這間小小的外賣店，每到 weekday 的放飯時間，店主便會馬不停蹄地準備外賣罐罐。吓！乜啲貓奴狗奴咁乖巧，lunch 就要買定罐罐畀主子吃？非也，原來罐罐為人類而設，玩味十足，裏面更相當精彩，拉開蓋子，是滑溜的旋風炒蛋！店主 Maggie 與 Sam 曾從事飲食業，一直夢想開餐廳，剛巧到韓國旅遊時，發現當地流行外賣罐罐甜品，就想到罐罐裏改為日式飯咪仲好玩？於是就開了這外賣店試試水溫。
text│Kathryn
這店主打西日料理，供應 15 款主食，包括最受歡迎的罐罐蛋蓋飯，可配蜜糖雞排、牛肉漢排、蒲燒鰻魚或吉列豬扒。罐罐原來不單可供打卡，更有良好的保溫功能，即使隔了半小時才開蓋，半熟滑蛋蓋飯仍然暖笠笠，也保持到美觀的旋轉蛋紋理。
滑蛋蓋飯是兩位店主的拿手作，選用九州雞蛋做，不用加任何調味，蛋香突出，有味飯則以日本珍珠米加上以昆布水、燒肉汁及日式醬汁煮成的醬汁。
罐罐內的美食選擇還有卡邦尼意粉、茄汁意粉、日式咖喱飯、沙律及關東煮，定價 $58 起，也可加錢轉作套餐。試過卡邦尼意粉，配法國忌廉，效果很 creamy。輕盈一點則有喵喵罐魚魚特色沙律，是豆豉鯪魚炒油麥菜，難得沙律都咁惹味。
【info】
Meow Monster Chef
地址：觀塘鴻圖道 76 號聯運工業大廈 6 樓 B 號舖
電話：9457 9527
營業時間：星期一至四 11am - 10pm，星期五 11am - 1am，星期六 5pm - 1am，星期日及公眾假期 5pm - 11:30pm
自家製牛肉漢堡扒旋風蛋罐罐飯 $68
這裏的日式飯會如圖般包裝，旋風蛋飯以罐頭獨立保存，牛肉漢堡及配菜則以便當盛載。加 $10 可升級為套餐配海鹽枝豆、漬物、甜品及飲品。
蜜糖旋風蛋雞罐罐飯 $68、柑桔檸檬百香果茶 加配 $8 支
雞排烤得嫩滑，配自家調製茄汁。百香果茶酸酸甜甜，味道清新。
肥龍眼水、柑桔檸檬百香果茶 加配 $8 支
點任何主食可以加配，龍眼水以龍眼乾及龍眼水煮一小時，龍眼香氣濃而甘甜。
香草雜菌卡邦尼罐罐炒意粉 $58
卡邦尼用了扁意粉，更掛汁及有咬口，配煙肉、洋葱、腩肉，加上用法國忌廉製成醬汁，creamy 濃郁。
喵喵罐魚魚特式沙律 $58
參考豆豉鯪魚炒油麥菜，沙律用了豆豉鯪魚乾以及油麥菜沙律，玩味十足。
自家製牛肉漢堡扒旋風蛋罐罐飯
漢堡以美國免治牛肋條製成，再用洋葱同調味，肉味香濃。
