食廈大鴻輝中心頂層開了一間火鍋店，晚晚坐七、八成，佔地 6,000 呎，全店均採用卡座，仲可以飽覽到荃灣的城市景與山景，環境不錯。另一賣點是設有 9 間獨立包廂，備有智能電視和自動洗牌麻雀機，其中 vip 豪華海景 party 房，可容納 6-12 人，最低消費為 $5,888，平均每人 $490，可玩足 8 小時！
餐廳還有不少期間限定優惠，2 人同行即可享「$1 任你揀一蚊雞鍋」優惠，原價 $198 起的鮮椰子雞鍋、花雕藥膳醉雞鍋、雞煲等變成 $1，抵到爛！雖然只收 $1，但都是真材實料。鮮椰子雞鍋，店員更當住你面前倒入原個椰皇的椰青水，加埋藥材，湯底椰香味撲鼻，清甜唔燥！
食豪少少，不妨揀招牌韓海鮮鍋，一盤海鮮與豬骨湯上枱，有鮑魚、蟶子、龍蝦和花甲，都是新鮮游水海鮮，很大盤很有看頭。另外餐廳破格推出「你話事！想點食就點食」，客人挑選好喜歡的海鮮後，可自選多種煮法：火鍋、刺身、椒鹽、清蒸、薑葱、酥炸黄金、蒜蓉粉絲或三葱燴，煮法咁多變化！
這裏有多達 80 款火鍋配料，深知港人愛吃牛，有上等手切安格斯牛小排，雪花紋理好靚，特別部分如腩包、牛胸爽、牛脷都有。四寶丸、餃類、哈蝦油條都是自家製，整理幾有誠意！
-----------------------------------------
火鍋店位於大鴻輝中心 21 樓頂層，坐擁城市和山景景色，荃灣好少有咁靚景開揚的火鍋店。
韓海鮮鍋跟配的海鮮 $498
海鮮和豬骨湯底分開上，海鮮每日新鮮購入，選這鍋可食齊鮑魚、蟶子、龍蝦和花甲，全部爽彈香甜，非常新鮮。
上等手切安格斯牛小排 $338
肉色夠紅、又有均勻雪花紋理，肉質嫩滑，油香出色。
$1 花雕藥膳醉雞鍋（原價 $198 起）
以十多種藥材自家熬煮而成，有濃濃雞香及酒香，滋補養生。
$1 鮮椰子雞鍋（原價 $198 起）
以雞、新鮮椰子肉、杞子、紅棗等多種藥材熬煮而成，上枱時更倒入原個椰皇椰青水，椰青味瞬間爆發。
極級本地手切新鮮肥牛（腩包） $398
脂肪較少，牛味濃郁，本地牛就係嚼勁都好啲。
$1 路邊雞煲（原價 $198 起）
將十多種不同的秘製香料爆炒雞肉，醬汁濃稠惹味，炒好後幾嫩幾入味。
【info】
蘇潮韓海火鍋私房菜
地址：荃灣眾安街 55 號大鴻輝荃灣中心 21 樓全層
電話：3188 0096、9218 8662（WhatsApp）
營業時間：4pm - 12mn
