元朗、旺角都有分店的人氣烤魚店「烤魚工房」近日推出優惠，午市18款火鍋配料90分鐘任食，宵夜時段原條烤魚加2款惹味串燒$300有找，也有人均$83的6人烤魚燒烤套餐，幾抵食！此外，打卡分享食評亦送雪糕，各位烤魚迷一於去擦餐勁～
餐廳裝修主打復古街頭風設計，佈滿顏色鮮艷的霓虹燈牌，十分型格～
餐廳供應多款特色烤魚，包括鮮青花椒味烤魚、毛血旺烤魚（加$30）、香辣豆花烤魚、剁椒味烤魚、酸辣泡椒味烤魚，還有不吃辣人士也適合的鹹蛋蒜香酸菜味烤魚，每款烤魚都可以選擇三種魚入饌，分別為江團魚（$329）、清江魚（$289）、海鱸魚（$289）。
*按細圖查看Menu
招牌鮮青花椒味烤魚的魚肉幾嫩滑，而且預先煎過，所以更加「索汁」，充滿青花椒的香氣。餐廳亦分開了中間的魚骨，吃起來幾方便。
小編就推薦毛血旺烤魚，因為不用加配就有鴨血、黃喉、牛柏葉和午餐肉，而且麻辣味特別濃郁，幾惹味，重口味人士必試！
此外餐廳亦供應多款惹味燒烤，推薦重慶把把串，內有羊肉、五花肉、雞腎、魷魚、雞軟骨等串燒，可以一次試勻多種串燒，而且有個火爐烘烤着不易變冷。肥腸串燒、燒茄子和燒蠔也值得一試，肥腸油香十足，十分邪惡！燒茄子和燒蠔的則蒜蓉量澎湃，而且鮮嫩多汁。
小食就推薦紅糖糍粑和花甲粉絲，糍粑外酥脆內軟糯，花甲鮮甜沒有沙子。
＊按細圖查看其他特色小食
吃辣最緊要搭配透心涼的飲品，大大杯的幽蘭拿鐵、益力多沙冰、水果茶都是不錯的選擇。
即日起至11月30日，餐廳每日的午市時段推出火鍋配料任食活動，逢星期一至四的宵夜時段亦有抵食套餐，即看優惠詳情：
午市優惠
凡於餐廳惠顧任何款式烤魚，即可限時90分鐘免費任食如鴨血、豆花、腐竹、響鈴、午餐肉等18款火鍋配料（原價每份$20）。
宵夜優惠套餐
| 價錢 | 內容 | |
| SET A（2人套餐） | $299（原價$436） | (1) 1款口味烤魚（江團魚另加$40；毛血旺口味另加$30） |
| SET B（4人套餐） | $399（原價$544） | (1) 1款口味烤魚（江團魚另加$40；毛血旺口味另加$30） |
| SET C（6人套餐） | $499（原價$604） | (1) 1款口味烤魚（江團魚另加$40；毛血旺口味另加$30） |
此外，任何時段打卡並分享食評至社交網站即送雪糕；藍妹生啤買2送1；hoegaarden全新果味啤酒買1送1，各位無辣不歡的朋友都可以趁着優惠期試試～
烤魚工房
優惠期：即日起至11月30日
優惠時段：中午12時至下午3時半（午市）│晚上9時後（宵夜）
元朗分店地址：元朗教育路54-66號順發大樓地下及1樓
旺角分店地址：旺角亞皆老街16號旺角商業大廈2樓│旺角登打士街43H號登打士廣場2樓
*餐廳將保留各項優惠決定權。
飲食熱話
-
中式料理
烤魚界天花板@烤魚工房
相約表妹食飯，問佢想食咩，答案出乎意料，竟然唔係食日本菜而係想去食烤魚。 呢間就係佢帶我去的，仲話係香港最正宗，最地道最愛歡迎的重慶烤魚，長期人龍排隊! 由門口望入去，以為去咗卡啦OK，裝修風格相當特別，無諗過係烤魚專門店。 霓紅燈作為天花裝飾，主要為卡座，坐得都幾舒適。 主打烤魚，仲有串燒及乾鍋，手機落單，簡單方便 最先出場係蔥油拌麵 ($36)，材料簡單，撈好就食得。麵條幾彈牙，蔥油加上醬汁，好快食完就上主菜啦。 六款口味中，招牌必吃鮮青椒味烤魚 三款魚中選擇江團魚 ($329)，未食過就先選小麻小辣。原條即點即烤，成條魚直徑都成個盤咁大，足夠3-4個人食。插埋支廣告紅旗，幾搞鬼。 鮮青椒與辣椒碎舖係魚身上，未食已有視覺上嘅衝擊，湯底再滾起就食得。 貴些少價錢都選擇食江團魚，皆因少骨，魚肉嫩滑又多，偶然食到魚脂肪，更添點魚油香味。先煎香魚，外皮再帶點微脆，半點腥味也沒有。 湯底麻中帶小辣，賜予魚肉刺激感，滾住食，每啖魚肉入口都熱辣辣。 雖然湯底中仲有少量金菇同大豆芽，但無阻我吔再叫其他配菜嘅，鴨血，萵荀片，娃絓菜同火鍋粉 (每份$20)。 食烤魚呢類濃味食物，又點少得杯凍飲?! 除咗汽水外，仲有多款特色飲品，見水吧職員不停手調製，就知幾咁受歡迎。我都唔執輸，叫杯至尊水果茶 ($43)，多款水果混入茶中，又靚又好飲，仲可以食埋D生果，解渴又解辣。 食到咁上下就加配菜，呢度嘅鴨血入口嫩滑，好似食緊果凍口感，與麻辣湯底係絶配; 另外萵荀片要爽脆口感或腍身D都隨我喜好。 火鍋粉又係不能缺席，煮至煙韌口感，就咁加湯一齊食，要KO一碗又係無難度。 壓軸出場係厚燒牛舌串 ($36/2串)，門口師傅真係無停手咁燒，牛舌有相當厚度，又大件，燒完再灑上孜然粉，成件事即刻變得好川式。 今餐真係好味又超飽，估唔到依加食烤魚都變成年輕人嘅喜好，怪唔得整個”香港烤魚界天花板”，年青人一睇就明，哇哈哈……………… #ublog #food #foodie #foodlover #foodblog #重慶烤魚 #川菜 #旺角 #烤魚工房 #旺角 #川菜 #foodie #foodlover #foodblog #重慶烤魚 #food #ublog #烤魚工房 (此文章由U Blog 同步發佈至社群)
閱讀更多
-
打卡熱點
烤魚工房
旺角巨量烤魚鍋🔥麻辣毛血旺烤清江魚😋
喺旺角想食烤魚?推介烤魚工房!環境都幾舒服,適合一班朋友聚會吹水,價錢又親民,絕對係會encore嘅好地方! —— 毛血旺烤魚 $329 一上枱超大盤好打卡!一份四個人食都好夠!揀咗清江魚,魚肉鮮嫩多肉,好少骨~配上麻辣湯底,麻度辣度可以自選,鋪上滿滿毛血旺,同薯仔､午餐肉等配料,辣得過癮又夠麻! —— 厚牛舌串燒 $36 —— 薯仔串燒 $15 牛舌切得超厚身,燒到外層微焦,內裡保持粉嫩多汁,咬落去彈牙又有嚼勁! —— 鐵板爆漿豆腐 $39 必點!外層微脆,內裡超滑口,加上蔥蒜冇得輸😋 🌟推薦指數:8/10 ▫️▫️▫️▫️▫️▫️▫️▫️▫️▫️▫️▫️▫️ 📍烤魚工房 (旺角) 旺角登打士街43H號登打士廣場2樓 #打卡美食#打卡#TRAVELwithUCreator#香港美食攻略#香港購物攻略#香港打卡攻略#Weekend搵嘢玩 #雙聚嚐月#家居必備神器#歎住靚景staycation#啖啖舒暢透心涼#哈囉喂全園祭#以油養膚締造水光肌 #旺角美食#旺角好去處#旺角餐廳#烤魚 #歡度中秋佳節
閱讀更多
-
著數報料
烏蠅館 (紅磡)
《半價好抵食🔥$150食烤魚火鍋🐟🍲》
早1日預訂就可以半價食到烤魚/火鍋鍋底 🐟🥘 原條海鱸魚連鍋底都係$150🐟，好抵食‼️ 最勁嘅係佢哋衝出香港，喺東京渋谷區都有分店🇯🇵 . 📍海鱸魚配蒜香湯底（$298➡️$149） 原條鱸魚肉量多🐟，魚肉較實淨 除咗麻辣鍋底🌶️，仲可以點蒜香濃湯🧄 唯一係湯底濃度有啲鹹 湯底配咗大量木耳同金菇，價性比真係好高 . 食完烤魚可以打埋邊爐🍲，牛板腱軟滑🥩 鮮蝦雲吞大大粒🦐；其他配料正常發揮 . 小食幾有驚喜，烤雞/牛肉串燒唔錯🍢 蠔仔紅油水餃🦪麻辣有蠔味🔥 流心紅糖糍粑軟糯香甜☺️ 另外水果沙冰都好清爽，仲有粒粒椰果好有咬口 . 烏蠅館 (永榮樓) 紅磡民泰街39號永榮樓地下B2號舖 #草根食在黃埔 #草根食火鍋 . . . . . . . . #beef #noodles #hk #hkig #hongkong #黃埔 #黃埔美食 #香港 #girl #hkgirl #紅磡 #紅磡美食 #火鍋 #bbq#麻辣 #Hongkong #meat #sweet#friedfood #hotpot #串燒 #烏蠅館 #香港美食 #烤魚 #糍粑 #mochi#shabushabu #打邊爐 #香港 #sweet #hotpot #火鍋 #bbq #烤魚 #紅磡 #串燒 #hkig #hongkong #beef #香港美食 #noodles #meat #麻辣 #hkgirl #黃埔 #紅磡美食 #黃埔美食 #mochi #糍粑 #烏蠅館 #grassrootseaters #hk #u blog #girl #草根食在黃埔 #Hongkong #friedfood #草根食火鍋 (此文章由U Blog 同步發佈至社群)
閱讀更多
