聖誕節快到，仲未諗到聖誕大餐食咩好？韓燒或者是不錯的選擇，新麻蒲推出聖誕節2人套餐，由冷盤到主食焗龍蝦、燒肉，再有可愛的馴鹿造型Cupcake做甜品，非常豐富。
頭盤有「三文魚飛魚籽沙律」及「香煎帶子」，三文魚下伴有花生醬，配搭特別。
再來有「芝士焗波士頓龍蝦」，原隻龍蝦開邊上，大大隻又夠厚肉，配搭芝士非常惹味。
重頭戲是套餐內的數款燒肉，包括有「極品1++韓牛」、「新麻蒲護心肉」以及「秘製豬頸肉」。
極品1++韓牛油脂分佈平均，啖啖都充滿肉汁。
店內人氣護心肉都包含在套餐內，約有7件，肉質爽口。
豬頸肉可燒至微焦，會更加香口。
除肉類外，套餐包含鮑魚2隻及香菇，鮑魚連牛油和蒜一起燒，非常惹味。
套餐附兩杯飲品，「紅桑子果醋」及「韓國青葡萄果醋」可以消消滯；不夠可另點燒酒和啤酒，樽身換上馴鹿造形，非常可愛。12月15日前致電及繳付$100訂座訂金，並於12月22日至1月1日期間惠顧聖誕主題二人套餐，可免費獲贈創意馴鹿造型燒酒或啤酒乙支，數量有限，送完即止。
甜品有同樣是馴鹿造形的朱古力Cupcake。
以上聖誕套餐價錢為$698/set，另收加一服務費。
新麻蒲BBQ
地址:
銅鑼灣波斯富街24-30號寶漢大廈
旺角彌敦道636號銀行中心1樓8-9號舖
葵芳興芳路223號新都會廣場L1層185號舖
元朗元龍街9號形點一期地下G008號舖
