Holiday mood 尚未離我而去，所以放工後都堅持約下朋友飲嘢吹水，自我延續假期感覺。呢排氣溫涼爽爽，飲嘢不如去這間 glamping 主題燒肉店，戶外位置超正，不單以露營主題布置，即日至 1 月 10 日更推出飄雪及 bucking 活動應應節日。
text│sieg photo│Kei
這間燒肉店相當適合飲嘢，因為戶外位置營業到 2am，食完燒肉後直落飲嘢，不用趕頭趕命食到飯嚟又唔夠時間飲嘢。
戶外位置布置相當有心意，十足十日本山林祭的規模，不但舖上木地板及圍欄，還放了係露營專用的枱椅，加埋發光的「火爐」及暖燈，讓大家置身鬧市glamping。由即日至 1 月 10 日，入夜後更有飄雪活動，每晚 6pm 至 11pm 會飄雪，每半小時一次，都幾密集，唔怕唔夠時間打卡。
這區域晚上 9 時開始更有 busking 活動，邀請不少歌手來獻唱，有歌聽有酒飲又「落埋雪」，一秒由繁囂的尖沙咀切換到富士山腳的山林祭。
戶外位置供應甜品、cocktail 及水煙，大家可以坐在露營餐枱旁燒棉花糖及歎朱古力火鍋，當然少不了叫杯雞尾酒，近期天氣涼涼哋，在這裏「野炊」真的好 chill，據聞晚晚都幾多人來飲嘢，你都好執輸啦！
室內也以 glamping 為主題布置。
店內設有帳篷個室，用餐區都放置了野餐用的矮餐枱及摺凳，加埋營燈，儀式感十足。
舖頭主攻日式燒肉。
烤棉花糖 $108（戶外供應）
戶外提供多款露營小食，在微寒的冬季，這款燒棉花糖最受歡迎，以野炊小鐵鑄鍋奉上，鍋內有朱古力及棉花糖，亦提供餅乾給大家自製 s'more。
朱古力火鍋士多啤梨 $118（戶外供應）
以煮得暖笠笠的朱古力蘸點士多啤梨，充滿野炊滋味。
和之花蕾 $128、靜岡草莓藍姆酒 $118
室內及戶外位置均提供雞尾酒，酒款都以 fruity 漬新為主。
戶外位置以供應露營小食甜品、雞尾酒及水煙為主。
【info】
火土燒肉 Hearth yakiniku by ATUM
地址：尖沙咀河內道 18 號 K11 Art Mall 3 樓 314 號舖
電話：3954 5644
營業時間：（餐廳）12nn - 4pm、5pm - 11pm，（戶外酒吧）7pm - 2am
