月前進駐荃灣南豐紗廠的 KoBaNeby Minimal，是深水埗人氣 cafe 迷你毛的姊妹店。新店不是文青少女風格，以淺木家具配搭日本懷石料理店常見的植物如南天竹、金山棕及苔球等，營造簡約、悠閒的氛圍，加上店子採光度高，感覺溫暖 homey 又帶點和風。
text│Amy
主理人之一 Alan 表示，除了幾款簡單的意粉和定食，今次想將焦點放在甜品上。Alan 有十多年做甜品的經驗，曾於帝都酒店及萬豪酒店等餅房工作，更在甜品出名高質的文華東方酒店工作 8 年多，一路躍升至副餅廚。他堅持所有配料都不用現成貨，像糖漬水果、果醬、雪糕等都是自家製的，誠意十足。
深水埗店招牌的新派 tiramisu 這兒都可吃到，與傳統版本不同，他將 mascarpone 芝士層以分子料理方式做成泡沫，唧在朱古力忌廉、手指餅及咖啡脆餅碎上，既有 tiramisu 神韻，亦比傳統的輕盈，好有驚喜。
幾款全新創作的西式甜品亦注入了和風。接到柯打後，Alan 會即席於開放式廚房製作甜品，客人可同時欣賞到他的手藝。
例如粟米焦糖酥盒便是他的得意之作。他將原粒粟米打蓉，加入日本雞蛋等做成吉士醬，配埋柚子朱古力脆脆、呍呢嗱煮日向夏柑及乳酪雪葩等，集脆、酸、甜及冷暖於一身，質素媲美 fine dining 餐廳出品，甜品全部定價在 $80 以下，CP 值相當高。
意大利芝士餅 $77
底層是咖啡味 crumble，上面有 72 % 朱古力忌廉、手指餅和朱古力薄脆等，再唧上咖啡 mascarpone 芝士泡沫。
蜜柑芝士撻配山椒柚子雪葩 $72
中間的糖漬愛媛縣蜜柑酸甜 juicy，外面唧上柚子忌廉及吉士醬，底層的芝士撻有甜餅底、杏仁蛋糕及烤芝士蛋糕 3 個層次。
小店的雪糕及雪葩都是自家製的，山椒、羅勒味都坊間少見。
選用日本罐頭白桃，加入白桃果泥、白酒、呍呢嗱籽及肉桂煮過，呈漂亮的紫粉紅色，桃味好香。
粟米焦糖酥盒配乳酪雪葩 $78
鬆脆富牛油香的自製酥盒唧上粟米吉士及拖肥醬，粟米味濃郁香甜，配搭柚子朱古力脆脆、呍呢嗱煮日向夏柑及 creamy 的乳酪雪葩。
做芝士撻的愛媛縣蜜柑是 Alan 自家糖漬的，味道清香甜美。
意大利芝士餅口感比傳統 tiramisu 輕盈。
士多啤梨芝士撻配羅勒雪糕 $72
芝士撻底上有士多啤梨果泥、原粒士多啤梨、柚子忌廉、士多啤梨吉士及紅莓米通等，賣相與味道出色，食完仲可以吃羅勒雪糕清清味蕾。
士多啤梨接骨木花沙冰配羅勒雪糕$68
由呍呢嗱奶凍、煙燻紅茶啫喱、粒粒士多啤梨果醬、羅勒雪糕、柚子朱古力脆脆及接骨木花沙冰等組成，口感豐富。
===========================================================
【info】
KoBaNe by Minimal
地址：荃灣白田壩街 45 號南豐紗廠 1 樓 103 號舖
電話：從缺
營業時間：星期一至五 11am - 7pm，星期六、日及公眾假期 10:30am - 8:30pm
