尖沙咀新開鴨主題餐廳—「YA鴨」，主打滷水鴨肉料理，菜名玩味搞鬼，招牌菜有65度左右慢煮鴨片飯、手撕冇腰骨鴨肉、流行經典牛三寶撈粗。裝潢方面，水泥牆壁搭配木質餐桌，設計簡約溫馨，另有各式得意鴨鴨裝飾，有興趣的朋友記得bookmark地址啦～
同場加映：U Food【開箱速遞】最新影片！
「YA鴨」今年8月於尖沙咀開業，現已成為區內人氣食店。餐廳的光線柔和，水泥牆壁搭配木質餐桌的設計簡約溫馨，而且從外到內都佈滿得意鴨仔裝飾～
*按細圖查看Menu
65度左右慢煮鴨片飯（$68）是餐廳的招牌菜式，一碗大概有10片鴨肉，肉質軟冧，色澤粉嫩，飯粒用上珍珠米，跟配的辣蝦咪菜脯和秘製辣汁相當惹味，另可選擇65度左右慢煮鴨片撈粗（$72）。
手撕冇腰骨鴨肉撈粗（$68）亦值得一試，用上一整隻鴨腿肉，肉質細嫩而且鹵得入味，撈粗亦幾爽口，另可選手撕冇腰骨鴨肉飯（$68）和小食手撕冇腰骨鴨肉（$48）。
牛肉料理也不錯，例如流行經典牛三寶撈粗（$86），牛三寶分別為牛腩、金錢肚和牛丸，雖然牛腩肉質偏瘦，食落卻不會乾柴，切成細條的金錢肚很好入口，牛丸彈牙而且咬落爆汁，另可選經典牛三寶飯（$82）。
至於小食就有滷溏心蛋你見過未?（$10）、清爽涼拌菠菜（$20）和舊時走鬼檔辣魚蛋（$20）等，秘製辣汁與魚丸的搭配洽度好處～
餐廳還供應多款特色飲品，近期大熱的鴨屎香爆檸茶（$48）和鴨屎香鴛鴦（$48）都有得飲～
YA鴨
地址：尖沙咀加連威老道58A地下
營業時間：每日上午11時至晚上10時
電話：3102 2238
人氣餐廳排名
-
港式美食
Ya Cafe
特式🤩慢煮🦆鴨片
尖沙咀🚇呢間小店主打慢煮🦆鴨片，聽講佢嘅撈粗🍜幾好味，可惜今日賣曬所以未試到🥲。 佢哋嘅鴨蔥油慢煮滷肉🦆鴨片飯大大碗，慢煮鴨片份量足👍幾抵讚，鴨片好嫩滑而且十肥美😍，成碗飯充滿鴨蔥油香🤤，撈埋滷肉同埋榨菜一齊食😋層次豐富。 個餐仲配咗🦆鴨肉雞湯🥣，湯頭幾清澈味道好☺️濃郁，不過我就覺得有少少🤏過鹹。 食食下佢哋話🎁送個小食，係滷肉🐟魚蛋，撈飯🍚食一流呀！ 呢度原來都有唔少🍹飲品選擇，呢個黑糖珍珠🧋鮮奶咖啡幾有驚喜，☕咖啡香濃，牛奶🥛厚身香甜，加上煙韌嘅黑糖珍珠十分之👍好飲。 YA鴨 地址：尖沙咀加連威老道58A號地舖 #ya鴨#鴨蔥油慢煮滷肉鴨片飯#鴨蔥油#鴨油#慢煮#滷肉#鴨片#慢煮鴨片#慢煮鴨#撈粗#魚蛋#小食#黑糖珍珠鮮奶咖啡#黑糖珍珠#鮮奶咖啡#黑糖#珍珠#鮮奶#咖啡#尖沙咀美食 #UcreatorHK#MOMENTSwithUCreator#BESTFOODwithUCreator#TRAVELwithUCreator
閱讀更多
-
深圳
羅湖區
$40幾蚊片皮鴨😋好味又抵食🤤🤩
鴨鴨記 深圳呢間片皮鴨外賣真係好抵食🤩佢又好味都唔會話好細份🫶🏻😍我哋嗌咗個一人餐~份量都唔會話好少🤩有15塊餅皮､一盒片皮鴨､一份鴨骨架､一盒青瓜京蔥同山楂🤩🫶🏻最特別嘅係呢間有山楂可以夾埋啲片皮鴨落個皮度一齊食,好好味😋😋😚不過最衰係得外賣冇堂食~我哋想去住嘅時候嗌外賣,半個鐘送到嚟餅皮片皮鴨都仲係暖嘅,片皮鴨個皮係脆嘅🤩🤩🤩超級正! #深圳cafe推介#深圳美食#深圳攻略#UCreator#深圳探店#深圳打卡#深圳新店#請您食月餅#增強貓貓免疫力#家居必備神器#雙聚嚐月#主子零食時間到#清爽夏日#夏日炎炎啤啤佢
閱讀更多
-
中國
潮菜
荔芋香酥鴨 潮州名菜 ､芋泥鬆軟,外層纖細蓬鬆､像蜂巢一樣､炸至酥脆香口､不油膩､搭配滷鴨的鹹香,咬下去很有層次感､醬汁鮮香味十足 搭配起來爽極!
閱讀更多
