老字號陶源酒家的大閘蟹放題相當馳名，今年添點新意思，新推單點的韓式醬油大閘蟹。以類似韓國醬油蟹做法，以水、韓國醬油、洋葱、蒜頭、生薑、辣椒、燒酒、甘草、月桂葉等先熬煮醬汁，再加入紅棗代替砂糖帶出天然甜味，醬汁清甜、不會太濃烈或死鹹。做好醬汁，再放入清洗乾淨的大閘蟹在雪櫃生醃 3 日 3 夜至入味。
店家選用貨源穩定的江蘇大閘蟹，蟹公及蟹乸都會用，約重 4 両至 4 両半。大閘蟹醃入味，打開蟹蓋，蟹膏變得黏軟、吸盡醬香，零舍甘甜；蟹肉比清蒸的爽軟。也可選擇油鹽焗大閘蟹或太雕蒸大閘蟹兩種食法，一樣好味。
【info】
陶源酒家
地址：灣仔菲林明道 8 號大同商場 1 至 2 樓
電話：2258 7688
營業時間：8am - 10pm
備註：全線分店亦有供應，大閘蟹由 6pm 開始提供
---------------------------------------
韓式醬油大閘蟹 $88
蟹公以韓式醬油生醃，本來輕軟的蟹膏變得略為稠身及半凝固，蟹膏也吸收醬油甜味，更加惹味。蟹肉則比熟食版爽口。
將江蘇大閘蟹浸入自家配方韓式醬油汁內，浸足 3 日 3 夜才入味。
4 両至 4 両半重的醬油江蘇大閘蟹公都幾多膏，入口軟滑。
油鹽焗大閘蟹（$528 起大閘蟹放題任食項目）
在蟹身掃上葱油再撒上粗鹽焗，帶出溫和鹹香。
太雕蒸大閘蟹（$528 起大閘蟹放題任食項目）
蒸至尾段噴上紹興花雕讓大閘蟹吸收酒香，味道柔和易接受、也不會蓋過蟹鮮味。
油鹽焗大閘蟹，蟹膏甘香，店家取貨的蟹質素也不錯，隻隻多膏。
