講起九龍城美食，除了泰國菜外，還有沙嗲火鍋！地道港式大排檔「馬仔粉麵」隱身於九龍城街市熟食中心，必點小店晚市的特濃沙嗲火鍋，沙嗲湯底超香濃，還有粒粒花生，打邊爐推介配手切牛肉和出前一丁，變成沙嗲牛麵好惹味～
同場加映：溫泉蛋煮多久？零失敗完美溫泉蛋簡單做法！ 2種方法用電飯煲／關鍵溫度+量水／溫泉蛋醬汁
沙嗲火鍋（湯底$60）
除了沙嗲湯底外，還有蕃茄湯、皮蛋芫荽、清湯選擇，亦可加$10轉雙拼湯底。沙嗲湯香噴噴，濃稠微辣帶花生香，不會太鹹。
手切牛肉（小 $300｜大 $360）
牛肉厚片大份，肉質鮮嫩，肥瘦均勻不嚡口，跟香濃沙嗲汁完美配搭。
除了牛肉外，打邊爐配料還有海鮮、丸類和蔬菜等，可單點或雙併，雙併同價。必食炸魚皮（$45），香脆大塊份量足，輕輕一淥吸滿沙嗲汁，好香口。$35配料款式有蘿蔔、豬皮、豬紅等，蘿蔔清甜無渣又入味，豬皮爽彈；$55配料可選黑柏葉、水魷、鮮雞件、豬粉腸、釀豆卜、雲吞等，至於$80配料分別有脆肉鯇魚片、豬腰等。食沙嗲火鍋又怎能錯過出前一丁麵（$35）？即食麵夠掛汁，吸滿沙嗲湯和打邊爐配料的精華，超惹味！
馬仔粉麵
地址：九龍城九龍城市政大廈3樓2號舖
營業時間：6pm - 11pm（逢星期一休息）
電話：2716 7032
人氣餐廳排名
-
擦餐勁
馬仔粉麵
九龍城·濃厚沙嗲鍋🫶🏻
估唔到細細個熟食中心竟然有得打邊爐 仲要有勁濃厚既沙爹湯底🥹🥹🥹 絕對係比起普通茶餐廳食既沙爹牛肉麵更濃 仲會咬到花生碎 煮完個麵勁掛汁🤤🤤 現場有冷氣 唔會太熱 地下都無油淋淋 但食到後半見到勁大隻米奇跑過🥲 又真係覺得好好食好想encore 🥲🥲 #香港美食#邊爐#沙爹 #九龍城#九龍美食 #UCreator
閱讀更多
-
港式美食
瀛鍋
打邊爐 x 靚牛肉
呢間餐廳環境闊落九龍城出名既打邊爐餐廳之一，座位舒適，而且樓上仲有包廂房間，私密度比較高，可以訂房同朋友慶祝，傾生意，私人飯聚都好岩。 呢度15周年慶祝優惠每位都送冰鎮鮑魚一粒，爽口彈牙，刺身拼盤仲有三文魚，三文魚籽魷魚，北寄貝同希靈魚。 飲品方面夏日解渴推介洛神花消暑又解渴，另一杯係鴨屎香檸檬茶鴨屎香味濃郁，檸檬開胃醒神，而且份量都好大杯。 湯底揀左卜卜蜆煲，仲叫左一份雙拼手切牛肉同埋霜降牛肉，手切牛肉比較煙韌肉味濃郁，霜降牛肉就比較軟熟油脂分布平均。 瀛鍋 地址：九龍城福佬村道82-84號福成閣地下A-B鋪 #UCreatorHK #BESTFOODwithUCreator #九龍美食 #香港地道美食 #foodie #打邊爐
閱讀更多
-
香港攻略
瀛鍋
送你冰鎮鮑魚｜九龍城高質火鍋店
估唔到九龍城除咗泰國菜，仲有間咁有驚喜嘅高質火鍋店！營業時間星期一至日16:00 - 02:00 啱曬我哋呢啲夜鬼， 一入去已經覺得環境好闊落，最正係佢有中日主題嘅獨立房，竟然仲有兒童遊樂區，帶埋小朋友或者中小型貓狗主子嚟都完全無問題，呢點真係大加分！✨ 講返嘢食，走高質食材路線真係食得出： 🥢 刺身控必點： 加拿大象拔蚌刺身極之鮮甜爽脆；三文魚厚切肥美。最驚喜係晚市入座，每人會送一隻冰鎮鮑魚，大大隻厚肉又彈牙，誠意十足！ 🥢 特色餐前小食： 出面好少見嘅「椒鹽鱔球」，炸得香脆惹味，但完全無蓋過鮮香，極度推介！另外仲有「鬼馬鴛鴦膠」，油炸鬼脆卜卜配搭得好有新鮮感。 🥢 牛魔王之選： 湯底揀咗「有機蕃茄薯仔鮮牛鍋」，真係足料到癲，飲啖湯已經濃郁到朋友話最尾一定要加個公仔麵！配埋「手切鴛鴦牛」，油花分佈極靚，牛味超濃，嫩滑多汁！ 🥢 必試內臟及手打丸： 新鮮豬粉腸洗得超級乾淨，一啲異味都無。手打四寶丸同什丸（特別係香芋包心貢丸）真材實料，咬落去爽口彈牙，不過食香芋丸真係要小心爆汁辣親條脷呀！🤣 最後飲返杯自家調配嘅洛神花茶同檸檬綠茶，唔會太甜，解膩一流！ 下次一大班人聚會或者帶主子出街，又多個好選擇喇！ 瀛鍋 📍福佬村道82-84號福成閣地下A-B號舖
閱讀更多
