如果係沙牛麵 fans，一定聽過元朗的永順，這間 35 年的舖頭裝修重開，一改以往傳統茶水檔的格局，變成光猛的型格快餐店，餐單不變，馳名沙嗲牛、奶茶、炸豬扒、雜錦麵一樣喺度，環境升級、但味道與情懷不變，幫襯嘅人潮好似仲多過以前。
text│sieg photo│Jay
永順 1986 年才搬入元朗，最初以茶水檔形式經營服務附近的工廠職員，只賣簡單的三文治與奶茶，直到 96、97 年才推出沙牛麵，老闆陳生是潮州人，潮州人最叻做沙嗲，濃郁、充滿花生香，又有沙茶醬的惹味，誰知推出不久便得到食家青睞，近 30 年來食大三代街坊，更有不少區外人慕名而來。
永順的沙嗲做得有誠意，日日煮，不隔夜，日日炒足十幾鑊、賣近 300 多碗。沙嗲膽不用現成貨，用 6、7 種料頭、花生醬、沙茶醬等 3 種醬料炒成，沙嗲不死鹹、微稠帶花生香，非常惹味。牛肉不用急凍貨，原條鮮牛肉入貨，再去筋切片，既因為是鮮牛、也因為去了筋，完全不須用食粉或梳打「乸」過，也腍滑有牛味。誠意位仲有鮮牛放到沙嗲牛中炒，將沙嗲香逼到肉裏，啖啖都是沙嗲香。
來這裏吃沙牛麵，識食嘅一定點蟹王麵，亦因為永順的沙牛麵太紅，蟹王麵亦因此而聲名大噪，4、5 年前被雜誌報導後，連連鎖超市也將蟹王麵上架，最終全港都識。蟹王麵是香港第一代引入的日本即食麵，最初只在元朗一些士多、雜貨店販賣，沙牛配元朗獨有的蟹王麵亦成了永順沙牛的一大特色。有別出前一丁，麵質軟一點、滑一點，夾一箸掛上沙嗲牛，掛汁好味。
沙牛以外，炸豬扒也有無數 fans，沒有花巧，肯花時間上鬆化的脆漿生炸，巴西豬扒用刀背揼揼鬆，即叫即生炸，上枱切忌即刻放入口，熱氣騰騰會熨到朱唇㗎！奶茶也是元朗街坊必點，混合了 3 種粗幼茶葉，茶味濃重、茶底滑溜，茶多奶少，一飲醒神。
永順仍保留茶檔模式，6:30am 開招呼一班愛歎奶茶的長輩，每日 5:30pm 打烊，記得唔好咁晏嚟，記者試過 5 點前來，沙牛賣晒，幾失望呀！
沙嗲牛肉 $21、蟹王麵 $11（兩餸起）
沙嗲牛用來鮮牛做，會放到沙嗲汁中炒，連牛肉都滲花生香味，沙嗲汁微稠，上枱即傳來花生香味，入口有少少甜、又有沙茶醬的惹味。
熟食嘅，梗係配永順煲紅嘅蟹王麵，其麵質較軟帶滑，澱粉味適中，掛上沙嗲汁，沙嗲味更顯香濃。
熟客鍾意叫炒牛肉做麵料，鮮牛即叫即炒，令牛肉多了份焦脆。
沙嗲炒牛肉麵（炒牛肉 $24、福麵 $7，兩餸起）
沙牛麵的另一種食法，就是點炒牛肉再配沙嗲汁，熟客才識點，咁叫勝在牛肉口感特別好，牛肉焦脆有嚼感，多了份鑊氣。
炒牛肉帶焦香，特別香口。
雜錦麵（雪菜肉絲 $15、雜錦 $15 麵底 $7）
其中一款元朗街坊食到大的麵食，材料豐富，有切得粗粗的午餐肉、魚片及紅腸，材料非白烚、全部爆香奉客，配個福麵，深受街坊歡迎。
芝士流心蛋炸豬扒三文治 $29
永順名物之一，豬扒即叫即炸，還有流心的雞蛋及芝士，豬扒入味易咬。
茶記重裝後格局年輕光猛，座位多了，但不覺迫夾。
【info】
永順沙嗲牛肉專門店
地址：元朗元朗安寧路 2 號冠煌樓地下 F 號舖
電話：2474 7074
營業時間：6:30am - 5:30pm
人氣餐廳排名
-
打卡熱點
永順食店 勁好食沙嗲牛肉麵
永順食店喺元朗已經有好多年嘅歷史,遠近馳名,今次假期後諗住會少啲人,排咗10 分鐘到,呢度主打幾樣食物但係就冇套餐嘅全部都要散嗌,食物貫徹香港嘅傳統快､靚､正😄,全部姐姐都非常之友善冇壓迫感😊❤️ 沙嗲牛肉麵🐮🍜 ($28) 可以揀唔同嘅面底,每份即叫即炒,新鮮熱辣,誠意滿滿❤️個面夠爽同硬👍🏻,沙嗲牛肉個沙茶同沙嗲味超級香濃,仲有花生香🥜質地濃稠,超易掛面😋,牛肉有一定嘅厚度有咬口,而且仲食到肉味,肉量都好多喺茶餐廳嚟講可以話非常之高質👍🏻 豬扒🐷 (+$14) 強烈推薦要加,粉漿好薄,炸到香脆鬆化,有肉汁 雞翼🐔 (+$14) 金黃香脆,調味足夠,香口,但係揀一樣就會加豬扒 西多士🍞 ($16) 抵食,金黃鬆化,有蛋香,都有夾花生醬🥜,地道正宗,充滿港式風情🇭🇰 凍奶茶☕️ ($17) 香濃醇厚,如果可以以套餐加配就好 @wingshun1986 📍 永順食店 (元朗) 元朗安寧路2號冠煌樓地下 #永順食店#沙嗲牛#元朗美食#茶餐廳#beef#noodles#milktea#frenchtoast#forkyeahfoodies#thefoodieinitiative#eatwithyannes元朗#打卡美食#我係咖啡達人
閱讀更多
-
打卡熱點
元朗必食名物
芝士流心蛋煎豬扒三文治($29) 記得要加兩蚊烘底,好食好多,好好食,唔食沙嗲牛就一定要試呢一個,煎豬扒香脆鬆化,加埋芝士同雞蛋,味道絕配,超級流心 📍 永順沙嗲牛肉專門店 (元朗) 元朗元朗安寧路2號冠煌樓地下F號舖 #精緻茶聚
閱讀更多
-
打卡熱點
永順食店
元朗名物-沙嗲牛肉麵
嚟到元朗梗係揾機會試吓最出名沙嗲牛肉麵嘅永順！小編當天係平日午膳時間去嘅，雖然遠遠都見到一條人龍排緊隊，但係由於小編一個人同埋其實個流量真係好快，等咗唔使20分鐘就入到去啦😆 🍜沙嗲牛肉麵 餐廳最出名就係沙嗲牛肉，冇理由唔試！一上到枱就見到碗麵有濃濃嘅沙嗲汁，湯底比普通茶記濃郁啲😉牛肉就索哂沙嗲汁嘅味道👅，非常之入味，而且一啲都唔韌💪🏻 🐷炸豬扒 炸豬扒基本上係每台必有嘅名物之一😆炸豬扒嘅外層酥脆，肉質入口非常嫩滑咩好啊，仲帶咗啲肉汁🥹唔怪得個個都嗌炸豬扒啦🤣 永順作為沙嗲牛肉關注組嘅討論對象，質素果然有返咁上下。小編仲有好多嘢都想試包括佢嘅西多士，同埋芝士🧀流心蛋三文治。如果大家都試過呢間餐廳，歡迎話俾小編聽流心蛋三文治同西多士好唔好食🥺 永順沙嗲牛肉專門店 📍元朗安寧路2號冠煌樓地下F號舖 #foodiehkcouple #foodiehkcouple元朗 #foodiehkcouple港式 #gogofoodie#KTfoodie#hkfoodie#hkfoodies#foodiehk#foodhk#hkfood#hkfoods#hkfoodblogger#hongkongfoodies#hongkongfoodie#hkfoodlover#ufoodphoto#hongkongfood#foodiehk#週末好去處#拍拖好去處#情侶好去處#香港美食#香港好去處#元朗餐廳#元朗好去處#元朗美食#元朗小店#小店#沙嗲牛肉麵#沙嗲牛肉麵關注組#炸豬扒#UCreator#打卡美食#好去處#全新景點#chill#隱世打卡點#打卡相我攞獎#您去玩我找數#香氣四溢#櫻花樹下
閱讀更多
