味,有如omakase既菜式🥰 茶碗蒸 茶碗蒸有用左北寄貝同螢光魷魚,個蛋幾有鮮味🦑 九州宮崎和牛 黎到主菜既環節,牛肉係用九州宮崎和牛,有3款唔同部位既牛提供,分別係肉眼,西冷,牛肩肉,另外仲有野菜拼盤,同埋珍珠飯,而個飯係可以無限添加,唔怕唔夠飯去食d肉,全程都有店員幫手煮,想要幾熟都可以控制到,食完3款牛就可以因應自己口味揀多塊再想食既牛,一共4塊,每一塊都好大塊🤩 肉眼 肉眼係3個部位之中最肥既,有入口即溶既口感🐮 西冷 塊肉相對會淋身d,肉味濃過肉眼🐮 牛肩 牛肩即係赤身位,油脂比較低,肉味最濃🐮 蟲草花雞湯 個雞湯好香濃雞味,有d驚喜🐥 甜品 甜品分別有豆腐雪糕同焦糖雞蛋布甸,個豆腐雪糕係勁濃豆腐味,我好鐘意,直頭想加多一球雪糕,不過好似係冇得單點雪糕既,個雞蛋布甸賣相好靚,上面用左海鹽奶油同焦糖醬,甜度適中,布甸都好味,但豆腐雪糕太屈機,建議揀豆腐雪糕🍨🍮 呢間餐廳晚市只得一個餐,未食之前會覺得得4塊肉要$499都幾貴下,食完成個set 我又覺得合理,前菜都有誠意,4塊肉又靚又大塊,其實份量都ok,有湯有甜品,唔添飯都好飽,而且每一樣食物我都覺得好食,所以食完唔會覺得唔抵比😉 #香港美食#壽喜燒#宮崎和牛#豆腐雪糕#和牛
閱讀更多
