講到港式甜品，大家都會想起雞蛋仔、豆腐花及芝麻糊等，有甜品店將上述的食品變成為睇得又食得的版本。打卡度最高，一定是雞蛋仔，以油畫調色盤奉上，三重芝士口味雞蛋仔配了6款「顏料」，分別是 61% 法國朱古力醬、雜莓果醬、檸檬醬和海鹽焦糖等，口味多多，好睇又好食。
text│Kathryn
另一款極為吸引的是即叫即撞豆腐花，店員會在客人面前將豆漿撞入放了石膏粉和生粉水的石磨器皿中，待10分鐘後凝固成豆腐花，即撞豆腐花特別香滑，豆味亦濃郁，可再自行配上桂花冰糖等3款糖水，或是加入蜜紅豆薏仁等配料。
店內亦有 fusion 港式小食，例如將炸魚皮配墨西哥牛油果莎莎醬、碗仔翅加入花膠及蒟蒻麵伴炸紫菜天婦羅，以及用泰國蝦頭油、菜脯等炒的鐵鑊燒賣，港式食品頓時變得有趣富心思。
【info】
小點角落 Bite by Bite
地址：旺角白布街 22 號藝興大廈地下 4 號舖
電話：3709 8250
營業時間：星期一至四 12nn - 10pm，星期五至日 12nn- 11pm
店內有不少特色飲品，好像芒果茉莉及麻辣 S'more，杯杯引入打卡。
雪燕椰皇燉蛋白 $68、榴槤甘露果凍碗 $68（左）
原個椰皇加入蛋白蒸煮約 25分鐘，再加入椰汁紅棗桂圓糖水及雪燕。椰子布甸加了馬來西亞的 D24 榴槤肉，香味濃郁。
豆腐凍芝麻糊 $58
先將杯子上的竹炭糖片敲碎，再倒入自家製黑芝麻糊，配上豆腐凍，芝麻味香濃。
另一熱賣產品是用鑊仔上的巨形梳乎厘，圖為原味疏乎餅，另有檸香及麻辣朱古力味。
雞蛋仔 101 畫室 $88
雞蛋仔放在調色盤上奉客，以馬蘇里拉、車打和巴馬臣芝士製成，富蛋香之餘也添加了鹹香，配上6款醬料。
花膠碗仔翅蒟蒻麵伴炸紫菜 $68
碗仔翅用新西蘭鱈魚膠浸過夜，加入木耳絲、冬菇、雞絲和雞湯煮成，以蒟蒻麵取代粉絲，配上自家鮮炸紫菜天婦羅。
堂弄豆腐花 $108
新鮮撞的豆腐花熱辣辣，軟滑度 100 分，可配上桂花冰糖、黑糖薑燕麥、香片桂圓 3 款糖水，或是加入蜜紅豆薏仁、手工小丸子和炸豆腐皮等配料。
鐵板蝦頭油菜脯燒賣 $58
魚肉燒賣大粒彈滑，配了泰國蝦頭油、菜脯、蝦米、辣椒等炒成的醬料，十分惹味。
